„მაგნუს დაზღვევა“ მომხმარებელს ახალ პროდუქტს სთავაზობს. ამის შესახებ, Business Insider Georgia - ს კომპანიის აღმასრულებელმა დირექტორმა მაია კახიანმა განუცხადა. მისივე თქმით, ეს არის სავალდებულო ავტოდაზღვევა, რომელიც მოქმედებს თურქეთის ტერიტორიაზე.

„კომპანია მომხმარებლებს ახალ პროდუქტს სთავაზობს - სავალდებულო ავტოდაზღვევას, რომელიც მოქმედებს თურქეთის ტერიტორიაზე. ეს დაზღვევა აუცილებელია ყველა იმ სატრანსპორტო საშუალებისთვის, რომელიც შედის თურქეთის ტერიტორიაზე, რადგან ქვეყანაში მოქმედი კანონმდებლობის თანახმად, აღნიშნული დაზღვევის გარეშე იქ გადაადგილება შეუძლებელია.
მსგავსი დაზღვევის აუცილებლობა განსაკუთრებულად აქტუალური გახდა, რადგან ბოლო წლების განმავლობაში საქართველოს მოქალაქეები, როგორც კერძო პირები, ასევე სატრანსპორტო კომპანიები ხშირად გადაადგილდებიან თურქეთის მიმართულებით. განსაკუთრებულად დიდია მოთხოვნა აღნიშნულ პროდუქტზე აჭარის რეგიონში, სადაც თურქეთის მიმართულებით სატრანსპორტო მიმოსვლა განსაკუთრებით ინტენსიურია.

„მაგნუს დაზღვევა" აქამდე მომხმარებლებს სთავაზობდა ე.წ. „მწვანე ბარათს", რომელიც სავალდებულოა როგორც თურქეთში, ასევე ევროპის ქვეყნებში გადაადგილებისას. თუმცა იმის გათვალისწინებით, რომ ბევრ ადამიანს სჭირდება დაზღვევა მხოლოდ თურქეთის მიმართულებით, კომპანიამ მიიღო გადაწყვეტილება შეეთავაზებინა სპეციალურად თურქეთისთვის მორგებული პროდუქტი, რომლის ფასიც ბევრად უფრო ხელმისაწვდომი იქნებოდა.

აღნიშნული პროდუქტი განკუთვნილია შემდეგი კატეგორიებისათვის:

• ფიზიკური პირებისთვის
• სატრანსპორტო კომპანიებისთვის
• ავტობუსების მძღოლებისთვის
• ნებისმიერი ტიპის სატრანსპორტო საშუალების მფლობელებისთვის

პროდუქტის ერთ-ერთ მთავარ უპირატესობა ხელმისაწვდომი ფასია. მსუბუქი ავტომობილის შემთხვევაში ერთ თვიანი დაზღვევა მომხმარებელს მხოლოდ 50 ლარი დაუჯდება. ამას ემატება მომსახურების კომფორტი - დაზღვევის შეძენა სრულად ონლაინ რეჟიმშია შესაძლებელი, რაც განსაკუთრებით მოსახერხებელია “, - აცხადებს მაია კახიანი.

ცნობისთვის, სადაზღვევო კომპანია „მაგნუსი“ საქართველოში 2016 წლიდან ოპერირებს. წლის ბოლომდე კომპანია მომხმარებლისთვის კიდევ ბევრ საინტერესო სიახლის შესთავაზებას გეგმავს.