ქართული ნაციონალური ბალეტი „სუხიშვილები“ ჩვენი ქვეყნის გამორჩეული ბრენდი და ქართული კულტურის ამბასადორი, არსებობის 80 წლის იუბილესთან დაკავშირებით, მასშტაბურ ტურნეს მართავს. ქართული ცეკვის ბრწყინვალე ფენომენი ამერიკის შეერთებულ შტატებსა და კანადაში მაყურებელს დაუვიწყარ სანახაობას შესთავაზებს.

ჩრდილოეთ ამერიკის უმსხვილეს ქალაქებში გამართული საიუბილეო კონცერტების მთავარი მხარდამჭერი და ტურის გენერალური სპონსორი სამშენებლო-დეველოპერული კომპანია „იელთი ჯგუფი“ არის.

„იელთისთვის“ უდიდესი პატივია აღნიშნული ტურნეს სპონსორობა. კომპანიისთვის პრიორიტეტულია იმ ფასეულობების მხარდაჭერა, რომლებიც საქართველოს მსოფლიო რუკაზე პოზიციონირებას უწყობს ხელს, აძლიერებს ჩვენი ქვეყნის ცნობადობას და მომავალ თაობებს ეროვნულ ტრადიციებს უნარჩუნებს.

რვა ათწლეულის განმავლობაში „სუხიშვილების“ სახელი მსოფლიო მასშტაბით იქცა ქართული სულის, ენერგიისა და კულტურის სინონიმად. თითოეული კონცერტი უცხოეთში უპრეცედენტო აჟიოტაჟითა და ანშლაგით იმართება, ხოლო საიუბილეო ტურნე კიდევ ერთი დასტურია იმისა, რომ ანსამბლის ხელოვნება და ოსტატობა მუდამ მოწოდების სიმაღლეზეა.

ტურის განრიგი ჩრდილოეთ ამერიკაში მოიცავს შემდეგ ქალაქებს:

• ლოს-ანჯელესი - 11 ოქტომბერი

• სან-ფრანცისკო - 14-15 ოქტომბერი

• ტორონტო - 22-23 ოქტომბერი

• ნიუ-იორკი - 24-25 ოქტომბერი

• ვაშინგტონი - 28 ოქტომბერი

• მაიამი - 30 ოქტომბერი - 1 ნოემბერი

ქართული ნაციონალური ბალეტი „სუხიშვილები“ და „იელთი ჯგუფი“ დაუვიწყარი მოგონებების შესაქმნელად გელოდებათ!