2025 წელი კოკიტოსთვის ინოვაციური ნაბიჯებისა და აქტიური განვითარების პერიოდი იყო , - ამის შესახებ Business Insider Georgia-ს ხის სათამაშოების მწარმოებელი კომპანია „კოკიტოს“ თანადამფუძნებელმა ლალიკო გოგიბერიძემ განუცხადა.

„2025 წელი კოკიტოსთვის ინოვაციური ნაბიჯებისა და აქტიური განვითარების პერიოდი იყო. კომპანია უწყვეტად ახორციელებდა მაღალი ხარისხის, შემეცნებითი და უსაფრთხო სათამაშოების წარმოებას.

გაიხსნა განმავითარებელი სივრცე და სათამაშოების სტენდი ისთ ფოინთსა და სითი მოლში. „კოკიტო“ მუდმივად აფართოებს ასორტიმენტის, რაც ზრდის მომხმარებელთა ჩართულობას და აძლიერებს ბრენდის პოპულარობას ბავშვებსა და მშობლებში “, - აღნიშნავს კომპანიის თანადამფუძნებელი.

2026 წელს ბრენდის მთავარი მიზანი, ასორტიმენტის გაფართოების პარალელურად, ცნობადობის გაზრდა და მომხმარებელთა გამოცდილების გაუმჯობესება იქნება.

„კოკიტო“ 2026 წელს გეგმავს ასორტიმენტის ზრდას, სტენდის დამატებას რამდენიმე მოლში, მათ შორის ბათუმში, ასევე საბავშვო-სადღესასწაულო სივრცის გაფართოებას. კომპანია ასევე აპირებს ბაზრის წილის გაზრდას რეგიონულ და საერთაშორისო დონეზე, მაღაზიებისა და ონლაინ არხების განვითარებით.

აქცენტი გაკეთდება ბრენდის ცნობადობის ზრდასა და მომხმარებელთა გამოცდილების გაუმჯობესებაზე, მათ შორის ინტერაქტიული კამპანიებითა და სოციალური მედია აქტივობებით “, - აცხადებს ლალიკო გოგიბერიძე.

აღსანიშნავია, რომ სათამაშოების თითოეული მოდელი იქმნება ბავშვის განვითარებაზე ზუსტი გავლენით - სენსორული და მოტორული უნარების, ფერებისა და ფორმების აღქმის, მეხსიერების სტიმულირებისთვის.