ის რომ Wyndham-ი მონაწილეობს პროექტში, ეს უკვე ნიშნავს ნდობას პირველ რიგში ELT GROUP-ის მიმართ - ლევან ვეფხვაძე La Quinta by Wyndham Batumi-ს გახსნაზე
ის რომ Wyndham-ი მონაწილეობს პროექტში, ეს უკვე ნიშნავს ნდობას პირველ რიგში ELT GROUP-ის მიმართ და მეორე, ეს არის ბათუმის და აჭარის მიმართ ნდობა, - აღნიშნულის შესახებ საქართველოს ბიზნეს ასოციაციის (BAG) აღმასრულებელმა დირექტორმა ლევან ვეფხვაძემ განაცხადა, რომელიც „იელთი“ კვარტალში სასტუმრო La Quinta by Wyndham Batumi-ს გახსნას ესწრებოდა.
„ჩვენთვის, როგორც ბიზნეს ასოციაციისთვის უაღრესად საპატიოა, როცა ჩვენი ერთ-ერთი საპატიო წევრი ასეთ მნიშვნელოვან პროექტს ხსნის და მნიშვნელოვანია ალბათ არის იმდენად, რამდენადაც აქ მისი პარტნიორია ამერიკული, მსოფლიოში ლიდერი ბრენდი Wyndham, რომელსაც 10 ათასზე მეტი სასტუმრო აქვს და ის, რომ Wyndham მონაწილეობს ამ პროექტში უკვე ნიშნავს ნდობას პირველ რიგში ამ კომპანიის მიმართ, მეორე ეს არის ბათუმის და აჭარის მიმართ ნდობა. ეს იმას ნიშნავს, რომ გრძელვადიანი ხედვა იმისა, რომ აქ იქნება განვითარება, აქ იქნება ბიზნესის გაფართოება არსებობს. ვუსურვებ წარმატებას კომპანიას და ასევე ვუსურვებ ახალი მნიშვნელოვანი პარტნიორების შემოყვანას აჭარაში და საქართველოში“, - აღნიშნა ლევან ვეფხვაძემ.
ბათუმში სასტუმრო La Quinta by Wyndham Batumi (ლა ქინთა ბაი უინმდემ) გაიხსნა, რომელიც საქართველოს სწრაფად მზარდ შავი ზღვის რეგიონს ტურისტული თვალსაზრისით, კიდევ უფრო მიმზიდველს გახდის. სასტუმრო La Quinta ქართული სამშენებლო - დეველოპერული კომპანია ELT GROUP- ისა და მსოფლიოს უმსხვილესი ამერიკული სასტუმრო ქსელის – Wyndham Hotel Group-ის ერთობლივი პროექტია და პირველია არამარტო საქართველოში, არამედ კავკასიის რეგიონში. La Quinta - ს ბრენდის სასტუმრო ბათუმში, ახალი ბულვარის მიმდებარედ, „იელთი კვარტალის“ ტერიტორიაზე მდებარეობს.
La Quinta სტუმრების მისაღებად მზად არის. ოფიციალური გახსნის ცერემონიალი ქალაქ ბათუმში 8 მაისს გაიმართა, რომელსაც საქართველოს აღმასრულებელი ხელისუფლების, ადგილობრივი თვითმმართველობის, ბიზნეს სექტორისა და დიპლომატიური კორპუსის, მათ შორის აშშ- ს, თურქეთის, აზერბაიჯანისა და სომხეთის საელჩოს წარმომადგენლები ესწრებოდნენ. ღონისძიებაში მონაწილეობა მიიღეს, აჭარის ფინანსთა და ეკონომიკის მინისტრმა ჯაბა ფუტკარაძემ, ბათუმის მერმა არჩილ ჩიქოვანმა და “იელთი ჯგუფის” ადგილობრივმა და უცხოელმა პარტნიორებმა.
La Quinta by Wyndham Batumi - ი, ქართულ - ამერიკული პროექტია, რომელიც მხარეებს შორის, წარმატებული კოლაბორაციის შედეგად განხორციელდა. Wyndham - ისა და ELT Group - ის მისიაა, სასტუმროს სერვისები ყველასთვის ხელმისაწვდომი გახადოს, რაც ხელს შეუწყობს საქართველოში მოგზაურთა ნაკადისა და ბათუმის, როგორც ტურისტული ლოკაციის მნიშვნალობის ზრდას. ასევე, ქვეყნის შავიზღვისპირეთის დინამიურად მზარდი საინვესტიციო ბაზრის პოტენციალის განვითარებას. ბათუმი, უკვე მოინიშნა მსოფლიოს ტურისტულ რუკაზე რეგიონის ტურისტულ ცენტრად, რომელიც მოგზაურებს მსოფლიოს სხვადასხვა კუთხიდან თავისი მდიდარი კულტურით, მრავალფეროვანი ლანდშაფტებით და მზარდი ტურისტული ინფრასტრუქტურით იზიდავს.
Wyndham Hotel Group-ი უდიდეს ამერიკულ სასტუმრო ქსელს მიეკუთვნება, რომელსაც საერთაშორისო მოგზაურები უკვე კარგად იცნობენ და ენდობიან. Wyndham Hotel Group-ი მსოფლიოს 95-ზე მეტ ქვეყანაში 9,300 - მდე სასტუმროს აერთიანებს. Wyndham - ი აღიარებულია ტექნოლოგიების, სტუმრების გამოცდილებისა და ლოიალობის თვალსაზრისით და იზიარებს “იელთი ჯგუფის” ხედვას ტურისტული პოტენციალის განვითარების შესახებ.
ბათუმში, “იელთი კვარტალის” ტერიდორიაზე მდებარე სასტუმრო La Quinta საერთაშორისო სტანდარტებს პასუხობს და მორგებულია როგორც საქმიანი, ასევე, თავისუფალი მოგზაურებისთვის. სასტმრო 98 ბიზნეს, სტანდარტ, სუპერიორ, ჯუნიორ და ექსკლუზივ ლუქსის ტიპის ნომრებს, ასევე, სპა ცენტრს, ფინურ საუნას, სავარჯიშო დარბაზს, რესტორნებს, ბარს, საკონფერენციო და დასასვენებელ სივრცეებს აერთიანებს. საერთაშორისო სტანდარტების სასტუმრო La Quinta by Wyndham Batumi აჭარის რეგიონში ტურიზმის განვითარებას შეუწყობს ხელს, ქალაქის თანამედროვე, ცოცხალ არქიტექტურაში ჩაეწერება და ადგილობრივი სტუმართმოყვარეობის მოთხოვნებს დააკმაყოფილებს.
La Quinta ადგილმდებარეობით და მომსახურების მაღალი ხარისხით იდეალური არჩევანი იქნება საქართველოს ვიზიტორებისთვის.
აღსანიშნავია, რომ სასტუმრო La Quinta ამერიკის შეერთებულ შტატებში ნომინირებულია ynd ham -ის International Opening Award -ზე. ELT GROUP - ი 19 – 21 მაისს მონაწილეობას მიიღებს Wyndham -ის გლობალურ კონფერენციაში.
დღის ტოპ 10 სიახლე
სხვა სიახლეები
არსებულ ინვესტორებს ეძლევათ შესაძლებლობა განახორციელონ პროექტები - GREDA ენერგეტიკის სექტორისათვის ₾1 მილიარდის ჯარიმების ჩამოწერაზე
10.12.2025.22:59
ეს არის შესაძლებლობა მიცემული სექტორისთვის, იმისთვის, რომ განახორციელონ განახლებად ენერგოწყაროებზე მომუშავე ელექტროენერგიის გენერაციის ობიექტების მშენებლობა, - ამის შესახებ Business Insider Georgia-სთან GREDA-ს აღმასრულებელმა დირექტორმა მაია მელიქიძემ ენერგეტიკის სექტორში მოქმედი კომპანიებისთვის კონკრეტული დათქმით სახელმწიფოს წინაშე დაგროვილი ჯარიმების ჩამოწერის შეფასებისას განაცხადა.
მისი თქმით, საქართველოს აქვს შანსი, რომ ჩამოყალიბდეს ენერგეტიკულ ჰაბად და იმ ინვესტორებს, რომელთაც დაწყებული პროექტების დასრულება სურთ ახლა ამის შესაძლებლობა ეძლევათ.
„წლების განმავლობაში იყო პროექტები, რომლებსაც გამოწვევები ფინანსური თვალსაზრისით და შესაბამისად დაგროვდა პირგასამტეხლო და ჯარიმები. ახლა მიეცათ შესაძლებლობა, რომ პროექტები განახორციელონ და ის ფინანსური წნეხი და დავალიანება და ვალდებულება, რომელიც გააჩნიათ მათ ეს თანხა არ გადაიხადონ ბიუჯეტში და მოახმარონ ამ პროექტების განვითარებას-მშენებლობას და დასახული მიზნის მიღწევას, რაც აქვთ მათ დღის წესრიგში. უბრალოდ თუ ამას ვერ შეძლებენ და მოხდება ის, რომ გაგრძელდება ჯარიმების, საურავების და პირგასამტეხლოს დარიცხვა და თუ ვერ შეძლებენ იმ ვალდებულების შესრულებას რაც აქვთ აღებული მაშინ მათი მდგომარეობა კიდევ უფრო მეტად დამძიმდება. ანუ ეს მოცემულობაც შეიძლება დაგვიდგეს. თუმცა ამ კონკრეტულ სიტუაციაში ეს არის შანსი მიცემული სექტორისთვის, იმისთვის, რომ განახორციელონ თავიანთი განახლებად ენერგოწყაროებზე მომუშავე ელექტროენერგიის გენერაციის ობიექტების მშენებლობა.
მოცემულობა არის ასეთი, სულ არის დაახლოებით პროექტების რაოდენობა 140 - რეალურად 75%-ი მოდის ჰიდროზე, 20%-ი მოდის ქარზე და 5%-ი მოდის მზეზე. ეს არის რეალობა. მეგავატებს რაც შეეხება, არის 1150 მგვტ დადგმული სიმძლავრე. ის ინვესტორები, რომლებიც ძველები არიან - არ არიან ახლები და აქვთ სურვილი, რომ პროექტები განახორციელონ ახლა ეძლევათ ამისი შანსი. იმის გათვალისწინებით, რომ შავი ზღვის წყალქვეშა კაბელმა საერთო ინტერესის პროექტის დატვირთვა მიიღო და სომხეთთან გადამცემი ხაზების გაძლიერება ხდება, საქართველოს ძალიან დიდი პოტენციალი აქვს, რომ ჩამოყალიბდეს ენერგეტიკულ ჰაბად. თუმცა ეს ყველაფერი ვერ მიიღწევა თუ არ მოხდება ელექტროენერგიის გენერაციის ობიექტების ძალიან სწრაფი მშენებლობა და შემდეგ გენერირებული ელექტროენერგიის ინტეგრაცია შემდეგ ქსელში და ქსელიც უნდა დახვდეს ამ ყველაფერს მზად. ეს არის რეალურად ის გადაწყვეტილება, რომელიც იქნა მიღებული“, - აღნიშნა მაია მელიქიძემ.
ქვეყნის პრემიერ-მინისტრის განმარტებით, ენერგეტიკის სექტორში მოქმედ ყველა კომპანიას, რომელიც ჩართულია განახლებადი ენერგიის პროექტების განვითარების პროცესში, კონკრეტული დათქმით ჩამოეწერება სახელმწიფოს წინაშე დაგროვილი ჯარიმები, რომლის ჯამური მოცულობა 1 მილიარდი ლარია.
ირაკლი კობახიძის თქმით, დავალიანებები, ჯარიმებისა თუ საურავების სახით, რომლებიც კომპანიებს გასული წლების განმავლობაში დაუგროვდა, ენერგეტიკის სისტემის განვითარებას ერთ-ერთ დაბრკოლებას უქმნის.
მისივე განმარტებით, დავალიანებების პატიება უნდა გახდეს ახალი, ორმხრივ თანამშრომლობაზე დაფუძნებული, თუმცა, ამასთანავე, პასუხისმგებლობით გაჯერებული პროცესის დასაწყისი.
„ეს ნიშნავს ახალ შეთანხმებებს, ახალ გრაფიკს და ახალ გონივრულ ურთიერთვალდებულებებს სახელმწიფოსა და კომპანიებს შორის. ჩვენ მკაცრად მივუდგებით ახალ შეუსრულებელ ვალდებულებებს ან ახალ დავალიანებებს სახელმწიფო ბიუჯეტის წინაშე.
ჩვენი ახალი მიდგომით, ვიწყებთ ისეთი ენერგეტიკული პოლიტიკის დანერგვას, რომელიც მისაღები იქნება ენერგეტიკის სფეროში ჩართული კომპანიებისათვის და რომლიდანაც მაქსიმალურ სარგებელს მიიღებს ქვეყანა. ჩვენი დღევანდელი გადაწყვეტილება ახალ სტიმულს მისცემს ენერგეტიკის სისტემის განვითარებას, რასაც ქვეყნის ეკონომიკური განვითარებისა და ეკონომიკური დამოუკიდებლობის განმტკიცებისთვის გადამწყვეტი მნიშვნელობა ენიჭება.
მადლობას ვუხდი საქართველოს ეკონომიკისა და მდგრადი განვითარების მინისტრს, ქალბატონ მარიამ ქვრივიშვილს და სამინისტროს გუნდს ამ უმნიშვნელოვანესი გადაწყვეტილების მომზადებისთვის. ენერგეტიკულ კომპანიებს მინდა ვუსურვო წარმატებები განახლებადი ენერგიის პროექტების განხორციელების პროცესში", - განაცხადა პრემიერმა.
ჯარიმების ჩამოწერა არის შესაძლებლობა ენერგეტიკის სექტორისთვის, რათა კომპანიებმა განახორციელონ გენერაციის ობიექტების მშენებლობა - GREDA
10.12.2025.22:46
Green Steps-ი გარემოს ეროვნული სააგენტოს ფასიანი მომსახურების დამატებითი სერვისების შესახებ
10.12.2025.18:00
საქართველოს ბანკის მობილბანკის გათამაშების ფინალური ეტაპი დაიწყო – საპრიზო ფონდი 500 000 ლარია
10.12.2025.17:43
მეტროპოლი – Real Estate Expo 2025-ზე „დამთვალიერებლის რჩეული დეველოპერული პროექტის“ ნომინაციის გამარჯვებული გახდა
10.12.2025.17:37
საქართველოს ბანკის სასტიპენდიო პროგრამაზე განაცხადი 3500-ზე მეტმა სტუდენტმა შემოიტანა - საქართველოს ბანკი, განათლების მთავარი მხარდამჭერი
10.12.2025.15:39
