ყვავილების ბრენდი Lilat Flowers ბაზარზე 2020 წლიდან ოპერირებს და მომხმარებლებს თაიგულებს, სასაჩუქრე კომპოზიციებს, ინდივიდუალურ და კორპორატიულ შეკვეთებს, ასევე სივრცეებისა და ღონისძიებების ყვავილებით გაფორმების მომსახურებას სთავაზობს. მეტი ინფორმაციისთვის Business Insider Georgia Lilat Flowers-ის თანადამფუძნებელს, მიხეილ ხუციშვილს ესაუბრა.

როგორია კომპანიის საქმიანობის სპეციფიკა, როდიდან ოპერირებს Lilat Flowers ბაზარზე და რა პროდუქტებსა და მომსახურებას სთავაზობს მომხმარებლებს?

Lilat Flowers მე და ჩემმა მეუღლემ, მირიამმა, 2020 წელს, პანდემიის პერიოდში დავაარსეთ. საქმიანობა საკმაოდ რთულ დროს დავიწყეთ, თითქმის დანაზოგის გარეშე, თუმცა გვქონდა მკაფიო ხედვა - შეგვექმნა ყვავილების ბრენდი, რომელიც მომხმარებელს ლამაზ თაიგულთან ერთად სანდო და კომფორტულ მომსახურებას შესთავაზებდა.

თავიდანვე დიდი ყურადღება დავუთმეთ ონლაინგაყიდვებსა და სწრაფ მიწოდებას. www.lilatflowers.ge დღეს თბილისში სამი მაღაზიით ვართ წარმოდგენილი და ჩვენი ლოკაციების განაწილება საშუალებას გვაძლევს, თაიგული მომხმარებელს შეკვეთიდან ერთ საათში მივაწოდოთ. ვთავაზობთ თაიგულებს, სასაჩუქრე კომპოზიციებს, ინდივიდუალურ და კორპორატიულ შეკვეთებს, სივრცეებისა და ღონისძიებების ყვავილებით გაფორმებას, ასევე ყვავილების გამოწერის მომსახურებას.

ამ საქმიანობაში მიღებულმა გამოცდილებამ Flowvend-ის განვითარებამდე მიგვიყვანა. ეს არის ყვავილების ავტომატიზებული გაყიდვის მიმართულება, რომელიც მზა თაიგულის შეძენას დღე-ღამის ნებისმიერ დროს შესაძლებელს ხდის. Flowvend-ის სახელით პოლონური მწარმოებლის, Eldrut-ის, ოფიციალური დისტრიბუტორები ვართ საქართველოში, სომხეთსა და აზერბაიჯანში და ამ ტექნოლოგიის დანერგვაში სხვა ბიზნესებსაც ვეხმარებით.

როგორია კომპანიის მიმდინარე ასორტიმენტი? როგორ არჩევთ ყვავილებს და რა პრინციპით ქმნით თაიგულების დიზაინს?

ჩვენი ასორტიმენტი აერთიანებს სხვადასხვა ზომისა და სტილის თაიგულებს, ყვავილების კალათებს, სასაჩუქრე კომპოზიციებსა და ინდივიდუალურად მომზადებულ შეკვეთებს. ვმუშაობთ როგორც პირად საჩუქრებზე, ისე ბიზნესისთვის განკუთვნილ კომპოზიციებსა და გაფორმებაზე. არჩევანი სეზონურობისა და ყვავილების ხელმისაწვდომობის მიხედვით იცვლება.

ყვავილების შერჩევისას ყურადღებას ვაქცევთ მათ სიახლეს, მდგომარეობას და იმას, როგორ შეინარჩუნებენ იერს მომხმარებელთან მიტანის შემდეგ. ჩვენთვის მნიშვნელოვანია, თაიგული მიღების მომენტშიც ლამაზი იყოს და შემდეგაც ახარებდეს ადამიანს.

დიზაინში განსაკუთრებული ადგილი მირიამის მხატვრულ ხედვას უჭირავს - ის მხატვარია და ფერებს, ფორმებსა და პროპორციებს დიდი ყურადღებით უდგება. კომპოზიციის შექმნისას ვითვალისწინებთ, ვისთვის მზადდება თაიგული, რა შემთხვევისთვის და რა ემოციის გადმოცემა სურს მჩუქებელს. შეფუთვაც ამ მთლიანობის ნაწილია და ყვავილების სილამაზეს უნდა უსვამდეს ხაზს.

რით გამოირჩევა Lilat Flowers კონკურენტებისგან და რა არის კომპანიის მთავარი უპირატესობა? რამდენად მნიშვნელოვანია ყვავილების ხარისხი, კომპოზიციების დიზაინი და მომსახურების სისწრაფე?

ჩვენს მთავარ უპირატესობად მომხმარებლისთვის მიცემული დაპირების შესრულებას ვთვლი. როდესაც ადამიანი ყვავილებს უკვეთავს, ხშირად კონკრეტული მომენტისთვის ემზადება - დაბადების დღისთვის, შეხვედრისთვის, მადლობის სათქმელად ან ვინმეს გასახარებლად. ამიტომ შეკვეთის სწორად და დროულად შესრულებას დიდი პასუხისმგებლობით ვეკიდებით.

ხარისხი, დიზაინი და სისწრაფე ერთმანეთთან პირდაპირ არის დაკავშირებული. ხარისხი განსაზღვრავს, რამდენ ხანს გაახარებს თაიგული ადამიანს; დიზაინი - როგორ შთაბეჭდილებას მოახდენს; სისწრაფე კი მივა თუ არა საჭირო დროს. ჩვენი ამოცანაა, სამივე ერთად უზრუნველვყოთ და მომხმარებელმა განმეორებითი შეკვეთაც მშვიდად გვანდოს.

Flowvend ამ მიდგომას დამატებით შესაძლებლობას აძლევს. მაგალითად, თბილისის აეროპორტში ადამიანს შეუძლია ადგილზე ნახოს მზა თაიგული, შეარჩიოს და სწრაფად შეიძინოს. აპარატში კონტროლირებადი მიკროკლიმატი ყვავილების შენახვას ემსახურება, ხოლო დისტანციური მართვა პროცესის მონიტორინგში გვეხმარება. ჩემთვის ტექნოლოგიის ღირებულება სწორედ ასეთ პრაქტიკულ კომფორტშია.

რა გეგმები აქვს კომპანიას სამომავლოდ? იგეგმება თუ არა ასორტიმენტის გაფართოება, მომსახურების განვითარება ან ბიზნესის მასშტაბის ზრდა?

ჩვენი გეგმები მოიცავს როგორც Lilat Flowers-ის მომსახურების განვითარებას, ისე Flowvend-ის მასშტაბის ზრდას.

დავპარტნიორდით საერთაშორისო მიწოდების სერვის interflora-სთან, რომლის ისტორია 120 წელს მოიცავს და დღეს უკვე გვაქვს შესაძლებლობა ჩვენს მომხმარებელს შევთავაზოთ თაიგულის გაგზავნა მსოფლიოს 80 ქალაქში.

ამასთან, ვმუშაობთ ონლაინშეკვეთის პროცესის გამარტივებასა და კატალოგის გაუმჯობესებაზე, რათა მომხმარებელმა მისთვის შესაფერისი თაიგული უფრო მარტივად შეარჩიოს. გვინდა, განვავითაროთ ყვავილების გამოწერა და კორპორაციული მიმართულება - რეგულარული მიწოდება ოფისებისთვის, სასტუმროებისა და რესტორნებისთვის, ასევე ბიზნესსაჩუქრები. ასორტიმენტის გაფართოებასაც მომხმარებლის მოთხოვნებისა და სეზონურობის გათვალისწინებით ვუყურებთ.

Flowvend-ის მიმართულებით ჩვენი მიზანია ახალი ლოკაციების ათვისება და პარტნიორული ქსელის განვითარება საქართველოში, სომხეთსა და აზერბაიჯანში. საკუთარი გამოცდილებით ვიცით, რამდენი რესურსი სჭირდება ტრადიციული მაღაზიის გახსნასა და მართვას, ამიტომ ავტომატიზებულ გაყიდვებში ზრდის საინტერესო შესაძლებლობას ვხედავთ.

გვინდა, გაფართოებასთან ერთად შევინარჩუნოთ ის ხარისხი და ყურადღება, რის გამოც მომხმარებელი დღეს გვირჩევს. ჩემთვის ბიზნესის ზრდა მომხმარებლის ნდობის ზრდასაც უნდა ნიშნავდეს.

ინფორმაციისთვის, Lilat Flowers-ის მისამართებია:

• თბილისი, ალექსანდრე თვალჭრელიძეს 2
• ეგნატე ნინოშვილის ქუჩა 7
• ომარ ხიზანიშვილის ქუჩა 27