Le Méridien Batumi, Marriott International-ის პრემიუმ ბრენდი, ზაფხულის ტურისტულ სეზონს აჭარაში გამორჩეული აქტივობითა და მაღალი დატვირთულობით ხვდება. სასტუმრო უკვე მყარად არის პოზიციონირებული როგორც ერთ-ერთი ყველაზე მოთხოვნადი განთავსების ობიექტი როგორც ადგილობრივი, ისე საერთაშორისო ტურისტებისთვის.

მზარდი მოთხოვნა და დივერსიფიცირებული ბაზარი

როგორც სასტუმროს გაყიდვების დირექტორი ნონა შოთაძე Business Insider Georgia-სთან განმარტავს, ბათუმი დღეს უკვე ოთხსეზონიანი ტურისტული დანიშნულების ადგილი გახდა, რასაც მოწმობს სასტუმროს მაღალი დატვირთულობა მთელი წლის განმავლობაში.

„ძალიან აქტიური საზღვაო ტურისტული სეზონი გვაქვს. წლის ბოლომდე ვიზიტორთა რაოდენობა სავარაუდოდ 5 მილიონს გადააჭარბებს. უკვე 1.4 მილიონზე მეტია. 42%-ით გაზრდილია საერთაშორისო ფრენები, რაც პირდაპირ აისახება სასტუმროების დატვირთულობაზე“, 

Le Méridien Batumi სტუმრებს მასპინძლობს როგორც ადგილობრივი ბაზრიდან, ასევე საერთაშორისო ტურისტებიდან – განსაკუთრებით ისრაელიდან, თურქეთიდან, გალფის ქვეყნებიდან და ა.შ. 

საერთაშორისო აღიარება და ჯილდოები

Le Méridien Batumi თავისი მაღალი სტანდარტებითა და ინოვაციური მიდგომებით არაერთი მნიშვნელოვანი ჯილდოს მფლობელი გახდა, რაც კიდევ ერთხელ ადასტურებს მის ხარისხს და ბრენდის გლობალურ რეპუტაციას.

Georgia’s Leading Hotel 2023 – გამარჯვებული კატეგორიაში საქართველოს წამყვანი სასტუმრო, World Travel Awards

Georgia’s Leading Hotel 2024 – კვლავ აღიარებულია ქვეყნის საუკეთესო სასტუმროდ, World Travel Awards

Golden Brand Award – პრემიუმ მომსახურების, მაღალი სტანდარტისა და მომხმარებელთა ერთგულების აღიარება, როგორც ბათუმის საყვარელი ზღვისპირა სასტუმრო
 

ინოვაციური სერვისები და ინტერიერის დიზაინი

Le Méridien Batumi-ის წარმატების საფუძველი მისი უნიკალური შეთავაზებები და ღირებულებებზე ორიენტირებული მომსახურებაა:

• 105 ოთახი, რომელთა 80%-ს აქვს აივანი ზღვის ან ქალაქის ხედით
• შიდა და გარე აუზები, სრულად აღჭურვილი სპა და ფიტნესცენტრი
• ორიგინალური რესტორნები – ქართული და საერთაშორისო მენიუთი
• რეგიონში გამორჩეული საკონფერენციო სივრცე ზღვისა და ქალაქის ხედებით (12-ე სართულზე)
• კულტურულ-შემოქმედებითი ღონისძიებები: არტ-გამოფენები, ცოცხალი მუსიკა, სახელოვნებო აქტივობები ლობიში
• ექსკლუზიური შესაძლებლობა სტუმრებისთვის – უფასო შესვლა ბათუმის მუზეუმებში.

„ეს არის ადგილი, სადაც დასვენება ემოციად იქცევა. ჩვენი სტუმრებისთვის განტვირთვა ხელოვნებასა და მაღალი კლასის კომფორტში ინაცვლებს,“ – განმარტავს შოთაძე.

 ზრდადი ტურისტული მაჩვენებლები და ეკონომიკური გავლენა

აჭარის ტურიზმის ზრდა უკვე აისახა სასტუმრო სექტორის შედეგებზე:

• ზაფხულის სეზონზე საშუალო ღამისთევის ხანგრძლივობა 4-5 ღამემდე გაიზარდა;
• დატვირთულობა 70-80%-ს აჭარბებს, განსაკუთრებით აგვისტოსთვის;
• ფასები სეზონურად მორგებულია ბაზრის მოთხოვნაზე, რაც აძლიერებს შემოსავლიანობას;
• აქტიური ღონისძიებები და ფესტივალები ზრდის რეგიონის მიმზიდველობას;

აჭარაში, ზღვის ტურიზმთან ერთად, მკვეთრად იზრდება მთის ტურიზმიც სადაც 25-ზე მეტი მარშუტია მიმდინარე წელს– ბოტანიკური ბაღი, დაცული ტერიტორიები, ჩანჩქერები და კულტურული ძეგლები უკვე ტურისტული მარშრუტების ნაწილი გახდა.

სასტუმროს განსაკუთრებული მიდგომა სერვისზე და დეტალებზე ორიენტაცია არის ის, რაც მას გამოარჩევს. დიზაინი სეზონურად იცვლება – ფერები, ინტერიერი და განწყობა, რაც სტუმრებს ყოველი ვიზიტისას ახალ გამოცდილებას სთავაზობს.

ასევე, სასტუმროს გამორჩეული ელემენტია ბრენდის ექსკლუზიური ქანდაკება – "დაბადება", რომელიც არქიტექტურულადაც ქმნის ემოციურ კავშირს.

"ეს არის ადგილი, სადაც დასვენება ემოციად იქცევა. აქ ადამიანი არ მხოლოდ კომფორტს, არამედ შთაგონებას იღებს,"

მცირე დროში Le Meridien Batumi გახდა ერთ-ერთი ყველაზე მოთხოვნადი სასტუმრო საქართველოში,  რომელიც არა მხოლოდ ადგილობრივ მოთხოვნას პასუხობს, არამედ ღირსეულად წარადგენს ქართულ ტურიზმს გლობალურ რუკაზე.

სწორედ ამიტომ არის Le Meridien Batumi დღეს ბათუმის ტურიზმის ეპიცენტრში – იქ, სადაც კომფორტი, ხელოვნება და ბიზნესმიმზიდველობა ერთიანდება.