საქართველოს ფარგლებს გარეთ ცხოვრება და მუშაობა ემიგრანტებს ახალი გამოცდილებების, შესაძლებლობებისა თუ გამოწვევების წინაშე აყენებს. ამ პროცესებში კი განსაკუთრებული მნიშვნელობა აქვს საბანკო სერვისებსა და პროდუქტებზე შეუფერხებელ წვდომას, რაც არა მხოლოდ კომფორტს, არამედ ფინანსურ უსაფრთხოებასაც უზრუნველყოფს.

დიდი ხანია, რაც საქართველოს ბანკი ემიგრანტების საჭიროებებს ზედმიწევნით შეისწავლის და მათთვის სანდო, მოქნილ და თანამედროვე ფინანსურ შესაძლებლობებს ქმნის. თუ ემიგრანტი ხარ, საკუთარი ფინანსების მართვა საქართველოს ბანკთან ერთად შენთვის გაცილებით მარტივი და უსაფრთხოა, იმის მიუხედავად, თუ რომელ ქვეყანაში იმყოფები.

საბანკო პროდუქტები ემიგრანტებისთვის:

დისტანციური მომსახურება — ციფრული არხებით სრული საბანკო მომსახურება შენივე მობილურიდან შეგიძლია მიიღო, რაც გულისხმობს: თანხის გადარიცხვას ოჯახის წევრებისთვის, კომუნალური თუ სხვა გადასახადების დაფარვას, ვალუტის კონვერტაციას, უკვე აღებული სესხების კონტროლს, ანაბრის გახსნას და ა.შ. საქართველოს ბანკი გაძლევს შესაძლებლობას, რომ ნებისმიერ დროსა და ნებისმიერი ადგილიდან ოპერაციები ერთი სივრციდან მართო.

დისტანციური და უფასო კონსულტაცია — თუ ბარათის გახსნა გსურს, ანაბრით დაინტერესდი ან შენს საკრედიტო შესაძლებლობებზე სრული ინფორმაცია გინდა მიიღო, კონსულტაცია შეგიძლია მოითხოვო. შენი საკონტაქტო ინფორმაცია იმ პროდუქტის შესაბამის ბმულზე უნდა დატოვო, რომლითაც დაინტერესდი, ჩვენ კი ნებისმიერ ქვეყანაში დაგიკავშირდებით.  ასევე, მობილბანკსა და სხვა ციფრულ არხებში ჩატით 24 საათის განმავლობაში შეგიძლია ისარგებლო და პასუხი ნებისმიერ კითხვაზე მიიღო.

ანგარიშის გახსნა დისტანციურად — თუ ჯერ კიდევ არ ხარ საქართველოს ბანკის მომხმარებელი, ანგარიშის გახსნა ნებისმიერი ქვეყნიდან დისტანციურად შეგიძლია. ამისთვის, საქართველოს ბანკის მობილბანკი უნდა გადმოწერო და ქართული პასპორტით ან პირადობის მოწმობით უნდა დარეგისტრირდე. ანგარიშის გახსნის სრულ ინსტრუქციას აქნახავ, რეგისტრაციას კი ამ ბმულზე შეძლებ, მთელ პროცესს სულ რამდენიმე წუთი დასჭირდება.

ნაღდი ფულის საკუთარ ანგარიშზე დასმა — როგორც წესი, თანხას საქართველოში ოჯახის წევრს ან სხვა ახლობელს უგზავნი ხოლმე. მაგრამ იცოდი, რომ საკუთარ ანგარიშზე დასმა და შემდეგ მისი სურვილისამებრ განკარგვაც შეგიძლია? ამისთვის დამატებით არაფერი გჭირდება: გზავნილების ცენტრიდან უბრალოდ შენს სახელსა და გვარზე გაგზავნი თანხას და მობილბანკის საშუალებით პირად ანგარიშზე დაისვამ. ან სულაც ოპერატორს პირადი ანგარიშის ნომერს უკარნახებ. თუ ჯერ არ გაქვს პირადი ანგარიში საქართველოს ბანკში, ამასაც სულ მარტივად გახსნი მინდობილობის და მესამე პირის ინფორმირების გარეშე. ეს კი საშუალებას მოგცემს შენ მიერ გამომუშავებული თანხა მთლიანად თავად განკარგო.

საკრედიტო შესაძლებლობების დათვლა დისტანციურად — თუ იპოთეკური სესხის აღებას გეგმავ ან ამ ეტაპზე მხოლოდ შენი საკრედიტო შესაძლებლობები გაინტერესებს,  ინფორმაციის მიღებას დისტანციურად შეძლებ. ამ ბმულზე უნდა შეავსო განაცხადი და დარეგისტრირდე, განაცხადის მიღებიდან მალევე დაგიკავშირდებით და სესხის პირობებს შენთან ერთად განვიხილავთ. სამომხმარებლო სესხის მოთხოვნა კი აქშეგიძლია, სადაც სესხის კალკულატორსაც ნახავ და თანხების დაანგარიშებას თავადაც შეძლებ.

გათამაშებები/ აქციები ­— გამარტივებული საბანკო ოპერაციების გარდა, საქართველოს ბანკი გათამაშებებისა და აქციების სახით დამატებით ფინანსურ სარგებელს გთავაზობს. გზავნილების აქციის ფარგლებში, 500 ლარით ყოველდღიურად, 5000 ლარით კი ყოველკვირეულად ემიგრანტები უკვე დასაჩუქრდნენ. ხოლო გაორმაგებული გზავნილების აქციის პერიოდში, ყოველ კვირა ერთი მომხმარებლის განაღდებული თანხა ორმაგდებოდა. მომავალი გათამაშებებისა და აქციების შესახებ ინფორმაციას აქ შეგიძლია ადევნო თვალი.

აქტივობები და ემიგრანტების ფეისბუქ ჯგუფი

საქართველოს ბანკი ემიგრანტებს არა მხოლოდ ფინანსურად, არამედ კულტურული და სოციალური აქტივობებითაც უჭერს მხარს. ფინანსური ინსტიტუტი აქტიურად უწყობს ხელს კულტურული ფესტივალებისა და ღონისძიებების ორგანიზებას, სადაც ემიგრანტებს ერთმანეთისთვის საკუთარი გამოცდილების გაზიარება, ქართული კულტურის პოპულარიზაცია და ახალი კავშირების დამყარება შეგიძლიათ. მაგალითად, საქართველოს ბანკის მხარდაჭერით, ათენში მცხოვრებმა ქართველებმა თბილისობა აღნიშნეს, ხოლო ირლანდიაში მყოფმა ემიგრანტებმა საქართველოს დამოუკიდებლობის დღე იზეიმეს.

იმისათვის, რომ გადამოწმებული და ზუსტი ინფორმაცია პირდაპირ ბანკისგან მიიღო, არ გამოგრჩეს სიახლეები და შენთვის საინტერესო კითხვებზე პასუხი მარტივად იპოვო, ფეისბუქის ჯგუფი, სახელად საქართველოს ბანკი ემიგრანტებისთვის, შეიქმნა. ჯგუფში გაწევრიანების შემდეგ ბანკთან პირდაპირი კომუნიკაცია გექნება ნებისმიერი ქვეყნიდან, სიახლეებს პირველი გაიგებ და სხვა ემიგრანტების გამოცდილებასაც გაიზიარებ.

თუ საქართველოს ბანკის მიერ შექმნილი ემიგრანტების ჯგუფის წევრი ჯერ არ ხარ, ამ ბმულიდან შეგიძლია შემოგვიერთდე.  ემიგრანტებისთვის განკუთვნილ პრაქტიკულ რჩევებსა და საჭირო ინფორმაციას აქ შეგიძლია გაეცნო.