საერთაშორისო პრემიუმ ბრენდი Villeroy & Boch საქართველოს ბაზარზე 2005 წლიდან Luxury Interior-ის მიერ არის წარმოდგენილი. მეტი ინფორმაციისთვის, Business Insider Georgia კომპანიის ბრენდ დირექტორს მარიამ მაღლაკელიძეს ესაუბრა.

როგორია კომპანიის საქმიანობის სპეციფიკა, როდიდან ოპერირებთ ადგილობრივ ბაზარზე და რას სთავაზობთ მომხმარებლებს?

საერთაშორისო პრემიუმ ბრენდი Villeroy & Boch საქართველოში კომპანია Luxury Interior-მა 2005 წლიდან წარმოადგინა. ბრენდის ქართულ ბაზარზე შემოყვანის მთავარი მიზანი იყო ევროპული წარმოშობის მაღალი ხარისხის პროდუქციის შეთავაზება და ქვეყნის სუფრის კულტურის კიდევ უფრო გაძლიერება.

დღეს კომპანია მულტიბრენდულ ფორმატში ოპერირებს და თანამშრომლობს ისეთ ცნობილ საერთაშორისო ბრენდებთან, როგორებიცაა WMF, Nachtmann, Le Creuset, Casa Bugatti, LIND DNA, Pininfarina, DPI, Engels Kerzen და Sompex.

ჩვენი პროდუქციის ასორტიმენტი მოიცავს პრემიუმ ფაიფურს, მინის ნაწარმს, მცირე სამზარეულოს ტექნიკასა და აქსესუარებს, ასევე სახლის დეკორის ნივთებს. თითოეული პროდუქტი გამოირჩევა მაღალი ხარისხით, დახვეწილი დიზაინითა და ფუნქციონალურობით.

გარდა საცალო მიმართულებისა, კომპანიას აქვს HORECA მიმართულებაც, რომლის ფარგლებშიც სასტუმროებსა და რესტორნებს პროფესიონალურ პროდუქციას ვთავაზობთ.
ბიზნესის განვითარების ფარგლებში გავხდით ცნობილი ავსტრიული ბრენდის Swarovski პარტნიორი და ქართულ ბაზარზე სამკაულების მიმართულებაც განვავითარეთ. ამ ეტაპზე კომპანიას თბილისში ოთხი მაღაზია აქვს.

როგორ აფასებთ მომხმარებელთა მოთხოვნას თქვენს პროდუქციაზე, რამდენად მზარდია ტენდენცია?

ბოლო წლებში მომხმარებელთა ინტერესი პრემიუმ ხარისხის პროდუქციის მიმართ მნიშვნელოვნად გაიზარდა. ქართველი მომხმარებელი დღეს უფრო მეტად აფასებს ხარისხს, დიზაინსა და ბრენდის ისტორიას და გააზრებულად ინვესტირებს პროდუქციაში, რომელიც მრავალი წელი ემსახურება მას. ეს ტენდენცია პირდაპირ აისახება ევროპული პრემიუმ ბრენდების მიმართ მოთხოვნის ზრდაზე

რას მიიჩნევთ კომპანიის მთავარ კონკურენტულ უპირატესობად?

ჩვენი მთავარი უპირატესობა საერთაშორისო პრემიუმ ბრენდებთან პარტნიორობა და პროდუქციის მაღალი ხარისხია. თუმცა არანაკლებ მნიშვნელოვანია ის გამოცდილება და სანდოობა, რომელსაც მომხმარებლებს ვთავაზობთ.

Villeroy & Boch არ არის მხოლოდ მაღაზია - ეს არის სივრცე მათთვის, ვინც აფასებს დახვეწილ დიზაინს, ხარისხსა და სუფრის კულტურას. სწორედ ამ კონცეფციამ დაგვიმკვიდრა განსაკუთრებული ადგილი პრემიუმ სეგმენტში ქართულ ბაზარზე.

რა გეგმები აქვს კომპანიას სამომავლოდ, განსაკუთრებით გაფართოებისა და დამატებითი ფილიალების მიმართულებით?

სამომავლოდ კომპანია გეგმავს ბრენდების პორტფელის კიდევ უფრო გაფართოებას და საერთაშორისო პარტნიორობის გაძლიერებას.

ჩვენთვის ერთ-ერთი მნიშვნელოვანი მიმართულებაა საცალო ქსელის განვითარება, რის ფარგლებშიც განვიხილავთ ახალი ლოკაციების დამატებას, რათა ჩვენი ბრენდები და პროდუქცია კიდევ უფრო ხელმისაწვდომი გახდეს მომხმარებლებისთვის. პარალელურად, აქტიურად გავაგრძელებთ თანამშრომლობას HORECA სექტორთან, რომელიც კომპანიის განვითარების ერთ-ერთი მნიშვნელოვანი მიმართულებაა.

სოცმედია ლინკები:

ინსტაგრამ გვერდი:

https://www.instagram.com/villeroyboch_georgia/

ფეისბუქ გვერდი: 

https://www.facebook.com/villeroyandbochgeorgia

⁠საკონტაქტო ინფორმაცია და მისამართი:

მისამართი: შოთა რუსთაველის გამზირი N1;

ტელ: 511 10 00 44;

სამუშაო საათები - 11:00 - 20:00.

მისამართი: ვაჟა-ფშაველას გამზირი N70, სავაჭრო ცენტრი „სითი მოლი”;

ტელ: 591 00 55 09;

სამუშაო საათები - 10:00 - 22:00.