VINOTEL წარმოადგენს ბუტიკის ტიპის სასტუმროს, რომელიც აერთიანებს ქართულ სტუმართმოყვარეობას, ღვინის კულტურასა და ავთენტურ ატმოსფეროს. 2025 წლის შედეგებსა და სამომავლო გეგმებზე Business Insider Georgia კომპანიის დამფუძნებელს ბენედიქტე ქაშაკაშვილს ესაუბრა.

- როგორ აფასებთ 2025 წელს?

VINOTEL-ისთვის 2025 წელი განსაკუთრებულად წარმატებული და გამორჩეული იყო, რაც საერთაშორისო აღიარებამ ნათლად დაადასტურა.

2025 წელს VINOTEL-მა მოიპოვა LUXlife Magazine-ის Hospitality Excellence Award და დასახელდა Best Boutique Hotel 2025 – Europe, რაც მნიშვნელოვანი მიღწევაა როგორც სასტუმროსთვის, ისე მთლიანად ქართული სტუმართ-მასპინძლობის სფეროსთვის.

აღნიშნული ჯილდო ასახავს VINOTEL-ის მუდმივ ერთგულებას მაღალი ხარისხის, ავთენტური გამოცდილებისა და სტუმარზე ორიენტირებული სერვისის მიმართ, რაც წარმოადგენს წლების განმავლობაში გაწეული შრომის ღირსეულ შეფასებას.

- როგორია კომპანიის გეგმები 2026 წლისთვის? განსაკუთრებით, გაფართოების / სერვისების ზრდის მიმართულებით?

2026 წელს VINOTEL - ის გეგმები მოიცავს სამზარეულოს განახლებას, ახალი გემოების განვითარებასა და საკუთარი ღვინის მარნის ასორტიმენტის გაფართოებას - ცქრიალა, ევროპული და ქვევრის სტილის ღვინოებით. ასევე სტუმრებს შევთავაზებთ განახლებულ სერვისებს, რომლებიც მაღალი ემოციური ღირებულებისა და ექსკლუზიურობის განცდას შექმნის. განსაკუთრებული აქცენტი გაკეთდება საქორწილო ცერემონიებსა და ინდივიდუალურად დაგეგმილ ღონისძიებებზე. პერსონალიზებული შეთავაზებები და ღვინის ტურიზმის განვითარება სტუმრებს შესაძლებლობას მისცემს მნიშვნელოვანი მომენტები განსაკუთრებულ და ავთენტურ გარემოში აღნიშნონ.