კომპანია 30 წელია, რაც ბაზარზე ოპერირებს და მისი მომხმარებელის რაოდენობა მზარდია.

„30 წელიწადია, რაც  ბაზარზე ვართ და ხმამაღლა ვიტყვი,  რომ ჩვენ გვქონია კავშირი აბსოლუტურად ყველა ოპტიკასთან, დიდი ბრენდებიდან დაწყეული, საშუალო ბრენდებით დამთავრებული. ეხლა აღარ გვაქვს კავშირი, რადგან საცალო მიმართულებაზე ვკონცენტრირდით. ჩვენ ყოველთვის სრულყოფილად ვაწვდით მომხმარებელს ინფორმაციას. წინასწარ ვუთანხმებთ დეტალებს და მათი თანხმობის შემდეგ ვაკეთებთ სათვალის შეკვეთას. ძალიან ბევრი ამას არ აკეთებს. გარდა ამისა, ჩვენ ყოველთვის ვცდილობთ შემოვიტანოთ და გავაცნოთ მომხმარებლებს  განსხვავებული ბრენდები, მინიმალურ ღირებულებაში. ასევე, ვარჩევთ ისეთ სათვალეებს, რასაც არ აქვს რეპლიკა და სულ რამოდენიმე ცალი შემოდის თითოეული მოდელი. ძალიან ინდივიდუალურად, სათითაოდ ვარჩევთ პროდუქციას. მაქსიმალურად ვცდილობთ მოვერგოთ მომხმარებლებს და შევთავაზოთ მაღალი ხარისხი. გამუდმებით, სიახლეების ძიებაში ვართ“, - აღნიშნავს კომპანიის დამფუძნებელი მარი სხირტლაძე.

კომპანიის  ასორტიმენტში ხშირია ეკოლოგიურად სუფთა პროდუქტებით ნაწარმოები სათვალეები, განსაკუთრებით საბავშვო ხაზში.

„მსოფლიოს გარშემო,  სადაც კი იწარმოება სათვალე და სათვალის მინა ყველა ქვეყანასთან ვთანამშრომლობთ. დაწყებული ინოეთიდან, კორეა, ჩინეთი , იაპონია, ასევე ევროპის ისეთი ქვეყნები, როგორიცაა:  იტალია, ესპანეთი, ბელგია, საფრანგეთი და სხვა.  აქტიურად, ვცდილობთ შემოვიტანოთ ბიო და ეკოლოგიურად სუფთა პროდუქტები. განსაკუთრებით, ბავშვის სათვალეები, რომელიც გვაქვს ჩვენს მაღაზიებში.  ეს არის სრულიად უსაფრთხო, იგივე მასალით ნაწარმოები სათვალეები, თურქული და შვეიცარული წარმოების. გამოირჩევა ანტიალერგიულობით. ჩვენი მიზანია უსაფრთხოების მაქსიმალური დაცვა“, - განმარტავს კომპანიის დამფუძნებელი მარი სხირტლაძე.

"სანი" მომხმარებლებს სთავაზობს, ოპტიკურ მომსახურებასა და საცალო გაყიდვებს, რაც მოიცავს ინვენტარს ოფთალმოლოგიური კლინიკებისა და სათვალის მაღაზიებისთვის.