ნებისმიერი კომპანიის ტოპ მენეჯმენტისთვის დრო ერთ-ერთი ყველაზე ძვირფასი რესურსია. სწორედ ამიტომ, “ფლომასტერში” შევქმენით Boardroom Talks - ფორმატი, რომლის ფარგლებშიც ორ საათში გაგიზიარებთ პრაქტიკულ, გამოსაყენებელ ცოდნას, რაც თქვენი კომპანიის გამოწვევების გააზრებაში დაგეხმარებათ.

წარმოიდგინეთ TED talk, მაგრამ არა ზოგად თემაზე, არამედ იმაზე, თუ რა აწუხებს თქვენს კომპანიას; როგორ გადაჭრა სხვა კომპანიამ მსგავსი გამოწვევა; რამ იმუშავა და, რაც ყველაზე მნიშვნელოვანია - რა გაზომვადი შედეგები მიიღო.

შეხვედრის მეორე ნაწილში იწყება დიალოგი. თქვენი მენეჯმენტის გუნდი სვამს კითხვებს, ჩვენ გპასუხობთ. შეხვედრის შემდეგ იღებთ დეტალურ რეკომენდაციებს და კონკრეტულ გეგმას - რა შეუძლია „ფლომასტერს“ გააკეთოს თქვენთვის.

„ფლომასტერის“ ტრენინგებმა უკვე ბევრი კომპანიის ყოველდღიურობა შეცვალა.

800 მენეჯერი და უკუკავშირის პრობლემა

ერთ-ერთ დიდ ორგანიზაციასთან ვისაუბრეთ თემაზე, რომელიც თითქმის ყველა ქართულ კომპანიას აწუხებს - უკუკავშირის კულტურა. უფრო სწორად, მისი არარსებობა.

წარმოიდგინეთ სიტუაცია: კომპანიაში ყველამ იცის, რომ რაღაც არ მუშაობს, მაგრამ არავინ საუბრობს ამაზე. მენეჯერი ხედავს, რომ თანამშრომელს რაღაც უჭირს, მაგრამ ელოდება, რომ "თავად მიხვდება". თანამშრომელმა კი არ იცის, რას აკეთებს კარგად და რა უნდა გააუმჯობესოს. რატომ? რადგან უკუკავშირი ჩვენს კულტურაში ასოცირდება წყენასთან, კონფლიქტთან, ურთიერთობის გაფუჭებასთან.

ჩვენს პროექტში ჩაერთო 800-მდე სხვადასხვა რგოლის მენეჯერი და საკვანძო პოზიციაზე მყოფი თანამშრომელი. კომპანიას ორი მთავარი მიზანი ჰქონდა: ერთი მხრივ, თანამშრომლებს გაეგოთ, რომ უკუკავშირი არ არის დამცირების ფორმა, არამედ საკმაოდ ეფექტური ინსტრუმენტი განვითარებისთვის. მეორე მხრივ, ესწავლებინა მენეჯერებისთვის როგორ, როდის და რა ფორმით უნდა მოხდეს უკუკავშირი.

ჩვენი მუშაობის შედეგად, გაიზარდა უკუკავშირის სიხშირე და, რაც მთავარია, მისი მიმღებლობა. თანამშრომლებმა „დაიწყეს ერთ ენაზე საუბარი“, ხოლო შეხვედრები იქცა რეალური განვითარების სივრცედ და არა მხოლოდ ფორმალობად.

“კონფლიქტური”, “მოწყენილი” და “მოუწესრიგებელი” GenZ თანამშრომლები

დიდ ფინანსურ კონტაქტ-ცენტრში, სადაც თანამშრომლების 70% GenZ-ია, სერიოზული პრობლემა დაგვხვდა: ერთფეროვანი სამუშაო, დაღლილი ხელმძღვანელები, მუდმივი წუწუნი და კონფლიქტები. ასეთ პირობებში ძალიან რთულია შედეგიანობის შენარჩუნება, როგორც თანამშრომლებისთვის, ისე მათი მენეჯერებისთვის.

დავისახეთი მიზანი, რომ კომპანიაში გაზრდილიყო თანამშრომლების კმაყოფილება. შევქმენით 15-კაციანი ჯგუფი და ჩავატარეთ 8 პრაქტიკული შეხვედრა: ინტერვიუები, განხილვები, კონფლიქტის მართვის სავარჯიშოები. მოვისმინეთ "აღსარებები", დაპირებები და ახალი იდეები.

შედეგად მნიშვნელოვნად შეიცვალა ატმოსფერო, ჯგუფის მენეჯერებმა ახლებურად დაინახეს საკუთარი როლი. ერთფეროვანი საქმე გახდა მრავალფეროვანი და საინტერესო. ეს ყველაფერი კი შედეგებზეც აისახა.

„გაჭედილი“ პროექტები

საფინანსო ორგანიზაციას 130-ზე მეტი მიმდინარე პროექტი ჰქონდა, უმრავლესობა "გაჭედილი". ეს ნიშნავს, რომ პროექტები წინ ვერ მიდიოდა. ახალ თანამშრომლებსაც ვერ ამატებდნენ.

ოთხ თვეში შევიმუშავეთ პრიორიტეტიზაციის წესები, დავნერგეთ პროექტების მართვის სისტემა, შევქმენით PMO გუნდი და მართვის საბჭოები, ჩავუტარეთ სწავლება.

პირველივე თვეს 130-დან 70-ზე მეტი პროექტი დასრულდა - ნაწილი წარმატებით, ნაწილი დაიხურა პრიორიტეტების გაანალიზების შემდეგ.

როცა წარმატებულ კომპანიაში თანამშრომლებს ერთმანეთის არ ესმით

ერთ-ერთი საინჟინრო კომპანია ემზადებოდა საერთაშორისო ბაზრებზე გასასვლელად, მაგრამ 200 თანამშრომელი ერთმანეთს ვერ ელაპარაკებოდა: ინჟინრები პრობლემებს აბრალებდნენ არქიტექტორებს, ისინი - ბიზნესს, ყველა - მენეჯმენტს.

ვიმუშავეთ 5-6 ტოპ მენეჯერთან (მენტორობა) და 25-მდე შუა რგოლის მენეჯერთან (ტრენინგი). შედეგად ყველამ ერთ ენაზე დაიწყო საუბარი, თათბირები გახდა მართლაც საქმიანი, დაბალი მოტივაციის მქონე რამდენიმე მენეჯერი გამოეთიშა გუნდს. კომპანია განვითარების ახალ ეტაპზე გადავიდა და უცხოურ ბაზრებზე შევიდა.

ამ ქეისების უკან ადამიანები დგანან. მენეჯერები, რომლებმაც ისწავლეს ერთმანეთთან საუბარი. თანამშრომლები, რომლებმაც ისევ იპოვეს მოტივაცია და დაიწყეს პროდუქტიულად მუშაობა. გუნდები, რომლებიც „ჩიხიდან გამოვიდნენ“ და წინ განაგრძეს სვლა.

თქვენი კომპანიაც შეიძლება იყოს ის შემდეგი ამბავი, რომელზეც ვისაუბრებთ.

Boardroom Talks - ეს არის პირველი ნაბიჯი. ორი საათი, რომელმაც შეიძლება თქვენი კომპანიის შემდეგი წლები სრულიად შეცვალოს.