„ქერი“  ქართული ბრენდია, რომელიც პერსონალიზებულ წინსაფრებს ქმნის. მეტი ინფორმაციისთვის, Business Insider Georgia მ ბრენდის დამფუძნებლებს, ელენე შელიასა და ანა შელიას, ესაუბრა.

- როგორია კომპანიის საქმიანობის სპეციფიკა, როდის დაიწყეთ ბაზარზე
ოპერირება და რას სთავაზობთ მომხმარებლებს?

“ქერი” ბაზარზე 2025 წლის დეკემბერში გამოჩნდა, თუმცა ამ ნაბიჯს რამდენიმე თვიანი მზადება უძღოდა წინ : იდეის დამუშავება, დეტალებზე ფიქრი და პროდუქტის სრულყოფა. ბრენდის მთავარი მიმართულება პერსონალიზებული წინსაფრების შექმნაა, რომლებიც მთელი გულით იკერება და ბევრად მეტია, ვიდრე უბრალოდ პრაქტიკული ნივთი. თითოეული პროდუქტი იქმნება კონკრეტული ადამიანისათვის, რაც მას განსაკუთრებულ მნიშვნელობას სძენს.
ამ ეტაპზე ბრენდის ასორტიმენტში შედის როგორც ზრდასრულებისთვის განკუთვნილი წინსაფრები, ასევე საბავშვო კოლექცია, რომელიც თბილ და გულწრფელ განწყობას უქმნის ადრესატს.

- რას მიიჩნევთ კომპანიის კონკურენტულ უპირატესობად?

„ქერის“ მთავარი კონკურენტული უპირატესობა მომხმარებელთან შექმნილი ემოციური კავშირია. თითოეული პროდუქტი იქმნება ინდივიდუალური და პერსონალიზებული დეტალების გათვალისწინებით, რაც მას უნიკალურს ხდის და მკაფიოდ გამოარჩევს მასობრივი წარმოებისგან.

განსაკუთრებულ ყურადღებას ვუთმობთ შეფუთვასაც, რადგან „ქერის“ პროდუქცია პირველ რიგში საჩუქრის იდეაა. ჩვენთვის მნიშვნელოვანია, რომ საბოლოო შედეგი იყოს იდეალური, ზუსტად ისეთი, როგორსაც თავად ვაჩუქებდით ახლობელს.

ასევე, დიდ მნიშვნელობას ვანიჭებთ მომხმარებელთან კომუნიკაციას. თითოეულ შეკვეთაზე მომხმარებელთან კომუნიკაციას თავად ჩვენ, ბრენდის შემქმნელები, ვაწარმოებთ და ვცდილობთ გავითვალისწინოთ მათი სურვილები, რეკომენდაციები და უკუკავშირი. განსაკუთრებით გვახარებს ის ფაქტი, რომ ძალიან თბილი და ერთგული აუდიტორია გვყავს. სწორედ იმ ადამიანებმა გვიპოვეს, ვისთვისაც თავიდანვე ვქმნიდით „ქერის“ პროდუქტს და ეს ემოციური კავშირი ჩვენთვის განსაკუთრებულად ფასეულია.

- როგორია ბრენდის სამომავლო გეგმები?

„ქერის“ სამომავლო გეგმები ზრდასა და განვითარებას უკავშირდება. ბრენდის მიზანია არა მხოლოდ წინსაფრების ხაზის გაძლიერება, არამედ ასორტიმენტის ეტაპობრივი გაფართოება სახლისთვის განკუთვნილი სხვადასხვა ნივთებით, რომლებიც „ქერის“ ფილოსოფიას სრულად შეესაბამება.

ეს იქნება პროდუქცია, რომელიც აერთიანებს პრაქტიკულობას, ესთეტიკას და ემოციურ ღირებულებას. ნივთები, რომლებიც ყოველდღიურ ოჯახურ გარემოს მეტ სითბოს შესძენს და ერთობლივ მომენტებს კიდევ უფრო მნიშვნელოვნად აქცევს.