„ლანჩი“ კვების ობიექტია, რომელიც ბაზარზე სულ რამდენიმე თვის წინ გამოჩნდა. დამატებითი ინფორმაციისთვის, Business Insider Georgia კომპანიის დამფუძნებელს, აკაკი დეკანოსიძეს ესაუბრა.

„გავხსენით ახალი ობიექტი, რომელიც მომხმარებლებს როგორც კორპორატიულ, ისე საცალო მომსახურებას სთავაზობს. თავდაპირველად საქმიანობა საცალო მიმართულებით დავიწყეთ - პროდუქციას ერთეულებად ვყიდდით. მოგვიანებით ავაშენეთ საწარმო და დავიწყეთ საქმიანობა კორპორატიული კვების სფეროში.

კომპანია სწრაფად და ეფექტიანად ვითარდება. როგორც მოგეხსენებათ, ამ მიმართულებით საქართველოში კონკურენცია მაღალი არ არის - ბაზარზე მხოლოდ რამდენიმე კომპანია ოპერირებს იმ სერვისის ფარგლებში, რასაც ჩვენ ვთავაზობთ მომხმარებლებს. შესაბამისად, ახალი მოთამაშის გამოჩენა ყოველთვის იწვევს ინტერესს.

„ლანჩი“ დეკემბერში გავხსენით და მიუხედავად იმისა, რომ მცირე დროა გასული, უკვე ძალიან კარგი შედეგები გვაქვს. ეს, პირველ რიგში, იმ გამოცდილების დამსახურებაა, რომელიც წინა კომპანიაში დავაგროვეთ - გავითვალისწინეთ წარსული შეცდომები და სრულად გამოვიყენეთ ორი წლის განმავლობაში მიღებული ცოდნა და პრაქტიკა “, - ამბობს კომპანიის დამფუძნებელი.

ამჟამად, კომპანია 400 ადამიანს ემსახურება, როგორც კორპორატიული, ისე საცალო მიმართულებით.

დაახლოებით, 400 ადამიანს ვემსახურებით როგორც კორპორატიულ, ისე საცალო მიმართულებით. საცალო ობიექტზე გაყიდვები საკმაოდ მაღალი და დინამიკურია. ჩვენი მომხმარებლები არიან მერიისა და სხვადასხვა სტრუქტურული ერთეულის თანამშრომლები, როგორც თბილისის, ისე რუსთავის მასშტაბით.

სტატისტიკა მიუთითებს, რომ კომპანია ძალიან კარგად ვითარდება, იზრდება და სწრაფად დგამს წინ ნაბიჯებს “, - აღნიშნავს აკაკი დეკანოსიძე.

კომპანიას საკუთარი სავაჭრო ობიექტი აქვს, რომელიც უმაღლეს სტანდარტებს აკმაყოფილებს.

„კომპანიას აქვს საკუთარი სავაჭრო ობიექტი, რომელიც ამ ეტაპზე დაახლოებით 100 კვადრატულ მეტრს მოიცავს და უმაღლესი სტანდარტების შესაბამისად არის მოწყობილი. ვვარაუდობთ, რომ მომდევნო თვეებში დაგვჭირდება კიდევ ერთი საწარმოს გახსნა, როგორც ეს უკვე განვახორციელეთ „დეკას“ შემთხვევაში. არსებული დინამიკიდან გამომდინარე, შეგვიძლია ვთქვათ, რომ 3-4 თვეში ახალი ობიექტიც მსგავს შედეგებს მიაღწევს.

ჩვენთვის განსაკუთრებულად მნიშვნელოვანია მომხმარებლების შეფასება და უკუკავშირი. მიღებულმა პოზიტიურმა გამოხმაურებამ დაგვანახა, რომ სწორ გზაზე ვდგავართ და ეს გვაძლევს მოტივაციას, გავაგრძელოთ განვითარება, ვიზრუნოთ ხარისხზე და მომხმარებლების კმაყოფილებაზე.

კომპანია მომხმარებლის საჭიროებებზეა ორიენტირებული, შესაბამისად, ვთავაზობთ მოქნილ და მრავალფეროვან სერვისებს. „დეკა“ აქტიურად უზრუნველყოფს ჩვენი კომპანიის კვებით მომსახურებას, რაც გვაძლევს შესაძლებლობას, საკუთარი გამოცდილებით შევაფასოთ სერვისის ხარისხი. ამის საფუძველზე ვუწევთ რეკომენდაციას და შემდგომ ვიწყებთ პროექტების სწრაფ და მასშტაბურ განხორციელებას “, - აცხადებს კომპანიის დამფუძნებელი.

დამატებითი ინფორმაციისთვის დაინტერესებულ პირებს შეუძლიათ დარეკონ ნომერზე: 511 72 22 42.