აგვისტოში ისტორიაში პირველად მონტენეგროში პირველი ჯგუფურ ტური განხორციელდება. აღნიშნულ ტურს კი ორგანიზებას ქართული კომპანია ავიაქსელი • Avianet უწევს. როგორც Business Insider Georgia-სთან „ავიაქსელის“ დამფუძნებელმა და დირექტორმა ამირან აბესაძემ განაცხადა, თუ კი აღნიშნული პროექტი გაამართლებს და მოთხოვნა გაჩნდება, მაშინ კომპანია მზადაა, რომ სხვა ტურების ორგანიზებაც მოახდინოს.

„აგვისტოში მონტენეგროში გაქვს 20 კაციანი ჯგუფური ტური. ეს ტური გათვლილია დასვენებაზე და ჩვენი ტურისტები იქნებიან ქალაქ ბუდვაში და თუ ინდივიდუალურად მოისურვებენ, შეუძლიათ სხვა ქალაქებიც მოინახულონ. აღნიშნულ პროექტს „ავიაქსელი“ Turkish Airlines-სთან პარტნიორობით ვახორციელებთ“, - განმარტავს ამირან აბესაძე.

„ავიაქსელის“ დამფუძნებლის თქმით, მონტენეგროს მხრიდანაც სექტემბერში საქართველოში ინფო ტური გაიმართება და თუ კი საბოლოოდ აღნიშნული მიმართულება ქართველი ტურისტებისთვის მიმზიდველი იქნება, ასევე საქართველოთი მონტენეგროელი ტურისტებიც დაინტერესდებიან, მაშინ ქვეყნებს შორის ჩარტერული ფრენების დანიშვნაც განახლება. ფრენებს ევროპული ავიაკომპანია განახორციელებს.

„წელს ვაკეთებთ სატესტო ჯგუფურ ტურს. ამის შემდეგ მონტენეგროს ტურიზმის ნაციონალური სააგენტოს ორგანიზებით 15 სექტემბრიდან იგეგმება ინფო ტურის შეთავაზება ქართული კომპანიების ხელმძღვანელებისთვის, რაც გულისხმობს 5 ქალაქის უსასყიდლოდ მონახულებას, 2 დღიან დაბინავებასა და მათთვის ქვეყნის სხვა მნიშვნელოვანი ადგილების ჩვენებას სამომავლო ტურისტული მარშრუტებისათვის. მომავალი წლიდან ვეცდებით, რომ ეს პროდუქტი გავუშვათ, ანუ ჯგუფური ტურების სერია დავიწყოთ. თუ კი ნაკადი გვიჩვენებს, რომ მიმართულება იტვირთება, ამის შემდეგ ვიფიქრებთ ჩარტერებზე. ჯერჯერობით ვტესტავთ ამ მიმართულებას“. - აცხადებს ამირან აბესაძე.