Kairos Logistics-ი ფოთში ტერმინალის აშენებას გეგმავს - ინვესტიცია 30 მლნ ლარამდეა
საერთაშორისო გადამზიდავი კომპანია Kairos Logistics-ი ლოგისტიკური ინფრასტრუქტურის გაძლიერებას განაგრძობს და მალე თბილისთან ახლოს, ახალ A კლასის საბაჟო ტერმინალს გახსნის. როგორც Business Insider Georgia-სთან Kairos Logistics-ის გენერალურმა დირექტორმა მიხეილ ნამადოვმა განაცხადა, თბილისის გეზთან მდებარე Kairos Logistics-ი ახალი, A კლასის საბაჟო ტერმინალი, რომელიც 24 000 ევრო პალეტზე იქნება გათვლილი მაისში გაიხსნება.
აღსანიშნავია, რომ Kairos Logistics-ის A კლასის არსებული საწყობი, თბილისის გეზთან ახლოს მდებარეობს, მისი მოცულობა 6 300მ²-ია და გათვლილია 12 000 ევრო პალეტზე. სტანდარტული საწყობებისგან განსხვავებით, ის სთავაზობს +რეჟიმიანი ტვირთებისა და ტრანზიტული ტვირთების დასაწყობებას, ყველაზე მისაღები და ხელსაყრელი პირობებით.
A ტიპის საწყობი არ არის მხოლოდ სივრცე – ეს არის სტრატეგიული აქტივი, რომელიც კომპანიას შესაძლებლობას აძლევს, კიდევ უფრო მოქნილი და სწრაფი ოპერაციები განახორციელოს, რაც დაზოგავს მომხმარებლების დროს, მენეჯმენტს და ფინანსურ რესურსებს.
Kairos Logistics-ი ლოგისტიკურ პროექტს ახორციელებს ფოთშიც, სადაც კომპანია უკვე სამშენებლო ნებართვის მოპოვებაზე იწყებს მუშაობას.
უახლოეს კვირებში ვაპირებთ პროექტის შეტანას და სამშენებლო ნებართვას, როგორც კი მივიღებთ მაშინვე დავიწყებთ მუშაობას. აღნიშნული ტერმინალის მშენებლობისთვის სულ გვაქვს 27 ათასი კვ/მ ფართობი და პირველი ფაზა იქნება 6 000 ევრო პალეტზე გათვლილი და შემდგომში ნელ-ნელა გავზრდით წარმადობას 10 ათას ევრო პალეტამდე“, - აღნიშნა მიხეილ ნამადოვმა
კომპანია აღნიშნული პროექტის განხორციელებას საკუთარი და მოძიებული ფინანსებით აპირებს. პროექტის სავარაუდო ინვესტიცია 30 მლნ ლარამდეა, რომელიც მიწის და ინფრასტრუქტურის მოწყობის ღირებულებასაც აერთიანებს.
დღის ტოპ 10 სიახლე
სხვა სიახლეები
არქი მსოფლიო რეკორდების სიმაღლეზეა - Archi Grand Avenue-ში მხოლოდ 5 საათში 1202 ბინა გაიყიდა!
24.10.2026.21:32
განსაკუთრებით მაღალი მოთხოვნის გათვალისწინებით, დამატებით კიდევ 156 მომხმარებელი მომდევნო ბლოკის მომლოდინეთა სიას შეუერთდა.
ამ ისტორიული შედეგით, არქი ევროპის, ცენტრალური აზიისა და ახლო აღმოსავლეთის რეგიონის სამეულშია ერთ დღეში გაყიდული ბინების რაოდენობით, არქის მხოლოდ ორი საერთაშორისო გიგანტი უსწრებს: საუდის არაბეთის NHC - 3 980 გაყიდული ბინით (2024 წლის, 15 ნოემბერი) და დუბაის DAMAC - 3 164 გაყიდული ბინით (2024 წლის 10 დეკემბერი).
„დღევანდელი შედეგი ჩვენთვის მხოლოდ რეკორდული გაყიდვები არ არის. ეს არის ნდობა, რომელიც ათასობით ადამიანმა გამოგვიცხადა და რისთვისაც თითოეულ მათგანს გულწრფელ მადლობას ვუხდით. ამ შედეგის უკან ჩვენი გუნდის უდიდესი შრომა დგას. „არქი“ საქართველოში №1 დეველოპერული კომპანიაა, თუმცა ჩვენთვის მთავარი მხოლოდ ლიდერობა არ არის. მნიშვნელოვანია, რომ ადამიანებს შევთავაზოთ რეალური ღირებულება და გავამართლოთ მათი მოლოდინები. Archi Grand Avenue-ში სწორედ ასეთ გარემოს ვქმნით - ქალაქის ახალ ცენტრს, რომელსაც განვითარების უდიდესი პოტენციალი აქვს. ვფიქრობ, მომხმარებლებმაც სწორედ ეს დაინახეს: პერსპექტიული ლოკაცია, პროექტის მასშტაბი, საერთაშორისო ბრენდების ჩართულობა და განსაკუთრებული ფინანსური პირობები. ამ ყველაფერმა ერთად მოგვცა შედეგი, რომლითაც დღეს ძალიან ვამაყობთ“, - აცხადებს „არქის“ გენერალური დირექტორი შიო ხეცურიანი.
დღევანდელი შედეგით „არქიმ“ გასულ წელს დაფიქსირებული საკუთარი რეკორდი ორჯერ მეტად გააუმჯობესა და ბაზარზე ახალი სტანდარტი დააწესა.
აღსანიშნავია, რომ გასულ წელთან შედარებით, პროექტში ბინების ფასი 27–28%-ით გაიზარდა. პერსპექტიული ლოკაცია და განვითარების მასშტაბი პროექტს მიმზიდველს ხდის როგორც საცხოვრებლად, ისე საინვესტიციოდ. განსაკუთრებული ინტერესი ადგილობრივმა მყიდველებმა, ქართველმა ემიგრანტებმა და საერთაშორისო ინვესტორებმა გამოიჩინეს.
Archi Grand Avenue 21 ჰექტარზე ვითარდება, საიდანაც 15 ჰექტარზე მეტი გამწვანებულ და რეკრეაციულ სივრცეებს დაეთმობა. პროექტი აერთიანებს საცხოვრებელ შენობებს, Hilton-ის ხუთვარსკვლავიან სასტუმროს, Wyndham-ის ბრენდირებულ რეზიდენციებს, სპორტულ კომპლექსს, გასტრონომიულ და კომერციულ სივრცეებს.
„მადლობა თითოეულ მომხმარებელს განსაკუთრებული ნდობისთვის. ეს ჩვენთვის დიდი პასუხისმგებლობაა და ყველაფერს გავაკეთებთ, რომ მათი მოლოდინები არა მხოლოდ გავამართლოთ, არამედ გადავაჭარბოთ კიდეც. მათთვის, ვინც ამ ეტაპზე სასურველი ბინის შეძენა ვერ შეძლო, დამატებითი შესაძლებლობა შევქმენით. ჩვენი მიზანია, რაც შეიძლება მეტი ადამიანი გახდეს ქალაქის ახალი ცენტრის ნაწილი“, - აცხადებს „არქის“ დამფუძნებელი ილია წულაია.
