„მელოუ“, საბავშვო ტანსაცმლისა და აქსესუარების კონცეპტუალური სივრცეა, რომელიც ორ წელზე მეტია ოპერირებს ქართულ ბაზარზე. მეტი ინფორმაციისთვის, Business Insider Georgia ბრენდის დამფუძნებლებს ანი ყურაშვილსა და ნუცა მიქელაძეს ესაუბრა. მათივე თქმით, „მელოუ“ მომხმარებელს სთავაზობს პრემიუმ ხარისხის, ეკო-მეგობრულ ტანსაცმელსა და აქსესუარებს.

„მელოუ, საბავშვო ტანსაცმლისა და აქსესუარების კონცეპტუალური სივრცე, უკვე ორ წელზე მეტია საქართველოს ბაზარზეა და მომხმარებელს სთავაზობს პრემიუმ ხარისხის, ეკო-მეგობრულ ტანსაცმელსა და აქსესუარებს, რომლებიც თაობებზეა გათვლილი. „მელოუში“ ევროპული ნიშური ბრენდებია წარმოდგენილი 0-14 წლის ბავშვებისათვის.

ხარისხი და უსაფრთხოება ჩვენთვის უპირველესია. თითქმის ყველა მათგანი სერტიფიცირებულია GOTS ან/და OEKO-TEX® სერტიფიკატებით. ეს იმის გარანტიაა, რომ პროდუქტი მთლიანად ორგანულია და შემოწმებულია მავნე ნივთიერებებზე. ამასთან ერთად , ჩვენი კოლექციები განსხვავებული დიზაინითა და ფერებით გამოირჩევა. ხშირად გვეუბნებიან მომხმარებლები, ყოველდღიური ტანისამოსის გარდა, როდესაც რაიმე განსხვავებულს ეძებენ მათთვის მნიშვნელოვანი დღეების აღსანიშნად, „მელოუ“ ერთ-ერთი პირველი ლოკაციაა, რომელსაც სტუმრობენ. ეს ჩვენთვის უდიდესი მოტივაციაა “, - აცხადებენ ბრენდის დამფუძნებლები.

„მელოუ“ გამორჩეულია მრავალფეროვანი ასორტიმენტითა და განსხვავებული ფერებით.

„ვფიქრობთ, „მელოუ" უკვე ძალიან შეუყვარდათ არა მხოლოდ ბავშვებს, არამედ მათ მშობლებსაც. აქ თბილი გარემო ხვდებათ, განსხვავებული ფერები და საინტერესო ნივთები, რაც უფრო სასიამოვნოს ხდის მათ გამოცდილებას. ორწლიანმა გამოცდილებამ გვაჩვენა,თუ რა სურს ქართველ მომხმარებელს. სწორად შერჩეული კოლექციები და ნივთები ნიშნავს - მაღალ მომართვიანობასა და კმაყოფილ მომხმარებელს. თავად „მელოუ" სასიამოვნოს, ყველანაირი სიუხეშისგან თავისუფალს ნიშნავს და ჩვენი სივრცეც ზუსტად ამართლებს ამ სახელწოდებას. შეძენის გამოცდილებას ამარტივებს ჩვენი ონლაინ ვებ-გვერდი www.mellowstore.ge. საიტზე სრული ასორტიმენტი დაგხვდებათ. ამანათის მიწოდებას კი ნებისმიერ დროს, ნებისმიერ ადგილას ვუზრუნველვყოფთ “, - აღნიშნავენ ბრენდის დამფუძნებლები.

ბრენდი მოკლე პერიოდში სკოლის ჩანთებისა და ზამთრის კოლექციას შესთავაზებს მომხმარებელს. გარდა ამისა, მიმდინარეობს მზადება 2026 წლის გაზაფხული-ზაფხულის კოლექციებისთვის.

„უკვე ველოდებით სკოლის ჩანთებსა და ზამთრის კოლექციებს. პარალელურად კი მზადებას ვიწყებთ 2026 წლის გაზაფხული-ზაფხულის კოლექციებისთვის.
Mellow-ში დაგხვდებათ სკანდინავიური ხარისხის, სისადავისა და სამხრეთული ფერების საუკეთესო ნაზავი. ვიმოგზაურებთ ჩვენს ფერად, Mellow სამყაროში “, - განმარტავენ ბრენდის დამფუძნებლები.

ცნობისთვის, კონცეპტუალური სივრცე თბილისში, ვასილ ბარნოვის 94 ნომერში, მეორე სართულზე მდებარეობს. სამუშაო საათებია, ყოველდღე, 11:00-20:00.