Jay Warehouse • ჯეი ვეარჰაუსი 2026 წელს გაფართოებას და მეტი კლიენტის მოზიდვასთან ერთად დამატებითი სასაწყობე მეურნეობების იჯარით აღებას გეგმავს. როგორც Business Insider Georgia-სთან კომპანია „ჯეი ვეარჰაუსის“ თანამფლობელმა და დირექტორმა ლევან გუჯეჯიანმა განაცხადა, გაფართოება და ახალი საწყობების ათვისება დამოკიდებულია კლიენტების რაოდენობაზე, რაზედაც კომპანია მსხვილ ბიზნესთან ინტენსიურად მუშაობს. „ჯეი ვეარჰაუსის“ გაფართოება ნიშნავს, რომ გაიზრდება კომპანიაში დასაქმებული ადამიანების რაოდენობა, ასევე ის ტექნიკური პარკი, რომელიც კომპანიას საწყობის მენეჯმენტისთვის ესაჭიროება.

„ჯეი ვეარჰაუსი“ ბაზარზე უკვე 3,5 წელია ოპერირებს და წლიდან წლამდე ტვირთბრუნვა დაახლოებით 10%-იან ზრდას აჩვენებს.

„ჩვენთან ხდება ისეთი ტვირთების დასაწყობება, რისი რეალიზაციაც ხდება მაღაზიებში. მაგალითად: ავეჯი, საჭმელი, სასმელი, ქიმია, ტანსაცმელი, ავტომობილის ნაწილები, ელექტრო ტექნიკა და სხვა.

ჩვენ ვთანამშრომლობთ ძირითადად მსხვილ სავაჭრო ქსელებთან და გვაქვს მათი ტვირთები. თუმცა ჩვენს 2026 წლის გეგმებში შედის, რომ მსხვილი ბიზნესების გარდა „ჯეი ვეარჰაუსი“ მცირე და საშუალო ბიზნესებსაც მოემსახუროს.

ჩვენი ბიზნეს-მოდელი საწყობების აშენებას არ ითვალისწინებს. ჩვენ ვახორციელებთ საწყობის მენეჯმენტს. დღევანდელ საწყობში გვყავს 100 თანამშრომელი, რომლებიც ამ ტვირთების მიღებაზე, დასტიკერებაზე, გადალაგებაზე, შეკრებაზე და შემდეგ გაგზავნაზე არიან პასუხისმგებელი.

ჩვენი მთავარი უპირატესობა არის პროგრამული უზრუნველყოფა, რომელიც აწყობილია საწყობის მენეჯმენტზე. WMS (Warehouse Management System) - ჩვენი შექმნილია და ამ სისტემით ვხელმძღვანელობთ,“ - განმარტავს ლევან გუჯეჯიანი.

აღსანიშნავია, რომ „ჯეი ვეარჰაუსის“ სამიზნე აუდიტორია მსხვილი ბიზნესებია, რომელთაც აქვთ საკუთარი მაღაზიების ქსელი ან ახორციელებენ იმპორტს და ამ ტვირთის საწყობში შენახვა და შემდეგ მისი მაღაზიებზე განაწილება სურთ“ - აცხადებს „ჯეი ვეარჰაუსის“ თანამფლობელი.

გარდა სრული ლოგისტიკური სერვისისა, „ჯეი ვეარჰაუსი“ რამდენიმე მსხვილ კომპანიას მხოლოდ საწყობის პროგრამით ემსახურება, ხოლო 2026 წლის გეგმებში ამ კლიენტების გაფართოებაც შედის.

როგორც „ჯეი ვეარჰაუსის“ საიტზე განთავსებულ ინფორმაციაშია აღნიშნული, კომპანიას აქვს ყოველდღიური გამოწვევების პრაქტიკული გადაწყვეტის გამოცდილება და კლიენტებს სთავაზობს საჭიროებებზე მორგებულ 3PL სერვისებს - შეუფერხებელი ოპერაციების, ასევე ზუსტი და დროული მიწოდების უზრუნველსაყოფად.

„ჯეი ვეარჰაუსს“ შეუძლია საკუთარი ვებგვერდზე დაფუძნებული WMS სისტემის ინტეგრირება კონკრეტული ბიზნესის ERP პროგრამულ უზრუნველყოფასთან. „ჯეი ვეარჰაუსის“ სპეციალისტები შეძლებენ მიწოდების ჯაჭვის ოპტიმიზაციას და პარტნიორებს დაეხმარებიან მარაგების მართვაში, შეკვეთების შესრულებასა და დისტრიბუციაში.

„ჯეი ვეარჰაუსის“ უსაფრთხო და კარგად ორგანიზებული საწყობები ყველა ზომის ბიზნესისთვის მოქნილ შენახვის გადაწყვეტილებებს სთავაზობს. ინვენტარიზაციის მართვის მოწინავე სისტემებითა და ეფექტური პროცესებით კომპანია უზრუნველყოფს საქონლის შეუფერხებელ დამუშავებას და თვალყურის დევნებას.

კომპანიის შეთავაზებაში ასევე შედის ყოვლისმომცველი სადისტრიბუციო მომსახურება. „ჯეი ვეარჰაუსი“ ეხმარება ბიზნესებს ოპერაციების ოპტიმიზაციასა და ლოჯისტიკური პროცესების გაუმჯობესებაში.

გარდა სრული ლოგისტიკური სერვისისა „ჯეი ვეარჰაუსი“ მხოლოდ საწყობის პროგრამითაც ემსახურება რამდენიმე მსხვილ კომპანიას და 2026 წლის გეგებში ამ კლიენტების გაფართოებაც შედის