teamtwo - Architects & Engineers არის არქიტექტორების და კონსტრუქტორების ჯგუფი, რომელიც ქართულ ბაზარზე 2019 წლიდან ოპერირებს. Business Insider Georgia კომპანიაში არსებულ სიახლეებზე teamtwo-ს თანადამფუძნებელსა და არქიტექტორს შოთა საგანელიძეს ესაუბრა.

როგორია კომპანიის მიმდინარე სიახლეები?

მიმდინარე პერიოდში teamtwo-ს ფოკუსი მიმართულია საერთაშორისო ბაზრებზე გასვლისა და საექსპორტო პოტენციალის გაძლიერებისკენ. ამ მიმართულებით წელს უკვე მნიშვნელოვანი ნაბიჯები გადაიდგა.

კომპანიამ გაიმარჯვა პროგრამაში „წვდომა საექსპორტო ბაზრებზე“, რომელსაც UNDP ახორციელებს და რომლის მიზანია საქართველოს მცირე და საშუალო კომპანიებისთვის ევროკავშირის ბაზარზე გასვლაში დახმარება. პროგრამის ფარგლებში ჩავატარეთ გერმანიის ბაზრის კვლევა საპროექტო მომსახურების მიმართულებით, შევაფასეთ მოთხოვნა და თანამშრომლობის შესაძლო პოტენციალი.

ამ პროცესში მნიშვნელოვანი იყო ჩვენი მონაწილეობა Architect@Work Düsseldorf-ის საერთაშორისო გამოფენაში, სადაც შესაძლებლობა მოგვეცა გავცნობოდით ადგილობრივ საპროექტო კომპანიებს, გერმანული ბაზრის სპეციფიკას და დაგვემყარებინა პროფესიული კონტაქტები პოტენციურ პარტნიორებთან.

შეხვედრა „Henning Larsen“-ის მასალების დეპარტამენტის მთავარ არქიტექტორ, მარტა ლუისთან

გარდა ამისა, teamtwo-მ მონაწილეობა მიიღო Architecture Trampoline პროგრამაში, რომლის მთავარი მიზანია არქიტექტურისა და სამშენებლო სექტორის საერთაშორისო კონკურენტუნარიანობის ამაღლება და ექსპორტის ხელშეწყობა. სხვა წამყვან ქართულ არქიტექტურულ კომპანიებთან ერთად აღნიშნულ პროგრამაში მონაწილეობამ პრაქტიკული გამოცდილება მოგვცა და ჩამოგვიყალიბა მკაფიო ხედვა იმ ნაბიჯებზე, რომლებიც საჭიროა ჩვენი სერვისების ქვეყნის ფარგლებს გარეთ გასატანად.

როგორ აფასებთ მოთხოვნას ზოგადი თვალსაზრისით?

საქართველოში სამშენებლო და არქიტექტურული მომსახურებებზე მოთხოვნა კვლავ სტაბილურად მზარდია. აქტიურია მოთხოვნა — როგორც საცხოვრებელ, ასევე კომერციულ და სასტუმრო შენობებზე, ბოლო პერიოდში კი იმატა მოთხოვნამ სასწყობე/ლოგისტიკური შენობების მიმართულებით, 2020–2024 წლებში ლოჯისტიკისა და სასაწყობე ფართების მოცულობა დაახლოებით 25–30%-ით გაიზარდა. ეს ტენდენცია უკავშირდება ქვეყნის სატრანზიტო ფუნქციის გაძლიერებას, საერთაშორისო ვაჭრობის ზრდასა და ელექტრონული კომერციის განვითარებას. შედეგად, მოთხოვნა კონცენტრირებულია თანამედროვე, ენერგოეფექტურ და საერთაშორისო სტანდარტებზე მორგებულ სასაწყობე ობიექტებზე.

მოთხოვნების შესაბამისად დამკვეთი ორიენტირებულია ითანამშრომლოს ისეთ საპროექტოსთან რომელიც შესთავაზებს მომსახურების სრულ ციკლს — კონცეფციიდან სატენდერო დოკუმენტაციაში ჩართულობის ჩათვლით, სადაც არქიტექტურა, სტრუქტურული და MEP ინჟინერია ,ჭიდროდ კოორდინირებულია.

როგორც ავღნიშნეთ, მატულობს ინტერესი მდგრადი და ენერგოეფექტური შენობების მიმართ. LEED და WELL სტანდარტებში ჩვენი გუნდის გამოცდილება კი ეხმარება დამკვეთს ეფეტური გადაწყვეტილების მიღებაში.

რომ შევაჯამოთ, მატულობს მოთხოვნა მაღალი ხარისხის საპროექტო კომპანიებზე, ხოლო კვალიფიცირებული გუნდი და ინტეგრირებული მიდგომა უფრო და უფრო მეტად ფასდება.

ცნობისთვის, კომპანია მდებარეობს ქალაქ თბილისში, ზ. ფალიაშვილის #37-ში. მეტი ინფორმაციისთვის დაინტერესებულ პირებს შეუძლიათ teamtwo- ს ვებგვერდს ესტუმრონ ან დაუკავშირდნენ მათ შემდეგ ნომერზე : 555 57 74 99.