LoveStars არის ქართული ბრენდი, რომლის ისტორია 2019 წლიდან იწყება. კონცეფცია სიმარტივისა და ჰარმონიულობის ერთობლიობას გულისხმობს, რომლის მეშვეობითაც  LoveStars მომხმარებელს პრაქტიკულ და გამორჩეული დიზაინის კოლექციებს სთავაზობს. როგორც ბრენდის თანადამფუძნებელმა სალი სულთანიშვილმა Business Insider Georgia -ს განუცხადა ასორტიმენტი საკმაოდ მრავალფეროვანია. 

„ჩვენ ვქმნით ტანსაცმელს, ფეხსაცმელს და სხვადასხვა აქსესუარს, როგორიც არის კოსმეტიკისა და ლეპოტოპის ჩანთა. ჩვენი კოლექციები იცვლება სეზონის მიხედვით შესაბამისად ასორტიმენტიც “, - აცხადებს ბრენდის თანადამფუძნებელი სალი სულთანიშვილი.

ბრენდის მიმართ ინტერესი და მოთხოვნა მუდამ მზარია, რასაც ასორტიმენტის მრავალფეროვნება განაპირობებს.

„დაახლოებით, 5 წელია რაც ქართულ ბაზარზე აქტიურად ვოპერირებთ და მოთხოვნა ჩვენს ბრენდზე დროსთან ერთად სულ იზრდება. გვყავს ერთგული მომხმარებლები, რომლებიც ბრენდის დაარსებიდან დღემდე ჩვენს აქტიურ მომხარებლებად რჩებიან. ვფიქრობთ ამ ყველაფერს განაპირობებს ის რომ ყოველთვის ვითვალისწინებთ ჩვენი მომხარებლის აზრს, ასევე მუდმივად ვცდილობთ რომ პროდუქცია მრავალფეროვანი და განსხვავებული იყოს “, - ამბობს ბრენდის ბრენდის თანადამფუძნებელი სალი სულთანიშვილი.

ბრენდის მთავარი კონკურენტული უპირატესობა პროდუქციის საავტორო პრინტების გამოყენებით შექმნა და მაღალი ხარისხია. 

„ჩვენი კონკურენტული უპირატესობა არის ხარისხი და საავტორო პრინტები. ვფიქრობთ ამით ყოველთვის გამოგვარჩევს მომხარებელი “, - აღნიშნავს კომპანიის თანადამფუძნებელი სალი სულთანიშვილი.

LoveStars - ის სამომავლო გეგმები საკმაოდ მრავალფეროვანია. იგეგმება, როგორც ასორტიმენტის, ასევე საექსპორტო ბაზრების გაფართოება.

„სამომავლოდ დიდი სურვილი გვაქვს, რომ ჩვენი ბრენდი უფრო ფართოდ იყოს წარმოდგენილი, როგორც ქართულ ასევე უცხოურ ბაზარზე.  LoveStars შესაძლოა სხვა მიმართულებითაც განვითარდეს და არსებულ კოლექციას დაემატოს, როგორც მამაკაცის, ასევე ბავშვის ხაზი და სახლის დეკორის აქსესუარები ჩვენი პატერნებით “, - განმარტავს კომპანიის თანადამფუძნებელი სალი სულთანიშვილი.

ცნობისთვის, LoveStars-ის მაღაზია მდებარეობს თბილისში, მისამართზე: დიმიტრი ბაქრაძის ქუჩა N22. მაღაზია ღიაა ორშაბათიდან შაბათის ჩათვლით, 11:00-დან 19:00 საათამდე .