2025 წლის უმსხვილესი ექსპორტიორი კომპანიების TOP 5 უკვე ცნობილია. ინფორმაცია Business Insider Georgia-მ საქსტატიდან გამოითხოვა.

ამ მონაცემების მიხედვით, გთავაზობთ ქვეყნის ხუთ უმსხვილეს ექსპორტიორ კომპანიას:

• აიდიეს ბორჯომი საქართველო, შპს აიდიეს ბორჯომი ბევერიჯიზ კომპანის საქართველოს ფილიალი
• სს არ ემ ჯი კოპერი
• სს რუსთავის აზოტი
• შპს კავკასიის ავტოიმპორტი
• შპს ტოიოტა კავკასია

შენიშვნა: ექსპორტიორები არ არის დალაგებული რეიტინგის მიხედვით.

 აიდიეს ბორჯომი საქართველო, შპს აიდიეს ბორჯომი ბევერიჯიზ კომპანის საქართველოს ფილიალი - კომპანიის რეგისტრაციის თარიღია 08/10/1997. მისი დირექტორია ივანე მაჭავარიანი, ხოლო დამფუძნებელი IDS Borjomi Beverages Co.N.V.

სს არ ემ ჯი კოპერი - კომპანიის რეგისტრაციის თარიღია 31/01/1996. მისი გენერალური დირექტორია ჯონდო შუბითიძე.

სს რუსთავის აზოტი - კომპანიის რეგისტრაციის თარიღია 13/09/2016. გენერალური დირექტორი - ჯეი პრაკაშ ჯაჯუ.

შპს კავკასიის ავტოიმპორტი - კომპანიის რეგისტრაციის თარიღია 22/09/2004. პარტნიორები: 27.225% - გიორგი გულაშვილი, 27.9% - ლევან სურგულაძე, 34.875% - გიორგი სურგულაძე, 10% - დავით გულაშვილი.

შპს ტოიოტა კავკასია - კომპანიის რეგისტრაციის თარიღია 18/01/2006, პრეზიდენტი - ტოშინარი საკაბე. კომპანიის 100%-იანი წილის მფლობელია ტოიოტა ცუშო კორპორეიშენ.

შეგახსენებთ, რომ 2025 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 25 820.9 მლნ. აშშ დოლარი შეადგინა, რაც წინა წელთან შედარებით 10.1 პროცენტით მეტია. აქედან ექსპორტი 7 291.2 მლნ. აშშ დოლარს შეადგენს (გაიზარდა 11.2 პროცენტით), ხოლო იმპორტი 18 529.7 მლნ. აშშ დოლარს (გაიზარდა 9.7 პროცენტით). საქართველოს უარყოფითმა სავაჭრო ბალანსმა 2025 წელს 11 238.5 მლნ. აშშ დოლარი შეადგინა, რაც საგარეო სავაჭრო ბრუნვის 43.5 პროცენტია.