Tbilisi Waterfront და Gonio Yachts & Marina გამოხატავენ საქართველოს განვითარების ერთიან მიმართულებას, გზას, რომელიც აერთიანებს ეკონომიკურ ზრდას და გარემოსდაცვით პასუხისმგებლობას, აერთიანებს თანამედროვე განვითარებას ქვეყნის კულტურულ მემკვიდრეობასთან. ამის შესახებ Eagle Hills-ის ოფიციალურ ვებ გვერზე განთავსებულ ინფორმაციაშია აღნიშნული.

საქართველოში $6.5 მილიარდიანი ინვესტიციის განხორციელება ყოველწლიურად მოიზიდავს 350 000-ზე მეტ ვიზიტორს, ჯამში დაასტიმულირებს $10 მილიარდზე მეტ პირდაპირ უცხოურ ინვესტიციას და შექმნის 30 000-ზე მეტ სამუშაო ადგილს მშენებლობის, საცალო ვაჭრობის, სტუმართმასპინძლობის სექტორში | Eagle Hills-ი სტატიას ქვეყნებს.

კომპანიის ვებ გვერზე განთავსებულ ინფორმაციაში აღნიშნულია, რომ ორივე პროექტი ემყარება Eagle Hills-ის რწმენას, რომ პროგრესი თანხვედრაში უნდა იყოს როგორც ადამიანების, ისე გარემოს ინტერესებთან.

თბილისსა და გონიოს პორექტებში ეს მიდგომა გამოიხატება ენერგოეფექტურ ინფრასტრუქტურაში, ჭკვიანი სისტემების ინტეგრირებაში, ეკოლოგიურად სუფთა სატრანსპორტო ქსელის შექმნაში და ასევე, გარემოსდაცვით ქმედებებში - განსაკუთრებით კი ბათუმში, სადაც ყურადღება გამახვილებულია ბუნებრივი ეკოსისტემების შენარჩუნებაზე.

,,საქართველოს ბუნება და მრავალწლიანი ტრადიციები ერთდროულად შთაგონებისა და პასუხისმგებლობის წყაროა. ეს პროექტები განიხილება როგორც ამ ლანდშაფტის გაგრძელება და ქმნის მდგრად სოციალურ და ეკონომიკურ ღირებულებას”, - წერია კომპანიის მიერ გავრცელებულ ინფორმაციაში.

ორივე პროექტი სრულად შეესაბამება საქართველოს ეროვნული განვითარების დღის წესრიგს: ხელს უწყობს მდგრად ტურიზმს, პასუხისმგებლიან მიწათსარგებლობას და ქვეყნის გრძელვადიან პროგრესს.