კაფე My Boba, ადგილობრივ ბაზარზე ორი წელია რაც ოპერირებს და მომხმარებელს ბურთულებიანი ჩაის მრავალფეროვან არჩევანს სთავაზობს. Business Insider Georgia, სიახლეებთან დაკავშირებით, კომპანიის  დირექტორს თათია ნადირაშვილს ესაუბრა. მისი თქმით, არსებულ ასორტიმენტს ოთხი ახალი გემო დაემატა. 
„ბურთულებიანი ჩაი არის ჩვენი მთავარი პროდუქტი. ამ კუთხით, გვაქვს სიახლე და არსებულ გემოებს დავამატეთ ფისტას სერიები. კერძოდ, კი ოთხი ახალი გემო. ესენია: ფისტა და ჟოლო, ფისტას ფრაპე, ცივი ლატე და მილქშეიქი. გარდა ამისა, მომხმარებელს ვთავაზობთ, იაპონურ კერძს „ონიგირს“ და ასვეე, ჰონგ-კონგურ და აზიურ ვაფლს “, - ამბობს კომპანიის დირექტორი თათია ნადირაშვილი.
კომპანიის პროდუქციის მიმართ ინტერესი და მოთხოვნა საკმაოდ მზარდია, როგორც ადგილობრივი მომხმარებლების, ისე უცხოელების მხრიდან.
„რაოდენობრივად, მოთხოვნა, როგორც ადგილობრივი, ისე უცხოელი მომხმარებლების მხრიდან თანაბარია. ვიტყოდი, ზუსტად 50/50-ზე იყოფა ქართველებისა და უცხოელების რაოდენობა. მოთხოვნა საკმაოდ მზარდია. ორი წლის განმავლობაში მუდმივად იზრდება სეზონისგან განურჩევლად და   ყოველთვე იმატებს “, - აცხადებს ამბობს კომპანიის დირექტორი თათია ნადირაშვილი.

კომპანია სამომავლოდ გაფართოებას გეგმავს, როგორც თბილისის მასშტაბით, ასევე თბილისის გარეთ.

„თბილისში გვსურს ახალი ფილიალის გახსნა 2025 წელს და გარდა ამისა, თბილისის ფარგლებს გარეთაც. კერძოდ, კი ბათუმში “, - აღნიშნავს კომპანიის დირექტორი თათია ნადირაშვილი.

აღსანიშნავია, რომ ამ დროისთვის My Boba თბილისში ორი ფილიალითაა წარმოდგენილი, რომელიც  ვაკესა და საბურთალოზე მდებარეობს. კომპანიას ბურთულიანი ჩაი ჩამოაქვს ტაივანიდან.