გამოფენამ ყველანაირ მოლოდინს გადააჭარბა და ბევრი პოტენციური კლიენტის დაინტერესება შევძელით - კომპანია „კამპას“ წარმომადგენელი
შანხაიში მიმდინარე ჩინეთის საერთაშორისო იმპორტის გამოფენაზე საქართველო სამი პავილიონითაა წარმოდგენილი, საიდანაც ერთი მათგანი მხოლოდ სურსათისა და სასმელების მწარმოებლების პროდუქციას უკავია. მათ შორის, ნატურალური წვენების მწარმოებელი კომპანია „კამპა“, რომელიც ჩინეთის ბაზარზე საკუთარი პოზიციების გამყარებას გეგმავს.
„გამოფენამ ყველანაირ მოლოდინს გადააჭარბა. ბევრი პოტენციური კლიენტი გავიცანით, რაც ძალიან გვახარებს და გვაიმედებს, რომ ჩვენი ბიზნესი შეიძლება მეტად განვითარდეს ჩინეთში. ჩინური ბაზარი საკმაოდ საინტერესოა. განსაკუთრებით მნიშვნელოვანია ბრენდის ცნობადობის გასაზრდელად“, - განაცხადა კომპანია „კამპას“ წარმომადგენელმა ანი ბახუტაშვილმა.
შანხაის საერთაშორისო იმპორტის გამოფენაზე China International Import Expo (CIIE) საქართველო საპატიო სტუმარი ქვეყნის სტატუსით მონაწილეობს. ღონისძიებაში 40-მდე ქართული კომპანია მონაწილეობს, რაც მათ საშუალებას აძლევს ასეულობით ათას ვიზიტორს გააცნონ ქართული პროდუქცია, კულტურა, ღვინო და გასტრონომია. საქართველო China International Import Expo-ზე უკვე მერვედ არის წარმოდგენილი. გამოფენაში საქართველოდან მეწარმეებისა და მათი პროდუქციის წარმოდგენას სააგენტო „აწარმოე საქართველოში“, ტურიზმის ეროვნულ ადმინისტრაციასა და ღვინის ეროვნულ სააგენტოსთან ერთად, უწევს ორგანიზებას.
დღის ტოპ 10 სიახლე
სხვა სიახლეები
ახალი ბრენდები და ინოვაციური მაღაზიის კონცეფციები - ისთ ფოინთი მომხმარებელს განახლებულ შოპინგ-გამოცდილებას სთავაზობს
11.12.2025.16:00
წელს ისთ ფოინთი ახალ წელს განსაკუთრებულად ხვდება.
12 დეკემბერს, 10:00 საათიდან ისთ ფოინთი სტუმრებს ახალ სივრცეში უმასპინძლებს, რითიც მათი შოპინგ-გამოცდილება კიდევ უფრო მრავალფეროვანი და სასიამოვნო გახდება. ადგილზე მოსულ სტუმრებს, დახვდებათ ახალი ბრენდები და სრულიად ახალი მაღაზიის კონცეფციები.
განახლებული სივრცის გახსნას თან ახლავს საახალწლო სეზონის დასაწყისიც.
12 დეკემბერს, 19:00 საათზე, ისთ ფოინთის მთავარი ნაძვის ხე საზეიმოდ აინთება.
ახალი წლის მოახლოებასთან ერთად, ისთ ფოინთი ტრადიციულად საახალწლო დღეების ათვლას ნაძვის ხის ანთებით იწყებს. წელს კი სტუმრებს სრულად განახლებული, თანამედროვე დეკორაციებით მორთული გარემო და ჯადოსნური ნაძვის ხე დახვდებათ.
საზეიმო ღონისძიება 12 დეკემბერს, 19:00 საათზე, ისთ ფოინთის მთავარ მოედანზე გაიმართება, სადაც სტუმრებს მრავალფეროვანი პროგრამა ელოდებათ:
ასევე ბევრი სიურპრიზი, რაც სტუმრებს საახალწლო განწყობას კიდევ უფრო აუმაღლებს და ღონისძიებას კიდევ უფრო დაუვიწყარს გახდის.
ღონისძიებაზე დასწრება თავისუფალია.
გვესტუმრეთ ისთ ფოინთში და გახდით ამ ჯადოსნური დღის ნაწილი.
რას აძლევს საქართველოს CORTE-ს წევრობა - Kairos Logistics-ის თანადამფუძნებლის შეფასება
11.12.2025.14:00
Touch Summit-ზე გიგა კაკაშვილმა საქართველოს ბანკის Ads მენეჯერის შესაძლებლობები წარადგინა
11.12.2025.11:38
„სიყვარული ბრუნდება, მთავარია გჯეროდეს“ - თიბისის საახალწლო გზავნილი ემიგრანტებისთვის
11.12.2025.10:14
არსებულ ინვესტორებს ეძლევათ შესაძლებლობა განახორციელონ პროექტები - GREDA ენერგეტიკის სექტორისათვის ₾1 მილიარდის ჯარიმების ჩამოწერაზე
10.12.2025.22:59
