Dialog Kokhta ბაკურიანში მდებარე სასტუმროა, რომელიც 2020 წლიდან ოპერირებს ბაზარზე. მეტი ინფორმაციისთვის Business Insider Georgia კომპანიის გაყიდვების, შემოსავლებისა და რეზერვაციის დირექტორს მირანდა კარას ესაუბრა.

“სასტუმრო Dialog Kokhta დაარსდა 2020 წელს და მდებარეობს ბაკურიანის ერთ-ერთ ყველაზე პრესტიჟულ და კომფორტულ ლოკაციაზე კოხტას სასრიალო ტრასიდან, 300 მეტრის დაშორებით. რაც მას განსაკუთრებით მიმზიდველს ხდის ზამთრის ტურიზმისთვის.

სასტუმრო სტუმრებს სთავაზობს 134 აპარტამენტს, რომელიც სხვადასხვა კატეგორიას მოიცავს - სტანდარტული, პრემიუმ და საოჯახო ოთახებით. თითოეული ნომერი აღჭურვილია სრულფასოვანი სამზარეულოთი, სარეცხის მანქანით, გაზქურით, მაცივრითა და სხვა საჭირო ტექნიკით, რაც ვიზიტორების მაქსიმალურ კომფორტს უზრუნველყოფს.

„დიალოგი კოხტაში“ დამსვენებლებს ასევე დახვდებათ რესტორანი "მარილი", სადაც წარმოდგენილია ქართული და საერთაშორისო სამზარეულოს უნიკალური სინთეზი. საბავშვო სივრცე და გასართობი ოთახი, რაც განსაკუთრებით კომფორტულია ოჯახებისთვის. სასტუმროს კეთილმოწყობილი ინფრასტრუქტურა მიმზიდველია, როგორც ინდივიდუალური, ისე კორპორატიული და ტურისტული ჯგუფებისთვის “, - ამბობს მირანდა კარა.

კომპლექსის მიმართ ინტერესი ნებისმიერ სეზონზე სტაბილურად მზარდია.

„სასტუმროს მიმართ მომხმარებელთა დაინტერესება სტაბილურად მზარდი ტენდენციით ვითარდება. როგორც ზამთარში, ისე ზაფხულში სასტუმრო მაღალი დატვირთულობით ოპერირებს. მომხმარებელთა პროფილი კი მრავალფეროვანია, თუმცა განსაკუთრებით მაღალი ინტერესია: GCC (არაბული ნახევარკუნძულის) ქვეყნებიდან, CIS ქვეყნების ტურისტების მხრიდან. სეგმენტირებული მიდგომა საშუალებას გვაძლევს უკეთ შევუთავსოთ სერვისები სხვადასხვა ბაზრის მოთხოვნებს “, - აცხადებს გაყიდვების, შემოსავლებისა და რეზერვაციის დირექტორი.

სასტუმროს სხვადასხვა კონკურენტული უპირატესობა გააჩნია. ერთ-ერთი მთავარი კი ადგილმდებარეობაა.

„დიალოგი კოხტას" კონკურენტული უპირატესობებია:

საუკეთესო ადგილმდებარეობა- სასტუმრო განთავსებულია ბაკურიანის ცენტრში, კოხტას სასრიალო ტრასიდან 300 მეტრში, რაც მაქსიმალურ კომფორტს უქმნის სათხილამურო სპორტის მოყვარულებს;

სრულად აღჭურვილი აპარტამენტები, მრავალფეროვანი ნომრის კატეგორიები, კი უზრუნველყოფს ფართო არჩევანს ნებისმიერი ბიუჯეტისა და საჭიროების მომხმარებლისთვის;

24/7 მხარდაჭერა, რაც ქმნის უსაფრთხო და ყურადღებიან გარემოს სტუმრებისთვის; მაღალი ხარისხის კვება, რომელსაც უზრუნველყოფს რესტორანი "მარილი" “, - განმარტავს მირანდა კარა.

Dialog Kokhta სამომავლოდ ახალი სერვისების დამატებას გეგმავს, რომელიც უპასუხებს როგორც საოჯახო, ისე კორპორატიული და საერთაშორისო ვიზიტორების საჭიროებებს.

„დიალოგი კოხტას" ერთ-ერთი მთავარი სტრატეგია გაფართოება და სერვისების დივერსიფიკაციაა. კომპანია მუშაობს დამატებითი შესაძლებლობების დანერგვაზე, რათა მაქსიმალურად მოერგოს მომხმარებელთა მზარდ და ცვალებად მოთხოვნებს.

სამომავლო გეგმებში შედის, ახალი სერვისების დანერგვა, რომელიც უპასუხებს როგორც საოჯახო, ისე კორპორატიული და საერთაშორისო ვიზიტორების საჭიროებებს, პარტნიორობის განვითარება ტურისტულ სააგენტოებთან და საერთაშორისო პლატფორმებთან.

სტუმართმასპინძლობის განსაკუთრებული ხედვით, და მაღალი ხარისხის სერვისით, ჩვენს სტუმრებს საუკეთესო შთაბეჭდილებების შექმნას ვპირდებით “, - აღნიშნავს გაყიდვების, შემოსავლებისა და რეზერვაციის დირექტორი.

ცნობისთვის, სასტუმრო ბაკურიანში, 9 აპრილის ქუჩაზე მდებარეობს.