თბილისიდან სულ რაღაც 25 კილომეტრში, ტყის პირას, კიკეთის ფერმა დედაქალაქისგან მოწყვეტის, ბუნებასთან სიახლოვისა და სუფთა ჰაერზე დასვენების მსურველებს უკვე ორ წელზე მეტია, მასპინძლობს. თუმცა ფერმის ისტორია წინასწარ გამზადებული ბიზნეს გეგმით არ დაწყებულა – ყველაფერი ერთმა ადამიანურმა სურვილმა განაპირობა:

„ფერმის იდეა დაიბადა ფიქრიდან, ჩვენს ოჯახებთან ერთად, თბილისთან ახლოს, დრო სასიამოვნოდ და საინტერესოდ გაგვეტარებინა. ვფიქრობთ, შევძელით ამ სურვილის ასრულება — დღეს არა მარტო ჩვენ, არამედ ნებისმიერი ასაკის ადამიანს შეუძლია იპოვოს საინტერესო აქტივობა ფერმაში“, – ამბობს ანა მოსიაშვილი, კიკეთის ფერმის სახელოსნოს თანადამფუძნებელი და კრეატიული დირექტორი.

ფერმა წლიდან წლამდე განვითარდა და მულტიფუნქციურ, სარეკრეაციო, კულტურულ-საგანმანათლებლო სივრცედ გადაიქცა. აქ, ბუნებასთან ჰარმონიაში ერთდროულად ფუნქციონირებს მარანი, სახელოსნოები, თავლა, ოდა სახლების კომპლექსი, კაფე და სხვა ფერად-ფერადი, შთამაგონებელი სივრცეები. მართალია, ფერმა განვითარდა, თუმცა მისი ფილოსოფია უცვლელი დარჩა – რაც გარემოს პატივისცემით, ეკოტურიზმის ხელშეწყობითა და ადამიანების, განსაკუთრებით კი — ბავშვების ბუნებასთან დაახლოებით გამოიხატება.

„ჩვენ ყველაფერი საკუთარი ხელით შევქმენით, არავისთვის დაგვიკვეთავს ფერმის აშენება წინასწარ გამზადებული გეგმით. რაც მთავარია, დღესაც ვცდილობთ, ასე მივყვეთ პროცესს“, – ამბობს ანა და ამატებს: „როდესაც საკუთარი საქმე გიყვარს და სრულად ხარ მასში ჩართული, მომხმარებელიც უფრო მეტ სიამოვნებას იღებს და ჩვენგან დადებითი ენერგიით ბრუნდება სახლში.“

ფერმა განსაკუთრებულად ოჯახურ გამოცდილებაზეა ორიენტირებული. „ჩვენი სისტემა ოჯახებზეა მორგებული. ფერმაში როგორც ბავშვებს, ისე ზრდასრულებს არაერთ საინტერესო აქტივობაში ჩართვა შეუძლიათ.თუმცა, კიდევ ბევრი სურვილი და მიზანი გვაქვს ამ კუთხით და ნელნელა, იმედია, ყველაფერს მოქმედებაში მოვიყვანთ”, — ამბობს ანა.

ამ იდეის გაგრძელებაა 1 ივნისს, ბავშვთა დაცვის დღესთან დაკავშირებული ინიციატივა — კიკეთის ფერმა საქართველოს ბანკის კამპანიას შეუერთდა და Ads მენეჯერით ოჯახებისთვის სპეციალური შეთავაზებები შექმნა.

„ყოველი დღე ბავშვებს ეკუთვნით, თუმცა პირველ ივნისს განსაკუთრებით ავღნიშნავთ ხოლმე. საქართველოს ბანკი ყოველთვის გამოირჩევა საინტერესო პროექტებით, შესაბამისად, გადავწყვიტეთ, ბავშვებს ზღაპრული დღე ერთად შევუქმნათ ”, — ამბობს ანა.

ფერმამ Ads მენეჯერით sCool Card-ის მფლობელებისთვის 30%-იან ქეშბექის (მაქსიმუმ 20 ლარამდე), ხოლო PLUS მომხმარებლებისთვის 20%-იან ქულების ქეშბექის (მაქსიმუმ 25 ლარამდე) შეთავაზებები შექმნა, ხარჯებს კი სრულად ბანკი აფინანსებს.

Ads მენეჯერი საქართველოს ბანკის ციფრული პლატფორმაა, რომელიც ბიზნესებს აძლევს შესაძლებლობას, შექმნან შეთავაზებები და გამოაქვეყნონ ისინი ბანკის მობილბანკში, sCoolApp-ში და offers.bog.ge-ზე – 1.6 მილიონამდე მომხმარებლისთვის. 

„ვფიქრობთ, რომ ამ შეთავაზებით მეტ ადამიანს დავაინტესებთ. ისინი უფრო ახლოს ეზიარებიან ხელოვნებას და შეიგრძნობენ ბუნების ძალას, რაც ყოველთვის მნიშვნელოვანია ჯანსაღი გარემოს შესაქმნელად“, – ამბობს ანა.

ფერმაში 1 ივნისს რამდენიმე განსაკუთრებული აქტივობაა დაგეგმილი – კერამიკის ვორკშოფი, არქეოლოგიური პროგრამა მოზარდებისთვის და ჭილოფის ქუდების გაფორმების ვორკშოპი ბავშვებისა და უფროსებისთვის. როგორც ანა ამბობს, „ფანტაზიას საზღვარი არ აქვს და 3 წლიდან ზემოთ ნებისმიერი მსურველი, ბავშვი თუ დიდი, შეძლებს საკუთარი ქუდი გააფორმოს”.

რაც მთავარია, კიკეთის ფერმა მომავალშიც განვითარდება. „ჩანაფიქრი დიდია, მთავარია, შევძლოთ საკუთარი ძალებით განხორციელება. თუმცა მჯერა, როცა გულით მოინდომებ და იშრომებ, ყველაფერი გამოვა”, — დასძენს ანა.