კონკრეტულ ბრენდებზე გამოცხადებული ფასდაკლება პირდაპირპროპორციულად აისახება კომპანიაზეც, - ამის შესახებ Business Insider Georgia-სთან საერთაშორისო ამანათების გადამზიდავი კომპანია ONEX-ის საქართველოს ოფისის მარკეტინგის მენეჯერმა მარიამ ადამიამ განაცხადა.

კომპანიის წარმომადგენელი განმარტავს, რომ გაზაფხულის პერიოდში ამანათების გამოწერის მაჩვენებელი იზრდება.

„ONEX-ის სტატისტიკას თუ დავეყრდნობით, ზაფხულის პერიოდში საბერძნეთიდან გამოწერები ორმაგდება, როდესაც Inditex-ის ჯგუფში შემავალ ბრენდებზე 70-80%-იანი ფასდაკლებები ცხადდება. რასაც ვერ ვიტყვი მაისზე, რომელიც ჩვენს შემთხვევაში სტანდარტულად მზარდია, განსაკუთრებით მარტი-აპრილის მონაცემებთან შედარებით. თუმცა ამასაც თავისი ახსნა აქვს. მაისის ბოლოს ადამიანები აქტიურად იწერენ, რადგან ემზადებიან ზაფხულისთვის და გარდერობს აახლებენ, თუმცა ამ კუთხით ლიდერი მაინც აგვისტოს პერიოდი რჩება და მოლოდინებიც შესაბამისი გვაქვს. კონკრეტულ ბრენდებზე გამოცხადებული ფასდაკლება პირდაპირპროპორციულად აისახება კომპანიაზეც. ხოლო იმისათვის, რომ მომხმარებლებს სიახლეები და ფასდაკლებები არ გამორჩეთ, ჩვენ მთელი მსოფლიოს მასშტაბით ყველაზე მოთხოვნად ბრენდებს ვადევნებთ თვალს ყოველდღიურ რეჟიმში და მათ ვუზიარებთ ინფორმაციას - აქციებს/პრომოკოდებს ჩვენი Telegram არხის საშუალებით“, - განმარტავს მარიამ ადამია.

ONEX-ის საქართველოს ოფისის მარკეტინგის მენეჯერის თქმით, კომპანიის მაგალითზე საბერძნეთიდან ამანათების სტატისტიკას, ის ყოველწლიურად მზარდია, „თუმცა ჩვენს მთავარ მიმართულებად რჩება ისევ ჩინეთი და აშშ, რომელიც უკონკურენტოა, ამანათების რაოდენობის კუთხით“.

ONEX საერთაშორისო გადამზიდი კომპანიაა, რომელიც მსოფლიოს ბაზარზე 2015 წლიდან ოპერირებს, ხოლო საქართველოში შვილობილი კომპანია ოფიციალურად, 2023 წლის 5 მაისს ა.ყაზბეგის 19ბ - ში გაიხსნა. კომპანიის ორი მთავარი უპირატესობა, რითაც საერთაშორისო ბაზარზე და ახლა უკვე საქართველოშიც, კონკურენტებისგან გამოირჩევა არის ინოვაციურობა და სისწრაფე.
ONEX-ი მრავალ ინოვაციურ IT გადაწყვეტილებას სთავაზობს მომხმარებლებს. კომპანიის IT გუნდმა სპეციალურად საქართველოს ბაზრისთვის შექმნა ინოვაციური და ძალიან ადვილად გამოსაყენებელი მობაილ აპლიკაცია - Onex Georgia და ვებ-გვერდი - Onex.ge, სადაც მომხმარებელს ძალიან მარტივად შეუძლია მიიღოს ინფორმაცია.
ONEX - ის კიდევ ერთი მნიშვნელოვანი მიმართულებაა Customer Support, კომპანიის IT გადაწყვეტილებებით მომხმარებლებს ყველანაირი საკომუნიკაციო არხის მეშვეობით, ლაივ რეჟიმში შეუძლიათ მიიღონ მხარდაჭერა და კითხვებზე პასუხი, როგორიცაა სოციალური არხების ლაივ ჩათი, ჩათ ბოტი, სოციალური ქსელების ინბოქსი და ქოლ-ცენტრი.
ONEX - ის მომხმარებლებს შეუძლიათ ონლაინ იშოპინგონ ისეთ ცნობილ მაღაზიებში, როგორებიცაა Amazon, Ralph Lauren, Victoria’s Secret, ebay, Taobao, Pinduoduo, Inditex Group-ში შემავალი მაღაზიები და სხვა.
ONEX - ის მნიშვნელოვანი სმარტ გადაწყვეტილებაა ასევე ავტომატიზებული გამცემი პუნქტი ე.წ Smart Wall, საიდანაც მომხმარებელს შეუძლია ბარკოდის გამოყენებით ძალიან მარტივად მიიღოს ამანათები.
მონაცემთა ანალიზის საშუალებით, Smart Wall-ს შეუძლია ესაუბროს მომხმარებელს, გააცნოს კომპანიის ახალი სერვისები, მისცეს რჩევები და ა.შ.