საერთაშორისო გადამზიდავი კომპანია Camex-ი აშშ-დან ამანათების ტრანსპორტირების ვადას 3-4 დღემდე ამცირებს, რადგანაც კომპანია აშშ-დან უკვე 3 რეისს უზრუნველყოფს, რომელიც ყოველ ორშაბათს, ოთხშაბათს და ხუთშაბათს სრულდება. როგორც Business Insider Georgia-სთან Camex-ის ბიზნესის განვითარების დირექტორმა გიგა სეთურიძემ განაცხადა, მოქმედებს განსაკუთრებული ტარიფი და 1 სექტემბრამდე 1 კილოგრამი ამანათის ტრანსპორტირების ღირებულება 8,35 დოლარია, ასევე მოცულობითი წონა დაითვლება მხოლოდ პლუს 30 კილოგრამზე.

„ჩვენმა ავიაკომპანიამ Camex Airlines გააფართოვა ფრენების გეოგრაფია და ევროპიდან ოპერირებს სხვადასხვა მიმართულებით. შესაბამისად, მოგვეცა იმის შესაძლებლობა, რომ ჩვენივე ავიახომალდებით წამოვიღოთ ტვირთები, როგორც ამერიკიდან ასევე ევროპიდან. ეს აისახა ამანათების ჩამოსვლის სიჩქარეზეც. ასევე შეიცვალა სატარიფო გეგმაც, რადგანაც ტრანსპორტირებაც ჩვენს ხელშია შევძელით ტარიფები დაგვეწია. იმედია ეს ყველაფერი გამოიწვევს კარგ უკუკავშირს მომხმარებლების მხრიდან. იმისათვის, რომ აშშ-დან მიწოდება ავაჩქაროთ მესამე რეისიც დაემატა“, - აღნიშნა გიგა სეთურიძემ.

Camex-ის ბიზნესის განვითარების დირექტორი ამბობს, რომ გარდა სიხშირეებისა გაიზარდა მოცულობის დათვლაც.

„აშშ-დან ამანათებზე გაიზარდა მოცულობის დათვლა. აქამდე თუ იყო, რომ 10 კგ-მდე ამანათების მოცულობა ითვლებოდა მხოლოდ და მხოლოდ ფიზიკური წონით და 10 კგ-ის შემდეგ უკვე მოცულობა მოქმედებდა. ავტომობილების ნაწილებს ვინც იწერს, ან სხვა დიდი გაბარიტების ნივთებს, მათ მოცულობით უწევდათ გადახდა და ახლა ჩაეშვა სააქციო პერიოდი, როდესაც მოცულობა 30 კგ-მდე აიწია, რაც ნიშნავს იმას, რომ ვინც ავტონაწილებს იწერს, თუ მათი მოცულობითი წონა იქნება 30 კგ-მდე, ის არ დაითვლება და მხოლოდ და მხოლოდ ფიზიკური წონის დათვლა მოხდება“- განმარტა სეთურიძემ.

ასევე სასიამოვნო სიახლეა Camex-გან ისიც, რომ გერმანიიდან შოპინგი განახლებული პირობებით ახლა კიდევ უფრო სწრაფი და მარტივი გახდა. Camex-ის შემთხვევაში გერმანიიდან ამანათები ჩამოვა მხოლოდ 2-4 დღეში

„25 აპრილიდან ისარგებლეთ მოხსნილი მოცულობითი წონით, შესაბამისად ყველაფერი დაითვლება მხოლოდ რეალური წონით! მოცულობითი წონა კი დაითვლება მხოლოდ 30+ კილოგრამზე. გთავაზობთ გერმანიიდან კვირაში 1 რეისს — ყოველ პარასკევს! რეისები ჩამოდის ყოველ კვირას!

1 კილოგრამი კი მხოლოდ 8,9€! არ გამოტოვოთ გერმანიიდან შოპინგის შანსი“, - აღნიშნულია კომპანიის განცხადებაში.

Camex-ის ბიზნესის განვითარების დირექტორი გიგა სეთურიძე ამბობს, რომ გერმანიიდან სამომავლოდ მეორე რეისის დამატებაც იგეგმება.

კომპანია განიხილავს ასევე ახალი მიმართულებების დამატებას.

გიგა სეთურიძის თქმით, კომპანიის მიერ ამანათების ტრანსპორტირების მაჩვენებელი დინამიურად იზრდება.

„ჩვენთან ზრდა ყოველწლიურად სტაბილურია. კონკრეტულად რაიმე დიდი ნახტომო ყოფილიყო ასეთი რამ არ არის, თუმცა პირველ კვარტლის მაჩვენებლებით ზრდა 15-20%-ია.

ზოგადად, საქართველოს ბაზარზე ამანათების ტრანსპორტირების კუთხით, ზრდა ძირითადად ჩინური ტვირთების გამო მოხდა. ჩვენ TEMU-ს ტვირთების ტრანსპორტირებაში ჩართული არ ვართ, შესაბამისად ეს ზრდა არ გვქონია. ჩვენი მთავარი მიმართულება მაინც აშშ და ევროპაა და აქედან გამომდინარე ზრდაც ამ მიმართულებებზე მოდის და დიდი ნახტომი არ ყოფილა“, - აცხადებს სეთურიძე.

აღსანიშნავია, რომ Camex ამანათების ტრანსპორტირებას უზრუნველყოფს: ამერიკიდან, ბრიტანეთიდან, ევროპიდან, თურქეთიდან, საბერძნეთიდან, ჩინეთიდან.
კომპანიას აქვს 15 წელზე მეტი გამოცდილება საერთაშორისო ლოგისტიკაში, ექსპედირებასა და საწყობში მომსახურების სფეროში.