ბიოტეკსი • Biotecsi, ვეტერინარული პრეპარატების მწარმოებელი კომპანიაა, რომელიც კავკასიის რეგიონში ბაზრის ლიდერია და მომხმარებლებს მრავალფეროვან ასორტიმენტს სთავაზობს. “ბიოტეკსს“ საკუთარი კვლევითი ცენტრი გააჩნია, რომელიც BrTRC -ის სახელითაა ცნობილი. მეტი დეტალისთვის Business Insider Georgia კომპანიის დირექტორს, დავით კაზაროვს ესაუბრა.

„BrTRC-ის მიზანია სოციალური პრობლემების გადაჭრა ბიორაციონალურ ტექნოლოგიებზე დაფუძნებული გადაწყვეტილებებით. ცენტრი აერთიანებს სამეცნიერო კვლევას, ტექნოლოგიურ ტრანსფერს და ინოვაციურ წარმოებას. BrTRC იმ სივრცედ იქცევა, სადაც თეორია პრაქტიკაში გარდაიქმნება “, ამბობს დავით კაზაროვი.

ცენტრს სხვადასხვა მიმართულება აქვს და მჭიდროდ არის დაკავშირებული სოფლის მეურნეობასთან.

„კვლევითი ცენტრის ძირითადი ფოკუსი მიმართულია :

• აგრობიოტექნოლოგიებსა და მცენარეულ პრეპარატებზე;
• გარემოს დაცვასა და ეკოლოგიური ბალანსის შენარჩუნებაზე;
• მედიცინის ბიოქიმიურ გადაწყვეტებზე.

BrTRC მჭიდროდ არის დაკავშირებული იმ საკითხებთან, რომლებიც თანამედროვე სოფლის მეურნეობისა და ეკოლოგიის წინაშე დგას და მუდმივად ეძებს ინოვაციურ გადაწყვეტილებებს სოციალურ გამოწვევებზე პასუხის გასაცემად “, - აცხადებს კომპანიის დირექტორი.

BrTRC აქტიურად თანამშრომლობს როგორც კერძო სექტორის წარმომადგენლებთან, ისე საგანმანათლებლო ორგანიზაციებთან.

„BrTRC აქტიურად თანამშრომლობს როგორც კერძო სექტორის წარმომადგენლებთან, ისე საგანმანათლებლო ორგანიზაციებთან. ცენტრი მხარს უჭერს ინკლუზიური ცოდნის გავრცელებას და ინოვაციების ხელშეწყობას სხვადასხვა სოციალურ და პროფესიულ ჯგუფებში. ეს პარტნიორობა ემსახურება, როგორც მეცნიერული კვლევების პოპულარიზაციას, ისე პრაქტიკულ გადაწყვეტილებათა დანერგვას აგრარულ, ეკოლოგიურ და სამედიცინო სფეროებში.

ცენტრი თანამშრომლობს საერთაშორისო აკრედიტაციის მქონე ლაბორატორია „მი ლაბ“-თან, რომელიც აღჭურვილია თანამედროვე კვლევითი ტექნოლოგიებით და აკმაყოფილებს ხარისხის საერთაშორისო სტანდარტებს. აღნიშნული პარტნიორობა უზრუნველყოფს კვლევების სანდოობასა და მეცნიერულად გადამოწმებულ შედეგებს, რაც განსაკუთრებით მნიშვნელოვანია ბიოლოგიური პრეპარატების, აგროქიმიკატებისა და ეკოლოგიური ტექნოლოგიების ტესტირებისთვის.

„მი ლაბ“-ის მიერ ჩატარებული ანალიზები ქმნის მყარ საფუძველს BrTRC-ის ტექნოლოგიებისა და პროდუქტების სტანდარტიზაციისა და ბაზარზე წარმოდგენისათვის. შედეგად, იზრდება ცენტრის მიერ შემუშავებული გადაწყვეტების ეფექტიანობა, ნდობა და კონკურენტუნარიანობა, როგორც ადგილობრივ, ისე საერთაშორისო დონეზე “, - აღნიშნავს დავით კაზიროვი.

BrTRC -ის სამომავლო გეგმებში გაფართოება და პარტნიორობის გაღრმავება შედის, როგორც საერთაშორისო უნივერსიტეტებთან, ისე კვლევით ინსტიტუტებთან.

„BrTRC მიზნად ისახავს კვლევითი და ტექნოლოგიური შესაძლებლობების გაფართოებას, მათ შორის:

• ლაბორატორიული და ტექნიკური ინფრასტრუქტურის განვითარებას;
• ახალი კვლევითი მიმართულებების დამატებას;
• საერთაშორისო უნივერსიტეტებთან და კვლევით ინსტიტუტებთან პარტნიორობების გაღრმავებას.

ცენტრი აქტიურად მუშაობს იმაზე, რომ საქართველო გახდეს რეგიონალური ინოვაციების ჰაბი ბიოტექნოლოგიების და ეკოლოგიური მეცნიერებების მიმართულებით “, - განმარტავს კომპანიის დირექტორი. 

აღსანიშნავია, რომ BrTRC დაფუძნდა 30-წლიანი წარმატებული გამოცდილების მქონე სამეცნიერო-საწარმოო გაერთიანება „ბიოტექსის“ ბაზაზე. დღეს ცენტრში დასაქმებულია პროფესიონალთა გუნდი, მათ შორის ქიმიკოსი და ტექნიკური პერსონალი. მისი მოდელი ეფუძნება „ღია კარის პრინციპს“ , რაც გულისხმობს თანამშრომლობის შესაძლებლობას, როგორც დამოუკიდებელი მეცნიერებისთვის, ისე სამეცნიერო ჯგუფებისა და საწარმოო ორგანიზაციებისთვის.
ცენტრი მდებარეობს თბილისში, იუმაშევის ქუჩაზე. მისი სამიზნე აუდიტორიაა როგორც საქართველოს რეგიონები, ისე სამეცნიერო წრეები საერთაშორისო დონეზე. BrTRC ღიაა ახალი თანამშრომლობებისთვის და მზად არის საკუთარი ცოდნა და რესურსი მოახმაროს საერთო მიზნების მიღწევას.