რა სიახლეს სთავაზობს „ბუეთი“ მომხმარებელს და როგორია კომპანიის სამომავლო ხედვა
ქართული ნატურალური ჩაის მწარმოებელი კომპანია „ბუეთი“ საახალწლოდ მომხმარებელს პრემიუმ ხარისხის ჩაის 6 განსხვავებული გემოს ნაკრებს სთავაზობს , - ამის შესახებ Business Insider Georgia - ს კომპანიის გაყიდვების ხელმძღვანელმა, ქეთევან კაკაურიძემ განუცხადა.
„მიმდინარე სიახლე გვაქვს ის, რომ დავასრულეთ მუშაობა ახალ სასაჩუქრე ნაკრებზე. ამ ეტაპზე აქტიურად ვამატებთ აღნიშნულ პროდუქტს სხვადასხვა ობიექტში. ნაკრები აერთიანებს 6 განსხვავებული გემოს ჩაის და ვფიქრობთ, საახალწლოდ იდეალური საჩუქარია “, - აცხადებს ქეთევან კაკაურიძე.

2025 წელი კომპანიისთვის დადებითი აღმოჩნდა, 2026 წლის მთავარი გეგმა კი გაფართოებაა.
„2025 წელს პოზიტიურად ვაფასებთ. უამრავი გამოწვევა და დაბრკოლება იყო, თუმცა, მიუხედავად ამისა, შევძელით ახალი პროდუქტის შექმნა, რომელიც ამ წლის ერთ-ერთი დიდი წარმატებაა.
„2026 წლის გეგმები ძირითადად გაფართოებისკენ არის მიმართული, თუმცა ასორტიმენტის გაზრდაზეც ვფიქრობთ “, - აღნიშნავს კომპანიის გაყიდვების ხელმძღვანელი.
აღსანიშნავია, რომ კომპანია ხუთი წელია, რაც ბაზარზე ოპერირებს და მომხმარებლებს მრავალფეროვან არჩევანს სთავაზობს. საწარმო ტყიბულში მდებარეობს და აღჭურვილია თანამედროვე ტექნოლოგიით.
სხვა სიახლეები
იდეა დეველოპმენტის საახალწლო შეთავაზებები
23.12.2025.15:38
იდეა დეველოპმენტის საახალწლო შეთავაზებები, რომლებიც აუცილებლად უნდა იცოდეთ.
დასრულებულ პროექტში, რემონტი საჩუქრად და განსაკუთრებული შეთავაზებები მათთვის, ვინც ცხელ ხაზზე დარეკავს.
იდეა დეველოპმენტის ახლად დასრულებულ პროექტში “იდეა პანორამა I”, საჩუქრად ბინის სრულ რემონტს მიიღებთ. თუმცა, როგორც კომპანია აცხადებს, საახალწლოდ, მომავალ მაცხოვრებელს დამატებითი, გამორჩეული შეთავაზებებიც მოუმზადა. მათ პირობებს კომპანიის ცხელ ხაზზე დარეკვისას შეიტყობთ.
+995 599 51 19 11

იდეა დეველოპმენტისთვის 2025 ზრდისა და განვითარების წელი იყო. კომპანიამ წარმატებით დაასრულა „იდეა პანორამას“ პირველი ეტაპი, „იდეა პანორამა I“, პრემიუმ, მულტიფუნქციური კომპლექსი ვაკე-საბურთალოს ტერიტორიაზე და ამით გადადგა პირველი ნაბიჯი, პროექტის კონცეფციის განხორციელებისთვის: ბალანსი ბუნებასა და ქალაქს შორის.

კომპანიამ პარალელურად დაიწყო „იდეა პანორამა II“ - ის მშენებლობა. წლის განმავლობაში დაანონსდა ახალი პრემიუმ პროექტი ვაკეში, მცხეთის ქუჩაზე, ხოლო თბილისის შემოგარენში დაიგეგმა ახალი, შერეული დანიშნულების კერძო დასახლების მშენებლობა.
სწორედ წარმატებული წლის აღსანიშნავად, შექმნა იდეა დეველოპმენტმა სპეციალური საახალწლო შეთავაზებები საკუთარი მომხმარებლისთვის