სადაზღვევო კომპანია არდი საზღვარგარეთ პროვაიდერების რაოდენობას ზრდის, რითაც საკუთარ დაზღვეულებს სამედიცინო სერვისებზე ხელმისაწვდომობას უფართოებს. არდი იწყებს სტრატეგიულ პარტნიორობას Liv Hospital Group-თან, რომლის მიზანია არდის დაზღვეულთათვის ჯანდაცვის სერვისების ხარისხის გაუმჯობესება და საერთაშორისო დონეზე, კერძოდ, თურქეთში, სამედიცინო სერვისებზე წვდომის გაფართოება.

როგორია არდისა და Liv Hospital-ის პარტნიორობის დეტალები და რას აკეთებს სადაზღვევო კომპანია საერთაშორისო პარტნიორული ქსელის გაფართოებისთვის -დეტალებზე Business Insider Georgia სს „არდი დაზღვევის“ აღმასრულებელ დირექტორს მიხეილ ჯაფარიძეს ესაუბრა.

„ჩვენი პარტნიორობა Liv Hospital Group-თან არის კიდევ ერთი ნაბიჯი იმისათვის, რომ არდის სერვისების ხელმისაწვდომობა გაიზარდოს. Liv Hospital-ი ახლა შემოუერთდა ჩვენს პარტნიორთა ქსელს და იმედი მაქვს, რომ ის სერვისები, რასაც Liv Hospital-ი მიაწვდის ჩვენს დაზღვეულებს საჭიროების შემთხვევაში მათ დაეხმარებათ იმაში, რომ უფრო მეტი არჩევანი ჰქონდეთ საკუთარი ჯანმრთელობის საჭიროებების დაკმაყოფილებისთვის. მინდა ხაზი გავუსვა იმას, რომ Liv Hospital-თან პარტნიორობა პასუხობს არდის ხარისხის სტანდარტს, იქიდან გამომდინარე, რომ ჯანდაცვის ამ ეკოსისტემასთან ურთიერთობა არის იმის გარანტი, რომ ჩვენი მოთხოვნები ჩვენს პარტნიორებთან მიმართებაში იქნება ისეთივე უმაღლესი ხარისხის, რისი მოლოდინიც ჩვენს დაზღვეულებს აქვთ. მოხარულები ვართ, რომ კიდევ ერთი წარმატებული პარტნიორობა შედგა.

- რას აკეთებს არდი იმისათვის, რომ მის დაზღვეულებს საზღვარგარეთ მკურნალობა კიდევ უფრო გაუმარტივოს?

- ზოგადად არდი მუდმივად მუშაობს იმაზე, რომ საქართველოს ფარგლებს გარეთ სერვისები იყოს ხელმისაწვდომი ჩვენი დაზღვეულებისთვის, ჩვენი პროგრამის დაფარვები ამას ითვალისწინებს. თუმცა, ამას თავის მხრივ სჭირდება პარტნიორული ურთიერთობები, როგორც თურქეთში, ისე ისრაელში, სადაც უკვე გვაქვს თანამშრომლობა. ცხადია სხვა ქვეყნებშიც ვავითარებთ ასეთ პარტნიორულ ურთიერთობებს. იქიდან გამომდინარე, რომ ფასთა შორის სხვაობები არსებობს, ძალიან რთულია მსგავსი თანამშრომლობის აგება. თუმცა, როგორც Liv Hospital-ი, რომელსაც მთელი რიგი სერვისები აქვს: ონკოლოგიური, კარდიო ქირურგიული მიმართულებით, რობოტული ტექნოლოგიების მიმართულებით ჩვენთან თანამშრომლობით ისინიც უნდა იყვნენ დაინტერესებულნი, იმისათვის, რომ პარტნიორობა შედგეს. Liv Hospital-თან მიმართებაში ეს ინტერესი იყო, ისევე როგორც ჩვენს სხვა პარტნიორებთან ურთიერთობაში და ეს ნაბიჯები გადმოდგეს. ისეთი სერვისები, როგორცაა მეორე სამედიცინო აზრის (SMO) უფასო მომსახურება, PET-CT

სკანირება და ონლაინ კონსულტაციები, Liv Gold სკრინინგ პაკეტები, რობოტული ქირურგია და ა.შ. ჩვენი დაზღვეულები მიიღებენ ექსკლუზიურად შეღავათიან ფასებში.

საბოლოო ჯამში, რაც უფრო ფართოა არჩევანი ჩვენ დაზღვეულებისთვის, უფრო კარგია მათთვის მიწოდებული სერვისის ხარისხიც.

- პარტნიორული ქსელის გაფართოების პარალელურად, რამდენად იზრდება საზღვარგარეთ მკურნალობაზე მოთხოვნა არდის მაგალითზე?

- 2016 წელს, როდესაც ჩვენ ეს სერვისები დავნერგეთ ჩვენც არ გვქონდა მოლოდინი, რომ მოთხოვნა ასეთი აქტიური იქნებოდა. თუმცა შედეგმა მოლოდინს გადააჭარბა და მოგვიწია, რომ დამატებით ადამიანები აგვეყვანა კომპანიაში და სამსახურიც კი შეგვექმნა, რომელიც სპეციალიზებულად აღნიშნულ მიმართულებაზე იმუშავებდა. ამ სამსახურს ყოველდღიურად ძალიან დიდი დატვირთვა აქვს. შესაბამისად ფაქტია, რომ წამოწყებამ გაამართლა. აქედან გამომდინარე, არჩევანი ადამიანს საქართველოში მიიღებს სერვისს თუ საქართველოს ფარგლებს გარეთ ყოველთვის უნდა ჰქონდეს. ამ სერვისის მიღებაც მნიშვნელოვანია, როდესაც თქვენ საზღვარგარეთ მიდიხართ არის გარკვეული ბარიერები, მაგალითად ენობრივი ბარიერი, გეოგრაფიულ ბარიერი და სხვა. ეს ბარიერები, რომ ქრება და გყავთ ადამიანი, რომელიც ხშირ შემთხვევაში ქართულად მოსაუბრეა, ლოგისტიკური პრობლემები გიგვარდებათ, რადგანაც გეხმარებათ ჩვენი გუნდიც და პარტნიორიც, რომ ვიზიტი სწორად დაორგანიზდეს. ეს ყველაფერი კი ამ ბარიერებს ამარტივებს და ადამიანს უფრო მეტად აქვს სურვილი წასვლის, ვიდრე სხვა თანაბარ პირობებში მოუნდებოდა. ამიტომ სხვა ქვეყნებთან მიმართებაშიც იგივე მოთხოვნები და სურვილები გვაქვს, თუმცა დასავლეთის ქვეყნებში შედარებით რთულია ასეთი სერვისების დაგეგმვა, რადგანაც იქ ტრანსფერის ხარჯიც მეტია, შორი მანძილია. თურქეთი კი ახლოსაა და ამიტომ თურქეთზე მოთხოვნა მეტია. იგივე სისტემებით ისრაელის კლინიკებიც გვყავს დაპროვაიდებული, მაგრამ იქ მოთხოვნა შედარებით დაბალია, ვიდრე თურქეთში. თურქეთზე მაღალი მოთხოვნაა და ჩვენც ამ მოთხოვნას ვპასუხობთ.

შეგახსენებთ, რომ არდისა და თურქეთის ერთ-ერთი წამყვანი ჯანდაცვის პროვაიდერის Liv Hospital Group-ის მიზანია არდის დაზღვეულთათვის ჯანდაცვის სერვისების ხარისხი გააუმჯობესოს.

პარტნიორობის ძირითადი პრიორიტეტები:

· ხარისხიანი ჯანდაცვის ხელმისაწვდომობის გაფართოება: Liv Hospital-ის მსოფლიო დონის სამედიცინო სერვისები საქართველოს მოქალაქეებისთვის გახდება უფრო ხელმისაწვდომი არდის ფართო ქსელის საშუალებით.

· ჯანმრთელობის დაზღვევის გაფართოებული დაფარვა: არდი დაზღვეულებს შესთავაზებს განახლებულ სადაზღვევო პაკეტებს, რომლებიც მოიცავს

უახლეს სამკურნალო მეთოდებზე და Liv Hospital Group-ის თანამედროვე ინფრასტრუქტურაზე წვდომას სპეციალური პირობებითა და თანადაფინანსებით, როგორც კორპორაციული, ასევე ინდივიდუალური დაზღვევის ფარგლებში.

· გამოცდილების გაზიარება და ინოვაცია: კომპანიების პროფესიული ჯგუფები ითანამშრომლებენ დარგობრივ ექსპერტიზასა და სამედიცინო ინოვაციების მიმართულებით, რაც კიდევ უფრო გააუმჯობესებს პაციენტების მომსახურებას და დაზღვევის პროცესებს.

· საერთასაზღვრო თანამშრომლობა: თურქეთსა და საქართველოს შორის გაღრმავებული თანამშრომლობა შექმნის რეგიონში ჯანდაცვის სერვისების ხელმისაწვდომობისა და ხარისხის კიდევ ერთ წარმატებულ სტანდარტს.

ექსკლუზიური პირობები არდის დაზღვეულებისთვის Liv Hospital Group-ის ეკოსტისტემაში:

1. 30%-იანი ფასდაკლება ყველა ტიპის სამედიცინო მომსახურებაზე;

2. სპეციალური ტარიფები PET-CT სკანირებისა და ონლაინ კონსულტაციების სერვისებზე Healthverse Panoramic WEB პლატფორმის საშუალებით (რეალურ დროში ვირტუალური ტურის პლატფორმა, რომელიც დაგაკავშირებთ Liv Hospital-ის ექიმებთან, კაბინეტებთან, პალატებთან);

3. 50%-იანი ფასდაკლება Liv Gold სკრინინგ პაკეტებზე (მამაკაცებისა და ქალებისთვის) 2025 წლის 31 დეკემბრამდე;

4. რობოტული ქირურგიის დამატებითი საფასურის გაუქმება, რის შედეგადაც ამ მოწინავე სამედიცინო ტექნოლოგიით ჩატარებული ოპერაციის ღირებულება გაუტოლდება ლაპარასკოპიული ოპერაციის ღირებულებას, რაც უპრეცენდტო შეთავაზებას წარმოადგენს;

5. უფასო მეორე სამედიცინო აზრი;

6. უფასო VIP ტრანსფერი აეროპორტსა, სასტუმროსა და საავადმყოფოს შორის.

Liv Hospital Group-ს შესახებ:

Liv Hospital არის თურქეთის ერთ-ერთი წამყვანი ჯანდაცვის პროვაიდერი, რომელიც სთავაზობს მულტიდისციპლინურ სამედიცინო სერვისებს. ჰოსპიტალი

ცნობილია ინოვაციური სამედიცინო ტექნოლოგიებით, საერთაშორისოდ აღიარებული სამედიცინო პერსონალით და პერსონალიზებული პაციენტზე ორიენტირებული მიდგომით. Liv Hospital-ის ქსელი აერთიანებს 6 ჰოსპიტალს თურქეთში და 4 წარმომადგენლობას საზღვარგარეთ (ბაქო, ბუდაპეშტი, ლონდონი, დუბაი). სახელწოდება "LIV" ნიშნავს: "Leading International Vision | წამყვან საერთაშორისო ხედვას", რაც აისახება კიდეც ჰოსპიტალის ვალდებულებებში - შექმნას და დააწესოს ახალი სტანდარტები თურქეთსა და მსოფლიოში. უწყვეტი ინოვაციების ერთგული, Liv Hospital აერთიანებს უახლესი ტექნოლოგიების, მათ შორის რობოტული ქირურგიის, ხელოვნური ინტელექტის დახმარებით დიაგნოსტიკას, დამიზნებით ონკოლოგიას, რეგენერაციულ მედიცინასა და ღეროვანი უჯრედების თერაპიას. JCI-ის მიერ აკრედიტებული Excellence ცენტრებით, Liv Hospital ახორციელებს მსოფლიო დონის, პაციენტზე ორიენტირებულ სამედიცინო დახმარებას, ქმნის ახალ სტანდარტებს თანამედროვე ჯანდაცვის სფეროში როგორც თურქეთის, ასევე საერთაშორისო მასშტაბით.

სს „არდი დაზღვევა“-ს შესახებ:

სს არდი დაზღვევა არის საქართველოს ერთ-ერთი წამყვანი სადაზღვევო კომპანია, რომელიც უზრუნველყოფს სადაზღვევო მომსახურების სრულ სპექტრს - სიცოცხლის და არა-სიცოცხლის (ქონებრივი) დაზღვევების მიმართულებით. დაზღვეულზე ორიენტირებული მიდგომებითა და ინოვაციებისადმი ერთგულებით, არდი ცნობილია თავისი გამჭვირვალე მომსახურებით, სწრაფი ანაზღაურებებით, მომხმარებელთა ადვოკატირებით და კლიენტებთან გრძელვადიანი ურთიერთობების დამყარებით. სრულყოფილებისკენ მუდმივი განვითარების გზაზე არდი აქტიურად ახორციელებს ინვესტიციებს ციფრულ პლატფორმებში, ინოვაციურ გადაწყვეტილებებსა და სერვისის ახალ მოდელებში, რათა უზრუნველყოს უფრო მეტი ხელმისაწვდომობა, ეფექტურობა და მომხმარებელთა კმაყოფილება მის ყველა შეთავაზებაში.