Ponpon აგრძელებს განვითარებას და ამჯერად მომხმარებელს ოთხფეხა მეგობრებისთვის საწოლების ახალი ხაზი შესთავაზა. ამის შესახებ Business Insider Georgia-ს ბრენდის თანადამფუძნებელმა ანუკა მეგრელიშვილმა განუცხადა.

როგორია Ponpon-ის მიმდინარე სიახლეები?

Ponpon აგრძელებს განვითარებას საბავშვო მიმართულებით. გარდა ამისა, ამ ეტაპზე გავაფართოვეთ პროდუქციის ხაზი - დავამატეთ ოთხფეხა მეგობრებისთვის განკუთვნილი კომფორტული საწოლები, რომლებიც გამოირჩევა ხარისხით, დიზაინითა და ფუნქციურობით.

რა იდეა დგას ახალი კოლექციის უკან და როგორ პასუხობს ის Pet Care-ის საჭიროებებს?

ახალი პროდუქტის შექმნის იდეა გაჩნდა მომხმარებლების საჭიროებებიდან გამომდინარე - გვინდოდა შეგვეთავაზებინა ისეთი საწოლი, რომელიც იქნებოდა როგორც კომფორტული და უსაფრთხო შინაური ცხოველებისთვის, ასევე ვიზუალურად მიმზიდველი ინტერიერში. პროდუქტი ითვალისწინებს როგორც ცხოველის დასვენების კომფორტს, ისე მის პრაქტიკულ გამოყენებას ყოველდღიურობაში.

როგორ შეირჩა მასალები და რა როლს თამაშობს პრაქტიკულობა მოხმარების პროცესში?

მასალები შერჩეულია მაღალი ხარისხისა და გამძლეობის გათვალისწინებით - ისინი არის მარტივად მოსავლელი, გამძლე და უსაფრთხო ცხოველებისთვის. პრაქტიკულობა ერთ-ერთი მთავარი პრიორიტეტია - საწოლი ინარჩუნებს ფორმას, ადვილად იწმინდება და უზრუნველყოფს კომფორტს ყოველდღიურ გამოყენებაში.

როგორია კომპანიის სამომავლო გეგმები და განვითარების ხედვა?

Ponpon გეგმავს პროდუქციის ხაზის კიდევ უფრო გაფართოებას, როგორც საბავშვო, ისე Pet Care მიმართულებით. ჩვენი მიზანია შევქმნათ ხარისხიანი, ფუნქციური და ესთეტიკურად გამორჩეული პროდუქტები, რომლებიც პასუხობს თანამედროვე მომხმარებლის საჭიროებებს.