ორგანული წარმოების ლიდერმა, Georgia’s Natural Organic-მა, BioFach 2026-ზე ნიურნბერგში, პრემიუმ კოლექცია წარადგინა და პროფესიონალებისა და ჯანსაღი ცხოვრების მიმდევრების დიდი მოწონება დაიმსახურა. მეტი ინფორმაციისთვის, Business Insider Georgia კომპანიის ნედლეულის შესყიდვების ხელმძღვანელი გიორგი ნოზაძეს ესაუბრა.

როგორ შეაფასებდით BioFach-ის საერთაშორისო გამოფენის მნიშვნელობას თქვენი კომპანიისთვის?

ჩვენთვის მნიშვნელოვანია წარმოდგენილები ვიყოთ ნებისმიერ საერთაშორისო გამოფენაზე.

რაც შეეხება კონკრეტულად BioFach-ს, ამ გამოფენამ კიდევ ერთხელ მოგვცა შესაძლებლობა დაგვემყარებინა პირდაპირი კავშირები საერთაშორისო იმპორტიორებთან, დისტრიბუტორებთან და საცალო ქსელებთან, რაც მნიშვნელოვნად ზრდის ექსპორტის პოტენციალს. გამოფენაზე მონაწილეობა აძლიერებს ჩვენი ბრენდის ცნობადობას გლობალურ ბაზარზე და ზრდის ნდობის ხარისხის.

მეორეს მხრივ, ეს არის საუკეთესო სივრცე ბაზრის ტენდენციების, მომხმარებელთა მოთხოვნებისა და ინოვაციების გაცნობისთვის.

საბოლოო ჯამში, BioFach-ში მონაწილეობა არის ეფექტური ინვესტიცია.

არსებობს თუ არა დაინტერესება ახალ პარტნიორებთან თანამშრომლობის დაწყების მიმართულებით?

როგორც ჩვენს ბოლო ინტერვიუში აღვნიშნეთ, კომპანია სისტემატიურად მუშაობს საერთაშორისო ბაზრის დივერსიფიცირების მიმართულებით, რათა შესაძლებელი იყოს ყოველწლიური ექსპორტის სტაბილური ზრდა და კომპანიის პარტნიორ ქვეყნებში ეკონომიკური არასტაბილურობით გამოწვეული რისკების გავლენის შემცირება.

რა მიმართულებით გეგმავს კომპანია სამომავლო გეგმების განხორციელებას?

კომპანიის გაყიდვები გაზრდილია და წელს უკვე გვექნება ექსპორტის 25 %-იანი ზრდა. ეს მატება განსაკუთრებით აისახება, აშშ, შუა აღმოსავლეთის და აზიის ბაზარზე.

უახლოეს პერიოდში ველოდებით შესვლას ახალ მარკეტებზე, როგორებიც არის ახალი ზელანდია, აზერბაიჯანი, ყაზახეთი და ბალტიის ერთ-ერთი მსხვილი ქსელი MAXIMA.

ასევე განვაგრძობთ გაფართოებას გლობალურ ონლაინ პლატფორმებზე და მომავალი წლიდან წარმოდგენილები ვიქნებით ამაზონზე და ალიბაბაზე.