Invest In Visions და მიკრობანკმა „კრისტალმა“ 20 მილიონი აშშ დოლარის სესხის ხელშეკრულებას მოაწერეს ხელი

ბიზნესი

ნებისმიერი ინვესტორისთვის და განსაკუთრებით დარგობრივი ინვესტორისთვის მნიშვნელოვანია გამჭვირვალე და სამართლიანი თამაშის წესები - GWP-ის ტექნიკური დირექტორი

19.02.2026.13:37

საქართველოს აქვს ძალიან კარგი საინვესტიციო გარემო, ეს არ არის ჩემი შეფასება, ეს ევროპელების შეფასებაა, - აცხადებს ტელეკომპანია „მაესტროს“ ეთერში გადაცემა Business Insider Georgia-ში სტუმრობისას კომპანია GWP-ის კომუნიკაციების დირექტორმა ეკა ბერიძე. მისი თქმით, ევროპული კომპანია „აქვალია“ განსაკუთრებულ ყურადღებას უთმობს საქართველოს და საკუთარი რეპუტაციის დაცვის მიზნით აქ უნიკალურ სრულ წყალმომარაგების ციკლს მართავს თბილისში, რუსთავსა და მცხეთაში.

არის ასე ვთქვათ სტანდარტული კონკურენტული უპირატესობები და არის კიდევ ცოტა არასტანდარტულიც. სტანდარტული არის ის, რომ საქართველოს გეოგრაფიული მდებარეობა თავისთავად განაპირობებს იმას, რომ იყოს საინტერესო ქვეყანა და ყოფილიყო ის ასე ვთქვათ ამ ფორუმის სამშობლოც. არის ის, რომ საქართველოს აქვს ძალიან კარგი საინვესტიციო გარემო. ეს არ არის ჩემი შეფასება, ეს არის ევროპელების შეფასება. ის რომ საქართველოს აქვს ძალიან კარგი მარეგულირებელი სისტემა, გამორჩეულად კარგი და ამასაც ყოველთვის აღნიშნავს "აქვალიას" მენეჯმენტი. ეს არის ასე ვთქვათ ობიექტური კრიტერიუმები.

სუბიექტური კრიტერიუმი არის ის, რომ "აქვალიას" ნამდვილად აქვს საქართველოს მიმართ განსაკუთრებული დამოკიდებულება. ისინი განსაკუთრებულად უფრთხილდებიან ასე ვთქვათ თავიანთ რეპუტაციას ამ ქვეყანაში, ყველგან უფრთხილდებიან მაგრამ საქართველო მათთვის არის სავიზიტო ბარათიც, სადაც მათ აქვთ სრული წყალმომარაგების ციკლი - დაწყებული მოპოვებით დამთავრებული ონკანამდე მიტანით - თბილისში, რუსთავში და მცხეთაში. ამიტომ მათთვის საქართველო არის განსაკუთრებული ქვეყანა და ყველაფერმა ამან ერთად განაპირობა, რომ ფორუმი ჩატარდა სწორედ საქართველოში და მნიშვნელოვანი ფაქტორი არის ისიც, რომ ეს იყო ჩვენი, ანუ ქართული გუნდის იდეა და ამანაც რა თქმა უნდა თავისი როლი ითამაშა“, - აღნიშნა ეკა ბერიძემ.

კომპანია GWP-ის ტექნიკური დირექტორის გიგა ნადირაძის განცხადებით, დარგობრივი ინვესტორისთვის საქართველოში მუშაობის ერთ-ერთი მთავარი წინაპირობა არის გამჭვირვალე და სამართლიანი თამაშის წესები.

„ნებისმიერი ინვესტორისთვის და განსაკუთრებით დარგობრივი ინვესტორისთვის მნიშვნელოვანია გამჭვირვალე და სამართლიანი თამაშის წესები. როდესაც წყალმომარაგების სექტორზე ვსაუბრობთ, ძირითადი საკითხები ინვესტიციებს ეხება, რადგან დარგი ამას საჭიროებს. მნიშვნელოვანია, როგორ ხდება ინვესტიციების შეფასება, შეთანხმება, მათი შემდგომი ასახვა ტარიფში და მეორე, როგორ ხდება, რა პრინციპზე დაყრდნობით ხდება ტარიფების დადგენა, გადახედვა, შეფასება და ასე შემდეგ.

დამოუკიდებელი მარეგულირებლის ინსტიტუტი ქმნის იმ მყარ საფუძველს, რომ ყველა აუცილებელი დოკუმენტი მოწესრიგებული იყოს დადგენილებებით, კანონმდებლობით, რომელიც გამჭვირვალობას ქმნის ამ ბიზნესში.

ასევე, აუცილებელია ვიცოდეთ სახელმწიფოს პოლიტიკა როგორია ინვესტორთან მიმართებაში და ასე შემდეგ და დღევანდელი ჩვენი სახელმწიფოს გაცხადებული პოლიტიკა, რომელიც გულისხმობს ინვესტორების მაქსიმალურ ხელშეწყობას, დახმარებას, მოზიდვას უცხოური ინვესტიციების საქართველოში, ეს რა თქმა უნდა კიდევ ერთი დადებითი სიგნალია ინვესტორებისთვის, რომ მოახდინონ თავიანთი ბიზნესის განხორციელება საქართველოში და მესამე, როდესაც "აქვალია" შემოდიოდა საქართველოში, თბილისის, რუსთავის და მცხეთის წყალმომარაგების სისტემებში წინსწრებით იყო შესწავლილი ის გამოწვევები რაც უშუალოდ სისტემას გააჩნდა. შესაბამისად, სისტემა თვითონ დარგობრივი ინვესტორისთვის იძლევა იმ საშუალებას, რომ აქ ჩვენ საუკეთესო პრაქტიკის დანერგვით შეგვიძლია ძალიან კარგი წარმატებული მაგალითი ვაჩვენოთ სხვა დანარჩენ ქვეყნებს და მათ შორის რეგიონში და არა მარტო. ამიტომ ეს სამი სხვადასხვა მიზეზი იყო რა თქმა უნდა სხვა საკითხებთან ერთად ძირითადი“, - აცხადებს გიგა ნადირაძე.