MAIZEN წარმოადგენს უნიკალურ სივრცეს, რომელიც აერთიანებს მაღაზიის, ბარისა და არტ-პლატფორმის ფუნქციებს. კომპანია, 2024 წლის ბოლოს გაიხსნა. მეტი დეტალისთვის Business Insider Georgia "მაიზენის" გენერალურ მენეჯერს ანი მიქიაშვილს ესაუბრა.

როგორია კომპანიის საქმიანობის სპეციფიკა, როდის დაიწყეთ საქმიანობა და რას სთავაზობთ მომხმარებლებს?

MAIZEN წარმოადგენს უნიკალურ სივრცეს თბილისის კულტურულ რუკაზე, რომელიც 2024 წლის ბოლოს გაიხსნა. იდეა 2022 წელს ოსაკაში მოგზაურობის დროს დაიბადა და მიზნად დაისახა იაპონური ესთეტიკის, დიზაინისა და მატჩას კულტურის ერთიან კონცეფციად გადმოტანა თბილისში.

MAIZEN აერთიანებს მაღაზიის, ბარისა და არტ-პლატფორმის ფუნქციებს და მომხმარებლებს სთავაზობს:

ხელნაკეთ, ლიმიტირებულ ნივთებს წამყვანი საერთაშორისო ბრენდებისა და არტისტებისგან;

ექსკლუზიურ მატჩას სასმელებსა და კოქტეილებს პირველი მატჩას ბარიდან საქართველოში;

განსაკუთრებულ ესთეტიკურ გარემოს, რომელიც ემოციურ და ვიზუალურ გამოცდილებას ქმნის.

როგორია მიმდინარე ასორტიმენტი?

ასორტიმენტში წარმოდგენილია:

ხელნაკეთი და ლიმიტირებული დიზაინერული ნივთები ისეთი, როგორიც სხვაგან არ მოიძებნება;

საერთაშორისო ბრენდების უნიკალური პროდუქცია;

სპეციალურად MAIZEN-ისთვის შექმნილი არტობიექტები;

მატჩას სასმელების სრულფასოვანი არჩევანი, მათ შორის ტრადიციული და ავტორული რეცეპტებით დამზადებული კოქტეილები.

ასორტიმენტი პერიოდულად განახლდება და ხშირად ეფუძნება სპეციალურ კოლაბორაციებს დიზაინერებთან და ხელოვანებთან.

როგორ აფასებთ მოთხოვნას ზოგადი თვალსაზრისით?

მოთხოვნა MAIZEN-ის კონცეფციაზე ძალიან დადებითია. მოკლე დროში შევძელით მატჩას კულტურის პოპულარიზაცია და სივრცის დამკვიდრება როგორც ინოვაციური, ესთეტიკური და კულტურული დანიშნულების ადგილის. მომხმარებლები მოდიან როგორც გემოს აღმოჩენისთვის, ისე საჩუქრების შეძენისა და დასვენების მიზნით. წარმატებულად ვითარდება სხვადასხვა პროდუქციის გაყიდვაც, განსაკუთრებით თემატური, სეზონური შეთავაზებების ფარგლებში.

რას მიიჩნევთ კომპანიის კონკურენტულ უპირატესობად?

MAIZEN-ის მთავარი კონკურენტული უპირატესობებია:

• კონცეფციის უნიკალურობა და მრავალფუნქციურობა - სივრცე არ არის მხოლოდ მაღაზია ან ბარი, არამედ პლატფორმა ხელოვნებისა და დიზაინისთვის;
• ექსკლუზიური პროდუქცია, რომელიც სხვაგან ვერ შეხვდებით;
• პირველი მატჩას ბარი საქართველოში და ამ კულტურის პოპულარიზაცია საქართველოში;
• კრეატიული კოლაბორაციები ქართველ არტისტებთან;
• ესთეტიკასა და ემოციურ გამოცდილებაზე ორიენტირებული მიდგომა.

როგორია კომპანიის სამომავლო გეგმები?

MAIZEN-ის ისტორია ჯერ მხოლოდ იწყება. სამომავლო გეგმებში შედის:

ბარის მიმართულების გაფართოება;

შოურუმისა და პროდუქციის ხაზის განვითარება;

სივრცის გამოყენება, როგორც საკომუნიკაციო პლატფორმის დიზაინერებისა და ხელოვანებისთვის;

მეტიც, მიზანია MAIZEN გადაიქცეს კულტურულ ცენტრად იმ ადამიანებისთვის, ვინც ეძებს ახალ იდეებს, ესთეტიკას და ჰარმონიას ყოველდღიურობაში.

ცნობისთვის, სივრცე ქალაქ თბილისში, ზაქარია ფალიაშვილის 110 ნომერში მდებარეობს.