ოთარ გრიგოლია: უავტორიტეტო საარჩევნო სუბიექტების ნაცვლად პოლიტიკურ ველზე სხვა ქვეყნები აქტიურობენ და მათ პოლიტიკურ კაპიტალში ქულებს უგროვებენ
„იმდენად უავტორიტეტო და ურეიტინგოა ქართული ოპოზიცია, რომ მათ მაგივრად წინასაარჩევნო კამპანიას სხვადასხვა ქვეყნის საელჩოები აწარმოებენ, ეს კი თანამედროვე მსოფლიოს ისტორიაში ერთ-ერთი უნიკალური და წარმოუდგენელი შემთხვევაა“, - განაცხადა თბილისის საკრებულოს ფრაქციის „ქართული ოცნება - დემოკრატიული საქართველო“ თავმჯდომარემ, ოთარ გრიგოლიამ საკრებულოს დღევანდელ სხდომაზე.
„ჩვენს ოპონენტებს და მათ დამკვეთებს ქვეყანაში არსებული წინასაარჩევნო სიმშვიდე არ მოსწონთ და ცდილობენ სიტუაციის არევას. საბედნიეროდ, არაფერი გამოსდით, რადგან არანაირი ავტორიტეტი აღარ შემორჩენიათ“, - განაცხადა ოთარ გრიგოლიამ.
სიტყვით გამოსვლისას ფრაქციის თავმჯდომარემ იმედი გამოთქვა, რომ ამგვარ აბსურდს ქვეყანაში მალე ადგილი აღარ ექნება.
„ვიმედოვნებ, რომ ყველასთან, მათ შორის იმ მხარეებთანაც, რომლებიც ამ შემთხვევაში არაფერ შუაში არიან, გამოვნახავთ საერთო ენას ურთიერთობისთვის და ისეთ აბსურდს ჩვენს ქვეყანაში ადგილი აღარ ექნება, როდესაც საარჩევნო სუბიექტები პოლიტიკური განცხადებებით და პოლიტიკური დღის წესრიგით პოლიტიკურ ველზე არ აქტიურობენ და მათ მაგივრად ქულების დაგროვებას მათ პოლიტიკურ კაპიტალში სხვადასხვა ქვეყანა ცდილობს“, - დასძინა ოთარ გრიგოლიამ.
დღის ტოპ 10 სიახლე
სხვა სიახლეები
ცვლილებები „აწარმოე საქართველოში“ პროგრამებში მცირე და საშუალო ბიზნესს ფინანსებზე ხელმისაწვდომობის ზრდაში დაეხმარება - ლევან ვეფხვაძე
18.08.2025.21:44
სააგენტოს „აწარმოე საქართველოში“ პროგრამებში ცვლილებები შედის, რომლის ფარგლებშიც გაფართოვდება მეწარმეებისათვის მხარდაჭერის შესაძლებლობები. საქართველოს ბიზნეს-ასოციაციის აღმასრულებელი დირექტორის ლევან ვეფხვაძის განცხადებით, მთავრობის ეს გადაწყვეტილება მცირე და საშუალო ბიზნესს ფინანსებზე ხელმისაწვდომობის ზრდაში დაეხმარება.
როგორც ლევან ვეფხვაძემ განაცხადა, კომპანიებისთვის მნიშვნელოვანია, რომ იზრდება სახელმწიფოს თანამონაწილეობა როგორც სასესხო ნაწილში, ასევე ლიზინგის კუთხით. მან ასევე ყურადღება გაამახვილა საგრანტო კომპონენტის გაფართოებასა და ისეთი მიმართულებების მხარდაჭერაზე, როგორიცაა მწვანე პროექტები, ქალთა ჩართულობა ბიზნესში, ბიზნესის გაციფროვნება, კვლევა - განვითარება და აგროტურიზმი.
„ამ კუთხით, ბიზნესის წახალისება პოზიტიური ნაბიჯი იქნება ინოვაციური და მდგრადი პროექტების დასაფინანსებლად, რაც საქართველოს ეკონომიკისთვის იქნება ძალიან მნიშვნელოვანი,“ - აღნიშნა საქართველოს ბიზნეს - ასოციაციის აღმასრულებელმა დირექტორმა.
განათლების გზაზე არ გაჩერდე - დარეგისტრირდი საქართველოს ბანკის და კომაროვის STEM სკოლაში
18.08.2025.16:17
„მოსავალმა“ 600 ტონიანი სამაცივრე მეურნეობა ააშენა და პროდუქციის საერთაშორისო ბაზარზე გატანას გეგმავს
18.08.2025.16:00
„ზაფხულის ენერგია ჯილისთან ერთად“: ახალი თავგადასავლების სეზონი - Geely Center Tegeta-ს კამპანია
18.08.2025.15:10
მცირე და საშუალო სექტორისთვის ფინანსებზე ხელმისაწვდომობის გაუმჯობესება ჩვენი ერთ-ერთი პრიორიტეტია - ირაკლი ნადარეიშვილი
18.08.2025.14:02
