LoveStars -ი 2025 წელსა და სამომავლო გეგმებზე
2025 წლის დასაწყისი საკმაოდ რთული იყო ჩვენი ბრენდისთვის. მიუხედავად ამისა მთელი წლის განმავლობაში ვაგრძელებდით მუშაობას და განვითარებას , - ამის შესახებ, Business Insider Georgia - ს LoveStars - ის თანადამფუძნებელმა, სალი სულთანიშვილმა განუცხადა.
„2025 წლის დასაწყისი საკმაოდ რთული იყო ჩვენი ბრენდისთვის. მიუხედავად ამისა, მთელი წლის განმავლობაში ვაგრძელებდით მუშაობას და განვითარებას. ვცდილობდით არ გავჩერებულიყავით და მომხმარებლისთვის შეგვეთავაზებინა სხვადასხვა სიახლეები. ვფიქრობთ რომ ეს შევძელით და 2025 წელს ძალიან ჯადოსნური ამბით ვასრულებთ, რაც საშუალებას გვაძლევს ჩვენი მომხმარებლების ახალი წელი კიდევ უფრო ჯადოსნური და ფერადი გავხადოთ “, - ამბობს სალი სულთანიშვილი.
2026 წელს ბრენდი კოლექციების განვითარებასა და ბაზრის გაფართოებას გეგმავს.
„2026 წელს ყურადღებას გავამახვილებთ კოლექციების განვითარებაზე, დიზაინის მრავალფეროვნებასა და ბაზრის გაფართოებაზე. ასევე განვიხილავთ ახალი მიმართულებების დამატებას და ბრენდის პოზიციონირების კიდევ უფრო გამყარებას. ფოკუსს გავაკეთებთ ციფრულ განვითარებაზე, ამ ეტაპზე აქტიურად ვმუშაობთ ვებ-გვერდის შექმნაზე, რაც მოგვცემს შესაძლებლობას ბრენდი კიდევ უფრო ხელმისაწვდომი გავხადოთ, როგორც ადგილობრივი ასევე საერთაშორისო აუდიტორიისთვის “, - აღნიშნავს კომპანიის თანადამფუძნებელი.
ცნობისთვის, LoveStars-ის მაღაზიები თბილისში, დიმიტრი ბაქრაძის ქუჩა N22-სა და ირაკლი აბაშიძის ქუჩა N33-ში მდებარეობს. მაღაზიები ორშაბათიდან შაბათის ჩათვლით, 11:00-დან 19:00 საათამდე მუშაობს.
დღის ტოპ 10 სიახლე
სხვა სიახლეები
როგორ აფასებს Marblue 2025 წელს და როგორია ბრენდის სამომავლო გეგმები
07.01.2026.18:00
წინა წლებთან შედარებით მოთხოვნა საკმაოდ გაიზარდა. შევიძინეთ ძალიან ბევრი ერთგული მომხმარებელი , - ამის შესახებ Business Insider Georgia-ს ხელნაკეთი სამკაულების მწარმოებელი ბრენდის „მარბლუს“ დამფუძნებელმა, მარიამ ლომინაძემ განუცხადა.
„წინა წლებთან შედარებით მოთხოვნა საგრძნობლად გაიზარდა. შევიძინეთ მრავალი ერთგული მომხმარებელი, რომლებიც თითქმის ყოველ თვე სხვადასხვა ნივთს იძენენ. მათი საჩუქრები უკვე ერთგვარ ნიშად იქცა - ყველას ადვილად შეუძლია იცნოს, ვისგან არის.
წინა წლებთან შედარებით მოხოვნა საკმაოდ გაიზრდა. შევიძინეთ ძალიან ბევრი ერთგული მომხმარებელი, რომლებიც თვე არ გადის რამე რომ არ შეიძინონ და მათი საჩუქრები ერთგვარი ნიშასავით არის და ყველა ხვდება ვინ ჩუქნის.
ეს სტილი მხოლოდ ჩვენ გვაქვს და არავის სხვას საქართველოში.
მოთხოვნა სტაბილურად მზარდია და ჩვენი მიზანია მომხმარებლებს კიდევ უფრო მეტი სიახლე და გაფართოებული ასორტიმენტი შევთავაზოთ. ასევე გვინდა ფიზიკური სივრცის გახსნა, სადაც მომხმარებლებს ადგილზე შეეძლებათ მოსვლა და პროდუქციის დათვალიერება. პარალელურად, ვგეგმავთ მარკეტინგის უფრო პროფესიონალურ დონეზე განვითარებას, განსაკუთრებით სოციალური მედიის მიმართულებით, და გვჯერა, რომ ეს კიდევ უფრო უკეთეს შედეგს გამოიღებს “, - აცხადებს მარიამ ლომინაძე.
ცნობისთვის, აქსესუარები მზადდება ინდივიდუალური შეკვეთით და შეძენა შესაძლებელია ონლაინ Instagram ან Facebook გვერდის მეშვეობით. გარდა ამისა, თბილისის აეროპორტში მდებარე ერთ-ერთ მაღაზიაში. ასევე პროდუქცია ხელმისაწვდომია Gifthub.ge -ზე.
