16 მაისს Radisson RED თბილისი კიდევ ერთხელ მოექცა მოვლენების ეპიცენტრში. სტარტი აიღო არა მხოლოდ სეზონმა, არამედ ახალი გემოვნური თავგადასავლების სერიამ.

საკულტო RED ეზო ოფიციალურად გაიხსნა. ჩაეშვა ახალი მენიუც, რომელიც საერთაშორისო სამზარეულოსა და ქართულ ელემენტებს აერთიანებს. სიახლეა კოქტეილების მოყვარულთათვისაც. ღონისძიებაზე სრულიად ახალი საავტორო კოქტეილებიც წარადგინეს, რომელთა დაგემოვნება მხოლოდ აქ იქნება შესაძლებელი.

კიდევ ერთი გემრიელი სიახლე პიცაა. ეზოში ამიერიდან ქალაქში საუკეთესო პიცის დაგემოვნება იქნება შესაძლებელი, რომელიც სტუმრების თვალწინ, ღია სამზარეულოში მომზადდება.

გარდა ამისა, სტეიკის მოყვარულების რუკას ახალი დანიშნულების წერტილი შეემატა . სტეიკჰაუს #1 Radisson RED-ში უკვე მეორე ფილიალით იქნება წარმოდგენილი, რომელიც სტუმრებს უმაღლესი კლასის გამოცდილებას შესთავაზებს.

შოთა ბურჯანაძე, პროექტის ხელმძღვანელი და საქართველოს რესტორატორთა ასოციაციის პრეზიდენტი ამბობს, რომ: „სტუმრებს ადგილზე მხოლოდ უმაღლესი ხარისხის ადგილობრივი და ამერიკული ხორცისგან დამზადებული სტეიკები დახვდებათ. პერიოდულად მენიუში ექსკლუზიურად შეხვდებით ბიზონისა და ნიანგის ხორცსაც“.

სიახლეა ვისკის მოყვარულთათვისაც. Radisson RED ვისკის ჰაბი ხდება. აქ სხვადასხვა დასახელების ექსკლუზიური ვისკი იქნება ხელმისაწვდომი.

სეზონის გახსნის ღონისძიებას 400-ზე მეტი სტუმარი ესწრებოდა, რომელთა გართობაზეც ბენდმა „ნეირონი“ და გიგა პაპასკირმა იზრუნეს.

„თბილისში, შეიძლება ითქვას, რომ პრაქტიკულად, არ არის დარჩენილი ადგილი, სადაც სტეიკი და პიცა არ გამისინჯავს, მაგრამ შემიძლია თამამად ვთქვა, რომ ქალაქში საუკეთესო სტეიკი და პიცა აქ აღმოვაჩინე“ - ამბობს ღონისძიების ერთ-ერთი სტუმარი.

ივიცა ლოვრიჩი, Radisson RED Tbilisi-ს გენერალური მენეჯერი, აღნიშნავს, რომ სასტუმრო ამ სიახლით კიდევ უფრო განიმტკიცებს თავის პოზიციას, როგორც მოგზაურებისა და ადგილობრივების ერთ-ერთი ყველაზე გამორჩეული მიზიდულობის ადგილი.