მიიღე საქართველოს ბანკის სტიპენდია IT აკადემია Step-ში და დაეუფლე ახალ პროფესიას
საქართველოს ბანკი, როგორც განათლების მთავარი მხარდამჭერი ბანკი ახალგაზრდებისთვის განათლების შესაძლებლობების შექმნას განაგრძობს. სწორედ ამიტომ, მათთვის, ვისაც პროფესიის შეცვლა სურთ, ახალ პროექტს ახორციელებს და შესაძლებლობას აძლევს, მიიღონ საქართველოს ბანკის სტიპენდია 7 პარტნიორ პროფესიულ აკადემიაში და დაეუფლონ ახალ პროფესიას.
დეტალური ინფორმაციის მისაღებად ეწვიეთ ვებგვერდს.
პარტნიორ აკადემიებს შორის არის IT აკადემია STEP, სადაც ახალგაზრდებს შესაძლებლობა აქვთ, გაიარონ მათთვის საინტერესო კურსები საქართველოს ბანკის სტიპენდიით. ამისათვის, მათ 15 ოქტომბრამდე უნდა შეავსონ განაცხადი ვებგვერდზე: stipendia.bog.ge
სტიპენდიატების შერჩევა მათ მიერ გაგზავნილ აპლიკაციებსა და გასაუბრების შედეგებზე დაყრდნობით მოხდება.
IT აკადემია STEP-ში სწავლის მსურველები გაივლიან კურსებს შემდეგი მიმართულებებით: პროგრამირება, ქსელები, კიბერუსაფრთხოება, ინტერიერის დიზაინი, UI UX დიზაინი და სხვა. დეტალური ინფორმაციისთვის ეწვიეთ ვებგვერდს.
ინფორმაციისთვის, IT აკადემია STEP-ი საერთაშორისო ტრანსფორმაციული განათლების უდიდესი ცენტრია საქართველოში. სტეპში მოსწავლეები ეუფლებიან პრაქტიკაზე დაფუძნებულ, სრულფასოვან, საერთაშორისო დონის პროფესიულ განათლებას ინფორმაციული ტექნოლოგიების (IT) დარგში.
სტეპი თანამედროვე პროგრამების დანერგვით, პრაქტიკოსი ლექტორების დახმარებით და საკუთარი, ინოვაციური სასწავლო სივრცით, განათლებაზე არსებულ სტანდარტულ ხედვებს გარდაქმნის თანამედროვე აზროვნებად. სტეპის ძლიერი კარიერული ცენტრით უზრუნველყოფს მომავლის პროფესიების მაღალ დონეზე სწავლებას, სწავლის პროცესში აუცილებელი, პროფესიული HARD და SOFT უნარების გამომუშავებას, კომპიუტერულ აზროვნების ჩამოყალიბებას და სტუდენტს პირდაპირ ანაზღაურებადი სამუშაოსთვის ამზადებს.
როგორც გლობალური ლიდერი ბრენდი, IT აკადემია STEP-ი 1999 წლიდან არის მსოფლიო ბაზარზე. საქართველოში, კი უკვე 2 ქალაქში, 2 ფილიალით არის წარმოდგენილი - თბილისი და თელავი.
ამასთან, ახალგაზრდების მხარდაჭერის მიზნით, საქართველოს ბანკის CSR მიმართულებისთვის უკვე 5 წელზე მეტია განათლება პრიორიტეტია. სწორედ ამიტომ, ბანკი 40-ზე მეტ საგანმანათლებლო პროექტს ახორციელებს და უჭერს მხარს, რითაც 500 000-ზე მეტი მოსწავლისთვის, სტუდენტისა და ახალგაზრდა პროფესიონალისთვის ქმნის განათლების შესაძლებლობას. ბანკის CSR მიმართულების პორტფელი მოიცავს ისეთ საგანმანათლებლო პროექტებს, როგორებიც არის: საქართველოს ბანკის სტიპენდიები; გიორგი ჩახავას სახელობის სტიპენდია; დიდ ბრიტანეთში, აშშ-სა და გერმანიაში სწავლის სრული დაფინანსება; იდეათეკები – საქართველოს ბანკის ბიბლიოთეკების პროექტი; საქართველოს ბანკისა და კომაროვის ერთობლივი პროექტი – STEM სკოლა; საქართველოს ბანკის ოლიმპიადები მოსწავლეებისთვის: STEM ოლიმპიადა, ეკონომიკის ოლიმპიადა, Kings-ის ფინანსური განათლების ოლიმპიადა, ევერესტი. ამასთან, საჯარო მეტყველების კონკურსი, და სხვა.
საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge
დღის ტოპ 10 სიახლე
გახდი საქართველოს ბანკის სტიპენდიატი ჰედვაის აკადემიაში - დაეუფლე ახალ პროფესიას სრული დაფინანსებით
სხვა სიახლეები
13.10.2025.18:00
2026 წლის 1-ელი იანვრდან პლასტმასის დანების, ჩანგლების, კოვზების, თეფშების, ჩხირების, საწრუპების, სასმლის მოსარევების, ასევე გაფართოებული პოლისტიროლისგან დამზადებული სასურსათო კონტეინერების, მათი თავსახურების, ასევე ჭიქების და მათი თავსახურების წარმოება (გარდა ექსპორტის მიზნით), იმპორტი და ბაზარზე განთავსება იკრძალება. რეგულაცია ჯერ კიდევ დამუშავების პროცესშია და სოფლის მეურნეობისა და გარემოს დაცვის სამინისტრო მას ბიზნეს სექტორს ინტენსიურად აცნობს.
რეგულაცია ასევე შეეხება, საზოგადოებრივი კვების ობიექტებს, რომლებიც პლასტმასისგან დამზადებული ერთჯერადი სასურსათო კონტეინერების და ჭიქების საშუალებით ახდენენ მზა სურსათის მომხმარებლებისთვის მიწოდებას.
როგორც Business Insider Georgia-ს კომპანია Lunch Group-ის დირექტორმა, ნინო მელაძემ განუცხადა, სამინისტროში გამართულ შეხვედრაზე ბიზნესმა ითხოვა, რომ ახალი რეგულაცია ეტაპობრივად შევიდეს ძალაში. გარდა ამისა, მისი თქმით, აუცილებელია, გარკვეული გამონაკლისები დაწესდეს იმ იმპორტიორებისთვის, რომლებმაც პროდუქციის შეკვეთა უკვე გააკეთეს და ამას ოფიციალურად დაადასტურებენ, რათა ბიზნესს ფინანსური ზარალი არ მიადგეს.
მისივე განმარტებით, მსგავსი პროდუქტების იმპორტზე განაცხადის შეტანა და თანხის გადარიცხვა ხშირად 9 თვით ადრე ხორციელდება, რადგან პროდუქციის ტრანსპორტირებას ჩინეთიდან და მის საქართველოში ჩამოტანას ხშირად რამდენიმე თვე სჭირდება. იმპორტიორი პლასტმასის ქაღალდით ჩანაცვლების შემთხვევაში პროდუქციის გაძვირებაზეც აკეთებს განცხადებას.
„რეგულაცია პირდაპირ ეხება Lunch Group-ს, ამიტომ მოსაფიქრებელია და გადასაწყობია ყველაფერი. ჩვენი კომპანია აწარმოებს ერთჯერად ქაღალდებს და პარკებს და ახლა რა პროდუქტების აკრძალვაც იგეგმება ჩვენ იმპორტით შემოგვქონდა.
ამ ვითარებიდან გამოსავალია, რომ იგივე პროდუქტები ქაღალდის შემოვიტანოთ და პლასტმასი ქაღალდით ჩავანაცვლოთ. ამ დროისათვის არც შესაბამის მომწოდებლებზე გავსულვართ. აქამდე რა პროდუქციაც მოგვქონდა თურქეთიდან და ჩინეთიდან: თურქეთი გაცილებით კარგი ვარიანტი იყო იმ თვალსაზრისით, რომ მოკლე პერიოდში ხვდებოდა პროდუქცია საქართველოში. ჩინეთის შემთხვევაში კი პროდუქციის ტრანსპორტირებას 3-4 თვე სჭირდება. თუმცა ჩინეთიდან იმპორტი შედარებით იაფია. თუ მე ჩინეთიდან ერთ კონტეინერში 20 ათასი დოლარის პროდუქცია უნდა ჩავტვირთო, ქაღალდის შემთხვევაში მომიწევს 60 ათასი დოლარის პროდუქციის ჩადება. ეს კი დამატებით რესურსს მოითხოვს და შესაბამისად პროდუქტიც დაახლოებით 4-ჯერ გაძვირდება. თუ დღეს მე წლის ჭიქას (პლასტმასის) ვყიდი 1 თეთრად, ქაღალდის ჭიქა უკვე ეღირება 5 თეთრი.
სამინისტროში შეხვედრისას ბიზნესმა რეგულაციის ამოქმედების გადავადება ვითხოვეთ, რადგანაც პროდუქციის ჩამოტანას რამდენიმე თვე სჭირდება. ახლაც, მე შეკვეთილი მაქვს პროდუქცია, რომელიც 1-ელ იანვრამდე ქვეყანაში ფიზიკურად ვერ შემოვა, ვერ მოსწრება. ამიტომ პირადად ვითხოვე გარკვეული გამონაკლისის დაშვება, რათა შევძლოთ შეკვეთის ჩამოტანა და ბაზარზე განთავსება .სამინისტროში ამაზე სიტყვიერი თანხმობა მივიღეთ. თუმცა ის პროდუქცია, რომელიც 1-ელი იანვრის მერე ჩამომივა ჰორეკა სექტორში ვერ გავყიდი - იკრძალება, ერთადერთი გზა მრჩება, რომ მაღაზიაში შევიტანო და მომხმარებელმა მერე თვითონ გადაწყვიტოს იყიდის თუ არა. ანუ რეალურად გასაღების ბაზარიც მეზღუდება. მაღაზიაში რეალიზაცია კი რეგულაციის ამოქმედებიდან 9 თვის ვადაშია შესაძლებელი.
იმპორტიორებმა და დისტრიბუტორებმა ვითხოვეთ, რომ ტურისტული სექტორი „გადაგვატანინოს“, რადგანაც ამ სეზონზე ეს პროდუქტები ძალიან მალე ამოიყიდება“, - აცხადებს ნინო მელაძე.
როგორც სოფლის მეურნეობისა და გარემოს დაცვის სამინისტროში განმარტავენ, პლასტმასის ჭარბი მოხმარება დღეს ერთ-ერთ მნიშვნელოვან გარემოსდაცვით გამოწვევას წარმოადგენს. საქართველოში ჩატარებული კვლევის შედეგებით, ქვეყანა ყოველწლიურად დაახლოებით 612,5 მილიონ ერთეულ ერთჯერადი გამოყენების პლასტიკის ჭიქას, თავსახურს, საკვების კონტეინერს, დანას, ჩანგალს, კოვზს, ე.წ. „საწრუპს“, თეფშს და სასმლის მოსარევს მოიხმარს, რაც ჯამურად 3.9 - 5.9 ათას ტონა პლასტიკს შეადგენს.
კომპანია „ლანჩ გრუპი“ 2010 წლიდან საქართველოს ბაზარზე არის წამყვანი კომპანია, აწარმოებს სერთიფიცირებული და ხარისხიანი პროდუქციის იმპორტს. ორიენტირებულია ჯანმრთელობისათვის უსაფრთხო პროდუქციის შესყიდვაზე. აქტიურად მუშაობს ბიო-დეგრადირებადი პროდუქციის იმპორტზე.
მსოფლიოს თითქმის ყველა ქვეყანაში გვყავს პარტნიორები, რაზეც მეტყველებს პროდუქციის მრავალფეროვანი ასორტიმენტი.
საქართველოს ბაზარზე ჩვენი პარტნიორები არიან: კარფური, ტკბილი ქვეყანა, სანდომი, ფუდმარტი, იფქლი, ზღაპარი, ლიტვური საცხობი, ბარამბო, ნიკორა, ფრესკო, ბორჯომი, სასმელი წყალი სნო.