აღმაშენებლის ხეივანზე, №47-ში ახლახან გავხსენით ახალი ფილიალი , - ამის შესახებ Business Insider Georgia-სთან Big Sam's • ბიგ სემის დამფუძნებელმა ირაკლი გორდელაძემ განაცხადა.

„აღმაშენებლის ხეივნის №47-ში ახალი ფილიალი გავხსენით. ამ ნაბიჯისთვის დიდი ხნის განმავლობაში ვემზადებოდით და შესაბამის ლოკაციასაც საკმაოდ დიდხანს ვეძებდით. ახალი მდებარეობა მნიშვნელოვნად ზრდის ხელმისაწვდომობას როგორც ადგილზე მომსახურების, ისე გამოძახების მიმართულებით, განსაკუთრებით დასავლეთ თბილისის მოსახლეობისთვის. ამასთან, ეს ერთ-ერთი ყველაზე დატვირთული გამავალი გზაა, რამაც მოგვცა შესაძლებლობა სრულიად ახალ სეგმენტზე გავსულიყავით. შესაბამისად, იმ მომხმარებლებს, რომლებიც აქამდე ვერ ახერხებდნენ სტუმრობას, უკვე შეუძლიათ როგორც ადგილზე მოსვლა, ისე პროდუქტის გამოძახება. ფილიალი თანამედროვე ამერიკულ სტილშია მოწყობილი, სრულად მომხმარებელზეა მორგებული და ვიზუალურად საკმაოდ შთამბეჭდავია “, - აღნიშნავს ირაკლი გორდელაძე.

Big Sam's-ის მენიუ უცვლელია და მოიცავს პრემიუმ ხარისხის ინგრედიენტებით დამზადებულ სხვადასხვა სახის ბურგერს, ტაკოს, ბურიტოსა და ჰოთ-დოგს.

„მენიუ უცვლელია, მომხმარებელს ვთავაზობთ ამერიკული Street Food-ის კონცეფციაზე დაფუძნებულ ასორტიმენტს, რომელიც მოიცავს პრემიუმ ხარისხის ინგრედიენტებით დამზადებულ სხვადასხვა სახის ბურგერებს, ტაკოს, ბურიტოსა და ჰოთ-დოგს “, - ამბობს კომპანიის დამფუძნებელი.

მოთხოვნა და ინტერესი Big Sam's-ის საკვებზე სტაბილურად მზარდია.

„მიუხედავად იმისა, რომ ეს კულტურა ჩვენს ქვეყანაში შედარებით გვიან შემოვიდა, ბაზარი სტაბილურად მზარდია. განსაკუთრებით მაღალი ინტერესით გამოირჩევა ახალგაზრდა აუდიტორია. ბავშვებისთვის და 40–45 წლამდე მომხმარებლებისთვის ეს კერძები უკვე კარგად ნაცნობი და მოთხოვნადია, რაც ადრე ნაკლებად იყო. მოთხოვნა მუდმივად იზრდება და თაობათა ცვლილებასთან ერთად კიდევ უფრო ფართოვდება იმ ადამიანების წრე, ვისაც მსგავსი ტიპის კერძები განსაკუთრებით იზიდავს.

ზოგადად, მსგავსი ტენდენცია შეინიშნება ევროპაშიც, თუ წინა ათწლეულში უფრო პოპულარული შაურმა იყო, დღეს საგრძნობლად იზრდება ბურგერებზე მოთხოვნა, და ერთ-ერთ ყველაზე პოპულარულ Street Food საკვებად მიიჩნევა “, - აცხადებს ირაკლი გორდელაძე.

კომპანია სამომავლოდ გაფართოებას გეგმავს სხვადასხვა ქალაქში.

„ჩვენს სამომავლო გეგმებში გაფართოება შედის. გვინდა, ბათუმსა და ქუთაისშიც ვიყოთ წარმოდგენილები. შემდეგი წლიდან ამ მიმართულებით აქტიურად დავიწყებთ მუშაობას დავიწყებთ “, - განმარტავს კომპანიის დამფუძნებელი.

ცნობისთვის, Big Sam's-ი ბაზარზე 2020 წლიდან ოპერირებს და დღეისათვის თბილისის მასშტაბით 4 ფილიალს აერთიანებს.