IFE LONDON 2026-ის საერთაშორისო გამოფენაში ჩვენი კომპანიის მონაწილეობა ძალიან მნიშვნელოვანი აღმოჩნდა, - ამის შესახებ Business Insider Georgia-ს ლიქიორის მწარმოებელი ქართული ბრენდის „სემელეს“ თანადამფუძნებელმა ელი უზუნაშვილმა განუცხადა.

როგორ შეაფასებდით IFE LONDON 2026-ის საერთაშორისო გამოფენის მნიშვნელობას თქვენი კომპანიისთვის?

IFE LONDON 2026-ის საერთაშორისო გამოფენაში ჩვენი კომპანიის მონაწილეობა ძალიან მნიშვნელოვანი აღმოჩნდა, რადგან მოგვეცა შესაძლებლობა, „სემელე“ საერთაშორისო აუდიტორიისთვის წარგვედგინა.

ამგვარი გამოფენები საშუალებას გვაძლევს, გავეცნოთ თანამედროვე ტენდენციებს, გავცვალოთ გამოცდილება სხვა მწარმოებლებთან და უკეთ გავიგოთ საერთაშორისო მომხმარებლის მოთხოვნები. ვფიქრობთ, ეს მნიშვნელოვანი ნაბიჯია „სემელეს“ ექსპორტისა და ახალ ბაზრებზე პოზიციონირებისთვის.

აღნიშნულ ღონისძიებაში მონაწილეობა „აწარმოე საქართველოს” მხარდაჭერით შევძელით რისთვისაც მადლობა მათ.

გაქვთ თუ არა დაინტერესება ახალ პარტნიორებთან თანამშრომლობის დაწყების კუთხით?

დიახ, რა თქმა უნდა. „სემელესთვის“ ახალი პარტნიორული ურთიერთობების ჩამოყალიბება ერთ-ერთი მნიშვნელოვანი მიმართულებაა.

IFE LONDON 2026-ის გამოფენაზე ჩვენმა ლიქიორებმა დიდი მოწონება დაიმსახურა. რამდენიმე კომპანია დაინტერესდა ჩვენთან თანამშრომლობით, რაც დამატებით სტიმულს გვაძლევს, არ გავჩერდეთ და ჩვენი პროდუქტი რაც შეიძლება მეტ ადამიანს გავაცნოთ და შევაყვაროთ.

ვფიქრობთ, რომ სწორი პარტნიორობა დაგვეხმარება, უფრო ფართო აუდიტორიას მივაწოდოთ ჩვენი პროდუქტი და გავაძლიეროთ მისი ცნობადობა როგორც საქართველოში, ისე მის ფარგლებს გარეთ.

როგორია კომპანიის სამომავლო გეგმები და განვითარების ხედვა?

ჩვენთვის „სემელე“ არ არის ერთჯერადი პროექტი - ეს არის გზის დასაწყისი. მომავალში გვინდა, ჩვენს ლიქიორებს კიდევ უფრო მეტი არომატი და ისტორია შევძინოთ.

ვგეგმავთ წარმოების ზრდას, მომხმარებელთა რაოდენობის გაფართოებას, როგორც ქვეყნის შიგნით, ისე მის ფარგლებს გარეთ.

ინფორმაციისთვის, ბრენდი ადგილობრივ ბაზარზე 2023 წლიდან ოპერირებს.