teamtwo - Architects & Engineers არის არქიტექტორების და კონსტრუქტორების ჯგუფი, რომელიც ქართულ ბაზარზე 2019 წლიდან ოპერირებს. Business Insider Georgia 2025 წლის შეფასებასთან დაკავშირებით, კომპანიის თანადამფუძნებელსა და არქიტექტორს შოთა საგანელიძეს ესაუბრა.

„teamtwo-სთვის 2025 წელი მნიშვნელოვანი აღმოჩნდა გამოცდილების გაღრმავების მხრივ. წელს მუშაობა დავიწყეთ ისეთ კომპლექსურ და ტექნიკურად მოთხოვნად პროექტებზე, რომლებმაც ჩვენი გუნდის ცოდნა და კომპეტენცია კიდევ უფრო გააძლიერა.

განსაკუთრებით აღსანიშნავია QSpeed Robotics ინდუსტრიული რობოტების ქარხნის პროექტი, რომელიც დამკვეთის მოთხოვნით EDGE სერტიფიცირების პროცესს გადის. EDGE სერტიფიცირება (Excellence in Design for Greater Efficiencies) არის საერთაშორისო მწვანე სტანდარტი, რომელიც აფასებს შენობების ენერგოეფექტურობას, წყლისა და მასალების დაზოგვას და მიზნად ისახავს ამ რესურსების მოხმარების მინიმუმ 20%-იან შემცირებას. შესაბამისად, პროექტირებისას უფრო ღრმად შევისწავლეთ მშენებლობის ევროპული სტანდარტები ენერგოეფექტურობის მიმართულებით, ტექნოლოგიური პროცესების ინტეგრაციისა და ინდუსტრიული არქიტექტურის სპეციფიკა, რამაც მნიშვნელოვნად გაზარდა ჩვენი გუნდის ინტელექტუალურ ბაზა და პრაქტიკულ გამოცდილება.

აღსანიშნავია ისიც, რომ 2025 წლის პირველი ნახევარი პროექტების მოზიდვის კუთხით გამოწვევებით დაიწყო, რაც დროებით აისახა კომპანიის ადამიანური რესურსების სტრუქტურაზეც. თუმცა წლის მეორე ნახევარში შევძელით პროცესების დაბალანსება, პროექტების სტაბილური ნაკადის აღდგენა და შედეგად, წლის ბოლოსთვის გუნდის რაოდენობა 20%-ით გაიზარდა “, - აღნიშნავს შოთა საგანელიძე.

ცნობისთვის, კომპანია მდებარეობს ქალაქ თბილისში, ზ. ფალიაშვილის #37-ში. მეტი ინფორმაციისთვის დაინტერესებულ პირებს შეუძლიათ teamtwo - ს ვებგვერდს ესტუმრონ ან დაუკავშირდნენ მათ შემდეგ ნომერზე : 555 57 74 99.