ლუდისა • Ludisa-ს ექსპორტს განვიხილავთ, თუმცა ჯერჯერობით კონცენტრაცია ქართული ბაზრის ათვისებაზე გაქვს, - ამის შესახებ Business Insider Georgia-სთან „ლუდისას“ კომერციულმა დირექტორმა ირაკლი ქურდაძემ განაცხადა.

ქართულ ბაზარზე პრემიუმ ხარისხის ჩიფსი რამდენიმე თვის უკან გამოჩნდა.

„გვინდა, რომ სხვადასხვა ქსელებში შეძლებისდაგვარად შევიდეთ, რათა მომხმარებელს ჰქონდეს საშუალება მასთან ახლოს „ლუდისა“ დახლზე ნახოს და ამის შემდეგ იქნება გეგმაში, რომ ექსპორტზეც დავიწყოთ მუშაობა“, - აღნიშნა ირაკლი ქურდაძემ.

აღსანიშნავია, რომ „ლუდისა“ რამდენიმე სუპერმარკეტის ქსელში უკვე წარმატებით იყიდება.
„ლუდისა“ პრემიალური სეგმენტისთვის შექმნილი პროდუქტია. ეს არის ტალღოვანი ჩიფსი. „ლუდისას“ წარმოებისთვის განსხვავებულია ნედლეულიც, რადგანაც ბევრად უკეთესი და უმაღლესი ხარისხის კარტოფილი გამოიყენება და სხვა ჯიშის კარტოფილი, განსხვავებით რეგულარული ჩიფსებისგან. შესაბამისად ხარისხი, გემო, შეფუთვა და ასე შემდეგ ამ პროდუქტისთვის ძალიან მნიშვნელოვანია. დღეისათვის „ლუდისა“ შესულია „კარფურში“, „აგროჰაბში“, „სპარის“ და „დეილის“ ობიექტებში და ასევე სპეციალიზებულ ლუდის ჩამოსასხმელ ობიექტებში. „ლუდისა“ ასევე წარმოდგენილია სხვადასხვა უბნის მაღაზიებში“, - განმარტავს „ლუდისას“ კომერციული დირექტორი.

კომპანიის მენეჯმენტის განმარტებით, მიუხედავად იმისა, რომ „ლუდისა“ ბაზარზე ახალი მოთამაშეა, მან მოახერხა და დახლზე წარმატებით გაუწია კონკურენცია უცხოურ ბრენდებს.

„ლუდისას“ დისტრიბუცია მარტის პირველი რიცხვებიდან დავიწყეთ. თუ შევხედავთ კონკრეტულ ობიექტზე, სადაც წარმოდგენილი იყო „ლუდისა“ და ავიღებთ თვიურ ჭრილს, მან სერიოზული კონკურენცია გაუწია იმპორტირებულ ჩიფსებს, მათ შორის „ლეისსაც“ და სხვა უცხოური დასახელების პრემიალური სეგმენტის ჩიფსებს.

ჩვენ ფასს საერთოდ არ ვაქცევთ ყურადღებას, ვამბობთ, რომ არავის კონკურენტები არ ვართ. ჩვენ გაქვს უმაღლესი ხარისხი და გემო. მარკეტინგული აქტივობაც ისე გაქვს აწყობილი, რომ ვქმნით იმ სეგმენტს ვისთვისაც საინტერესო შეიძლება იყოს „ლუდისა“, - აცხადებს კომპანიის კომერციული დირექტორი.

ამ ეტაპზე ლუდისა ბაზარზე წარმოდგენილია სამი სახეობით: მარილიანი, პომიდვრის სალსა, რომელიც ახალი გემოა ქართული ბაზრისთვის და ასევე, ხახვისა და არაჟნის არომატით.