თანამედროვე ურბანულ ცხოვრებაში ყვავილი აღარ არის მხოლოდ საჩუქარი - ის არის ემოციის, ყურადღების და სიყვარული გამოხატულება. სწორედ ამ იდეით შეიქმნა Flower Bar - ბრენდი, რომელმაც ქართულ ბაზარზე ყვავილების კულტურას ახალი მნიშვნელობა შესძინა. მეტი ინფორმაციისთვის, Business Insider Georgia კომპანიის დამფუძნებელს ნინი მარეხაშვილს ესაუბრა.

- როგორია Flower Bar-ის საქმიანობის სპეციფიკა, როდის დაიწყეთ ბაზარზე ოპერირება და რას სთავაზობთ მომხმარებლებს?

Flower Bar-მა ბაზარზე ოპერირება 2021 წელს დაიწყო, როდესაც ბრენდის პირველი pop-up მაღაზია გაიხსნა ქალაქის გულში - სავაჭრო ცენტრში „გალერია თბილისი“. ეს ნაბიჯი ნიშნავდა ფლორისტიკის ტრადიციული მოდელის ტრანსფორმაციას ინტერაქციულ გამოცდილებად, სადაც მომხმარებელი პროცესის აქტიური მონაწილეა , მას შეუძლია თავად შექმნას თაიგული, შეარჩიოს შეფუთვა და ფორმატი, ან ისარგებლოს პროფესიონალი ფლორისტი მომსახურებით.

დღეს Flower Bar მომხმარებლებს სთავაზობს:

• პრემიუმ ხარისხის ყვავილებსა და კომპოზიციებს;
• ინდივიდუალურად შექმნილ თაიგულებს;
• სასაჩუქრე ბოქსებსა და სეზონურ კოლექციებს;
• კორპორატიულ საჩუქრებს და ღონისძიებების გაფორმებას;
• Flower Cart - სასურველ ივენთზე პერსონალური ფლორისტის მომსახურების სერვისს.

ბრენდის განვითარებასთან ერთად დაემატა ონლაინ გაყიდვების სხვადასხვა არხი, რამაც Flower Bar მომხმარებლისთვის უფრო ხელმისაწვდომი და მოქნილი გახადა.

2024 წელს კი გაიხსნა რიგით მე-2 pop-up მაღაზია დიდ დიღომში, „გუდვილის“ სივრცეში.

- როგორია თქვენი ყვავილების ასორტიმენტი - რომელი ქვეყნებიდან ხდება იმპორტი და რა კრიტერიუმებით არჩევთ თითოეულ სახეობას?

Flower Bar-ის ყვავილების ასორტიმენტი შერჩეულია განსაკუთრებული სიფრთხილითა და პროფესიული ხედვით. იმპორტი ხორციელდება წამყვანი ყვავილების ბაზრებიდან, მათ შორის:

• ნიდერლანდებიდან;
• ეკვადორიდან;
• სომხეთიდან.

თითოეული სახეობის არჩევისას გუნდი ხელმძღვანელობს რამდენიმე ძირითად კრიტერიუმით:

• ყვავილის სიხალასე და გამძლეობა;
• ვიზუალური ესთეტიკა და სეზონურობა;
• ეკოლოგიური და ხარისხის მაღალი სტანდარტი;
• კომპოზიციაში ჰარმონიული გამოყენების შესაძლებლობა.

შედეგად, მომხმარებელი იღებს არა მხოლოდ ლამაზ, არამედ მაღალი ხარისხის პროდუქტს, რომელიც დიდხანს ინარჩუნებს ფორმას და სილამაზეს.

- როგორ ქმნით მომხმარებლისთვის არა მხოლოდ პროდუქტს, არამედ ემოციურ და ესთეტიკურ გამოცდილებას?

ბრენდი განსაკუთრებულ ყურადღებას აქცევს:

• თაიგულის დიზაინს და ფერთა ბალანსს;
• შეფუთვის მინიმალისტურ და ელეგანტურ სტილს;
• დეტალებს, რომლებიც ქმნის განსაკუთრებულ შთაბეჭდილებას;
• მომხმარებელთან კომუნიკაციას და საჭიროებების სწორ შეფასებას.

Flower Bar-ისთვის მნიშვნელოვანია, რომ მომხმარებელმა მიიღოს არა მხოლოდ ყვავილები, არამედ განცდა, რომელიც რჩება მეხსიერებაში - იქნება ეს სიყვარული, მადლიერება, სიხარული თუ განსაკუთრებული მომენტის აღნიშვნა.

- როგორია Flower Bar-ის სამომავლო გეგმები და განვითარების ხედვა?

Flower Bar მუდმივად განვითარების პროცესშია. 2026 წელს ახალი იდეებით და გეგმებით შეხვდა. უახლოეს მომავალში იგეგმება :

• ახალი კონცეფციის პროდუქტებისა და კოლექციების შექმნა;
• ციფრული არხების გაძლიერება.