მესტიაში 2 დღიანი კულინარიული ფესტივალი ,,გემო ფესტი“ დასრულდა

ბიზნესი

Lion Finance Group-ის შვილობილი Ameriabank სომხეთის საუკეთესო ბანკად დასახელდა

27.03.2026.21:16

Lion Finance Group-ის შვილობილი Ameriabank სომხეთის საუკეთესო ბანკად დასახელდა Global Finance-ის მიერ, მისი 33-ე ყოველწლიური „მსოფლიოს საუკეთესო ბანკების“ დაჯილდოების ფარგლებში. გამარჯვებული 23 ბანკი შეირჩა თითქმის 150 ქვეყანაში და ტერიტორიაზე, ისეთი კრიტერიუმების გათვალისწინებით, როგორიცაა აქტივების ზრდა, მომგებიანობა, გეოგრაფიული გაფართოება, სტრატეგიული პარტნიორობები, ბიზნესის განვითარება და ინოვაცია. ასევე გათვალისწინებული იყო აქციების ანალიტიკოსების, საკრედიტო რეიტინგების ანალიტიკოსების, საბანკო კონსულტანტებისა და ინდუსტრიაში ჩართული სხვა პროფესიონალების მოსაზრებები.

Global Finance-ის მიხედვით, წლევანდელი გამარჯვებულები არიან ის ბანკები, რომლებმაც რთულ საბაზრო პირობებში ყურადღებით უპასუხეს მომხმარებელთა საჭიროებებს, მიაღწიეს ძლიერ შედეგებს და ამავე დროს შექმნეს საფუძველი მომავალი წარმატებისთვის. ჟურნალი ხაზს უსვამს, რომ გამარჯვებულმა ორგანიზაციებმა ეფექტიანად მართეს აქტივები და ვალდებულებები ტარიფებთან და გლობალურ ვაჭრობასთან დაკავშირებული მუდმივი გაურკვევლობის ფონზე.

აღსანიშნავია, რომ Ameriabank-მა, როგორც Lion Finance Group-ის ნაწილი, უკვე ოფიციალურად შეუერთდა FTSE 100 ინდექსს, მსოფლიოს ერთ-ერთი წამყვანი ბირჟის London Stock Exchange-ის ფარგლებში, 2026 წლის 20 მარტს ბაზრის დახურვის შემდეგ. ცვლილება ძალაში შევიდა 2026 წლის 23 მარტს.

MAIZEN მომხმარებელს სააღდგომო კოლექციას სთავაზობს, სადაც გემო და ხელოვნება ერთ ისტორიად ერთიანდება 27.03.2026.21:10