მომავლის აგრონომია - ინოვაციური აგრო-სერვისი „აგრითაჩისგან“

ბიზნესი

IMEP Project სამტრედიის UEFA-ს მე-3 კატეგორიის სტადიონის სრული საინჟინრო სისტემების პროექტირებას უზრუნველყოფს

16.03.2026.17:20

ქალაქ სამტრედიაში არსებული ამორტიზებული სტადიონის ადგილზე უეფას III კატეგორიის შესაბამისი თანამედროვე საფეხბურთო სტადიონი აშენდება, რომლის სრული საინჟინრო სისტემების საპროექტო სამუშაოებს ‘’Imep Project’’ შეასრულებს.

„Imep Project’’-ის გუნდის მიერ პროექტის მომზადება განხორციელდება „UEFA’’-ს რეგულაციების სრული დაცვით, 3D მოდელირებით, Revit-ის ფორმატში.

სამუშაოები მოიცავს შემდეგ მიმართულებებს: ელექტროობა და სუსტი დენები, გათბობა-გაგრილების სისტემები, სავენტილაციო სისტემები, წყალმომარაგება და წყალარინების სისტემები, სადრენაჟო სისტემა, სახანძრო უსაფთხოების სისტემები, მოედნის ირიგაციისა და განათების სისტემები.

ახალი სტადიონი 6 000 მაყურებელზე იქნება გათვლილი და სრულად დააკმაყოფილებს საერთაშორისო სტანდარტებს. პროექტი მოიცავს ფეხბურთელების გასახდელებსა და საშხაპეებს, მსაჯების ოთახებს, სამედიცინო და ფიზიოთერაპიის სივრცეებს, დოპინგ-კონტროლის ოთახს, ასევე მედიაცენტრისა და საკონფერენციო დარბაზის მოწყობას.

სტადიონზე ასევე ინტეგრირებული იქნება თანამედროვე უსაფრთხოების, აუდიო-ვიზუალური და საინჟინრო სისტემები. ტერიტორიაზე განთავსდება ავტოსადგომები და კომერციული დანიშნულების სივრცეებიც.

პროექტის ავტორია მუნიციპალური განვითარების ფონდის მიერ ჩატარებულ კონკურსში გამარჯვებული კომპანია - შპს „გურგენიძე არქიტექტურა“.