Schooler არის თანამედროვე საგანმანათლებლო სივრცე, რომელიც აერთიანებს სწავლების, როგორც ინოვაციურ, ასევე ტრადიციულ მეთოდებს , - ამის შესახებ, Business Insider Georgia-ს კომპანიის დამფუძნებელმა და ბიზნესის განვითარების მენეჯერმა ანი მიქიაშვილმა განუცხადა.

Schooler თანამედროვე საგანმანათლებლო სივრცეა, რომელიც აერთიანებს ინოვაციურ მეთოდებსა და ტრადიციულ სწავლებას. ჩვენი მიზანია, მოსწავლეებს შევთავაზოთ მრავალფეროვანი საგანმანათლებლო გამოცდილება, რომელიც ხელს უწყობს ცოდნის გაღრმავებას, ინტერესების აღმოჩენას და შემოქმედებითი უნარების განვითარებას. ეს არის ადგილი, სადაც ბავშვებს უჩნდებათ წიგნისადმი ინტერესი და სიყვარული, ხოლო წიგნი მათი საუკეთესო მეგობარი ხდება.

შეხვედრები იმართება 3 მიმართულებით:

• წიგნიერება ქართულ ენაზე;

• წიგნიერება ინგლისურ ენაზე;

• შემოქმედებითი შეხვედრები.

ყოველკვირეულ შეხვედრებზე, ბავშვები კითხულობენ, მსჯელობენ და განიხილავენ ლიტერატურულ ნაწარმოებებს, გმირებს, ფილმებს და პერსონაჟებს.

ამ პროცესში მოსწავლეები:

• სწავლობენ საკუთარი აზრის თავისუფლად გადმოცემას;

• შეხედულებების არგუმენტირებულად დაცვას;

• იძენენ თავდაჯერებულობას;

• ყალიბდებიან როგორც პერსპექტიული, წარმატებული პიროვნებები.

შემოქმედებითი შეხვედრები

შეხვედრების მიზანია:

• ემოციების გამოხატვა და გაცნობიერება;

• შემოქმედებითი აზროვნებისა და წარმოსახვის განვითარება;

• თვითგამოხატვა და თავდაჯერებულობა;

• გუნდური მუშაობა და კომუნიკაცია;

• სტრესის შემცირება და ბალანსის პოვნა.

ყოველი შეხვედრა ბავშვებს აძლევს შესაძლებლობას აღმოაჩინონ საკუთარი შინაგანი სამყარო ხელოვნების საშუალებით “, - ამბობს ანი მიქიაშვილი.

გარდა აღნიშნული პროგრამებისა „სქულერმა“ დაამატა ახალი, After School პროგრამა.

დავამატეთ ახალი After School პროგრამა, რომელიც განკუთვნილია I-V კლასის მოსწავლეებისთვის და მათ აძლევს შესაძლებლობას, სასკოლო დღის შემდეგ დრო გაატარონ სასიამოვნოდ და პროდუქტიულად.

პროგრამა მოიცავს:

• გაკვეთილების მომზადებას პროფესიონალ რეპეტიტორებთან ერთად;

• ინგლისური ენის გაკვეთილებს;

• კითხვის საათსა და შემოქმედებით აქტივობებს;

• გარე თამაშებსა და განტვირთვას სუფთა ჰაერზე;

• გემრიელ და დაბალანსებულ ლანჩს;

• სკოლიდან გამოყვანის სერვისს;

• როგორც პირველი, ისე მეორე ცვლის მოსწავლეებისთვის “, - აღნიშნავს კომპანიის დამფუძნებელი და ბიზნესის განვითარების მენეჯერი.

ცნობისთვის, დამატებითი ინფორმაციის მისაღებად დაინტერესებულ პირებს შეუძლიათ შემდეგ ნომერზე დაკავშირება - 500 50 02 60.