როგორ აფასებს „პრაქტიკული სწავლების ცენტრი“ 2025 წელს და რა გეგმები აქვს კომპანიას სამომავლოდ
„პრაქტიკული სწავლების ცენტრი“ საქართველოში მოქმედი საგანმანათლებლო სივრცეა, რომელიც 2019 წლიდან ფუნქციონირებს. ცენტრში არსებულ სიახლეებზე, 2025 წლის შედეგებსა და სამომავლო გეგმებზე Business Insider Georgia პრაქტიკული სწავლების ცენტრის დირექტორს, ელისაბედ შენგელიას ესაუბრა.
- როგორია კომპანიის მიმდინარე სიახლეები?
პრაქტიკული სწავლების ცენტრი - PLC, აქტიურად ვითარდება და ფოკუსირებულია არაფორმალური იურიდიული განათლების ხარისხის ამაღლებაზე.
სულ ცოტა ხნის წინ დასრულდა ორი პროექტი: ადვოკატთა საკვალიფიკაციო გამოცდისთვის მოსამზადებელი კურსი და შრომის სამართლის პრაქტიკული კურსი.
პროექტის ფარგლებში ჩვენს აპლიკანტებს სიახლეები დახვდათ, როგორიცაა განახლებული სასწავლო მეთოდიკა, საიდანაც აუცილებლად ცალკე უნდა აღვნიშნოთ სასწავლო ცენტრის ოფიციალური ტესტების პლატფორმა და მისი, როგორც სწავლების მექანიზმის როლი. ტესტების ციფრული პლატფორმა, ჩვენს სტუდენტებს/აპლიკანტებს გამოცდასთან მაქსიმალურად დაახლოებულ გარემოს უქმნის, ეხმარება სისტემატიზაციასა და სასწავლო მასალის ეფექტურად ათვისებაში, ამასთან დროის მენეჯმენტის თვალსაზრისით წინ გადადგმული ინოვაციური ნაბიჯია.
- როგორ აფასებთ მოთხოვნას ზოგადი თვალსაზრისით?
სასწავლო ცენტრის სერვისებზე მოთხოვნა არასდროს ყოფილა ისეთი მაღალი, როგორიც ბოლო თვეებში დაფიქსირდა, ჩვენი კურსებით შემოდგომის სეზონზე 300-მდე ადამიანმა ისარგებლა, რაც მოთხოვნის ზრდის 30%-იანი მაჩვენებელია. ერთი მხრივ, აღნიშნული რიცხვები ჩვენთვის, როგორც სასწავლო ცენტრისათვის, საამაყოა, მაგრამ მეორე მხრივ ჩვენი გუნდისთვის ეს დიდ პასუხისმგებლობას და გამოწვევებს უკავშირდება, რადგან ჩვენი პრინციპული პოზიცია სფეროში ოპერირებისას ხარისხია.
- როგორ აფასებთ 2025 წელს?
მიმდინარე წელი საკმაოდ დატვირთული და რთული იყო, თუმცა სასწავლო კურსების, მათ შორის გამოცდების შედეგებისა და სხვა ობიექტური ინდიკატორების შეფასების მიხედვით, ჩვენმა გუნდმა ამ გამოწვევებს თავი ეფექტურად გაართვა.
უცვლელად, მიმდინარე წელსაც, ჩვენი სასწავლო ცენტრის კურსდამთავრებულებები რეკორდულად მაღალი ქულებით გამოირჩევიან.
2025 წლის გაზაფხულის (რიგით მე-17) ნაკადის საგამოცდო ქულების სტატისტიკა:
2025 წლის შემოდგომის (რიგით მე-18) ნაკადის საგამოცდო ქულების სტატისტიკა:
ასევე, გასათვალისწინებელია, რომ მიმდინარე წელს, ერთ-ერთმა სტუდენტმა (მარიამ ბასილაშვილი), ადვოკატთა საკვალიფიკაციო გამოცდის შეფასებაში 100-დან 98 ქულა მიიღო, რაც ამ გამოცდის ისტორიაში, პირველ პრეცედენტს წარმოადგენს.
როგორც აღვნიშნეთ პარალელურად დაინერგა და ამუშავდა ჩვენი ციფრული პლატფორმა, რომელიც გაცილებით მიმზიდველს და ეფექტურს ხდის სასწავლო პროცესებს. ასევე, 2025 წლის ფარგლებში, გვქონდა რამდენიმე კოლაბორაცია იურიდიული განათლების მიმართულებით წამყვან ორგანიზაციებთან, რომლებიც საერთაშორისო მასშტაბით მუშაობენ. შესაბამისად, საბოლოო ჯამში, და 2025 წელმა ნაყოფიერად და გასულ წლებთან შედარებით კიდევ უფრო დიდი წარმატებებით ჩაიარა.
- როგორია 2026-ის გეგმები განსაკუთრებით გაფართოების/სერვისების ზრდის მიმართულებით?
2026 წელს, PLC ადვოკატთა საკვალიფიკაციო გამოცდისთვის მოსამზადებელი კურსის მე-19 ნაკადს (ჯგუფს) მიიღებს.
მომავალი წლისთვის ჩვენი მთავარი ამოცანა შეთავაზებული სერვისების გაზრდაა.
იგეგმება რამდენიმე პროექტი, რომელიც სამართლის ვიწრო ან პრობლემატური მიმართულებების მოთხოვნებს/საჭიროებებს დააკმაყოფილებს/უპასუხებს, როგორიცაა მაგალითად სამედიცინო, სამეწარმეო, სამშენებლო სამართალი, ხელოვნური ინტელექტთან და ციფრულ სამყაროსთან დაკავშირებული სამართლებრივი საკითხები.
ასევე, აქტიურად განვაგრძნობთ თანამშრომლობას სხვადასხვა ადგილობრივ თუ საერთაშორისო ორგანიზაციებსა და სასწავლო დაწესებულებებთან - ამ მიმართულებითაც რამდენიმე პროექტზე ვმუშაობთ და ვფიქრობთ ბევრ საინტერესო სიახლეს შევთავაზებთ ჩვენს აუდიტორიას.
დღის ტოპ 10 სიახლე
სხვა სიახლეები
ფულადი გზავნილის წინასაახალწლო კამპანიის გამარჯვებული გამოვლინდა
20.01.2026.15:24
ახალ წელს ადამიანებს ბევრი დადებითი ემოციის მიღება გვინდა: ზრუნვის, ოჯახური სიმყუდროვის თუ იმედის. სამეგრელოში, მშობლებთან ჩასული გიორგი ჯალაღონიასთვის 2025 წლის ბოლო დღე განსაკუთრებით დასამახსოვრებელი აღმოჩნდა. თიბისის წინასაახალწლო ფულადი გზავნილების კამპანიის გამარჯვებული სწორედ ის გახდა და სუპერ პრიზი 15 000 ლარი მიიღო.
„აზარტული ადამიანი არ ვარ. არც არაფრის მოგების მჯეროდა ცხოვრებაში. ყოველთვის ვფიქრობდი- თუ თანხა გინდა, საკუთარი შრომით უნდა გამოიმუშაო. საზღვარგარეთ ვმუშაობ და გზავნილების განაღდება ხშირად მიწევს, თანხის მოგების მოლოდინი არც მქონია. წარმოიდგინეთ, ჩემი ემოცია, როდესაც ახალ წელს სამეგრელოში მშობლებთან ჩასულს თიბისი ბანკიდან დამირეკეს და მითხრეს, რომ გათამაშების გამარჯვებული ვიყავი და ნახევარ საათში, ერთგულ ყულაბაში 15 000 ლარი დამერიცხებოდა. ბედნიერებისგან გავოგნდი. საოცარი ახალი წელი მქონდა“, - გვიზიარებს ემოციებს გიორგი ჯალაღონია.
17 ნოემბრიდან 28 დეკემბრის ჩათვლით გზავნილების წინასაახალწლო კამპანიაში ჩართვა ყველას შეეძლო, ვინც მინიმუმ 100 ერთეულ ლარს/აშშ დოლარს, ფუნტს ან ევროს გაანაღდებდა. ყოველდღიურად 1000 ლარი თამაშდებოდა და იმ მომხმარებელს გადაეცემოდა, ვისი გზავნილიც თიბისის ინტერნეტ ან მობაილბანკში განაღდებულ გზავნილებს შორის დღის განმავლობაში მე-1000 აღმოჩნდებოდა. სუპერ პრიზი 15 000 ლარი კი, ყველაზე აქტიურ მომხმარებელს ერგო, ვინც რაოდენობრივად ყველაზე მეტი გზავნილი გაანაღდა.
გიორგი ორმაგად იღბლიანი აღმოჩნდა. სანამ საახალწლო კამპანიის გამარჯვებული გახდებოდა, იქამდეც გაუღიმა ბედმა და კამპანიის პირველ დღეს 1000 ლარი მოიგო.
“ინტერესის გამო დღის ბოლოს მარათონის დავალებებს ვასრულებდი. მშობლებს დისტანციურად პროდუქტებს თუ საყოფაცხოვრებო ნივთებს აპლიკაციით ვუწერ და შესაბამისად, ერთგულ ბარათს აქტიურად ვიყენებ. ქეშბექებიც ხშირად მიგროვდება ხოლმე. როცა დღის ბოლოს მობაილბანკში შევედი და ყულაბაში 1000 ლარი დამხვდა დავიბენი, ვერ მივხვდი რომელმა ობიექტმა დამიბრუნა ამ რაოდენობის თანხა. დიდი სიხარული იყო იმის გააზრება, რომ რაღაცაში გავიმარჯვე”,- იხსენებს გიორგი.
თიბისისთვის მსგავსი კამპანიები მხოლოდ ერთჯერადი ინიციატივა არ არის. გზავნილების კამპანია ზაფხულშიც მიმდინარეობდა და აქტიური მომხმარებლები ყოველდღიურად იგებდნენ ფულად პრიზებს. სამი ყველაზე აქტიური იღბლიანი კი, სამოგზაურო ტურით დასაჩუქრდა. შემდეგი ტალღა მომავალშიც იგეგმება. ამიტომ მთავარია, გჯეროდეს და თვალი ადევნო სიახლეებს. იქნებ, მომდევნო გამარჯვებული შენ ხარ?
