ICTA-ს წევრი კომპანია Lineate Georgia | ინოვაცია მარტო არ იქმნება - მას ქმნიან კომპანიები, ლიდერები და ადამიანები, რომლებიც წინსვლას ერთად ირჩევენ
საქართველოში ინფორმაციისა და ტექნოლოგიების სექტორი ერთ-ერთ ყველაზე დინამიკურად მზარდი სექტორია, რომელსაც ქვეყნის ეკონომიკურ განვითარებაში მნიშვნელოვანი წვლილი შეაქვს.
სფეროს განვითარებასთან ერთად შეიქმნა გაერთიანებაც - ICT Association of Georgia, რომელიც დარგის წამყვანი კომპანიებისგან დაკომპლექტდა.
ბოლო წლებში საქართველოს ბაზარზე შემოსვლით საერთაშორისო კომპანიების ინტერესი მზარდია. ერთ-ერთი პირველი ვინც ქართულ IT ბაზარს ნდობა გამოუცხადა და შემოვიდა ამერიკული კომპანია Lineate იყო.
Lineate-მა საქართველოს ბაზარზე და ასევე საქართველოდან გლობალურ ბაზარზე მნიშვნელოვანი პროექტები უკვე განახორციელა და წინ უფრო მეტი გეგმები აქვს.
„Lineate არის პროგრამული უზრუნველყოფის განვითარების კომპანია, რომელიც აშშ-ში, ნიუ-იორკში დაარსდა. კომპანია უკვე 20 წელზე მეტია წარმატებით ოპერირებს და წარმოადგენს სრულფასოვან პროგრამული უზრუნველყოფის განვითარების პარტნიორს.
ჩვენი სპეციალიზაცია მოიცავს ხელოვნური ინტელექტის სერვისებს, მონაცემთა მართვასა და ტექნოლოგიურ სწავლებას. ამ პერიოდის განმავლობაში ჩვენ მსოფლიოს უმსხვილესი კომპანიებისთვის შევიმუშავეთ ინდივიდუალურად მათზე მორგებული პროგრამული გადაწყვეტილებები. ჩვენი ძირითადი ინდუსტრიული მიმართულებებია FinTech, AdTech და HealthTech.
ICTA-სთან პარტნიორობა ჩვენი ორგანიზაციის საქართველოში საქმიანობის დაწყების პირველივე ეტაპზე ჩამოყალიბდა. Lineate-ში გვჯერა ბიზნესის ადვოკატირების, ტექნოლოგიების პოპულარიზაციისა და მათი გავრცელების საზოგადოების სხვადასხვა ფენებში. ჩვენ ასევე გვჯერა საზოგადოების განათლების ტექნოლოგიების დანერგვის სარგებელზე და დარწმუნებულები ვართ, რომ ამ მისიას ICTA-სთან თანამშრომლობით ეფექტურად შევასრულებთ.
ჩვენი პარტნიორობა ICTA-სთან ერთი სიტყვით შეიძლება აღიწეროს — გაძლიერება (Empowerment). გაძლიერება ინდუსტრიის წარმომადგენლებისთვის. გაძლიერება იმ ადამიანებისთვის, რომლებიც საქართველოში ტექნოლოგიურ განვითარებაში არიან ჩართული. გაძლიერება იმ საზოგადოების ნაწილისთვის, რომელიც ტექნოლოგიას მომავალ პროფესიად აღიქვამს. საქართველოს ტექნოლოგიური ინდუსტრია სწრაფი განვითარების და გარდაქმნის ეტაპზეა.
გვჯერა, რომ ICTA-სთან პარტნიორობით შევძლებთ როგორც ინდუსტრიის კომპანიების, ისე იმ ადამიანების გაძლიერებას, რომლებიც დღეს ან მომავალში ტექნოლოგიურ სფეროს ირჩევენ, რათა მათ შეძლონ წარმატების მიღწევა არა მხოლოდ დღეს, არამედ მომავალი წლების განმავლობაშიც. ინოვაცია მარტო არ იქმნება“, - აცხადებს Lineate-ის ვიცე-პრეზიდენტი გიორგი ციკოლია.
დღის ტოპ 10 სიახლე
დაბა ფასანაურის, ბარისახოსა და როშკას განაშენიანების გეგმების კონცეფციების საჯარო განხილვა გაიმართა
სხვა სიახლეები
ICTA-ს წევრი კომპანია EPAM Georgia | ინოვაცია მარტო არ იქმნება - მას ქმნიან კომპანიები, ლიდერები და ადამიანები, რომლებიც წინსვლას ერთად ირჩევენ
27.03.2026.21:00
ICT Association of Georgia არის არასამეწარმეო (არაკომერციული) იურიდიული პირი, რომელიც აერთიანებს საქართველოში მოქმედ წამყვან ინფორმაციულ და საკომუნიკაციო ტექნოლოგიების (ICT) კომპანიებს. მისი მთავარი მიზანი ქვეყანაში ძლიერი, კონკურენტუნარიანი და ინოვაციური ციფრული ეკოსისტემის ჩამოყალიბებაა.
ქვეყანაში IT სექტორის განვითარებასთან ერთად იზრდება ICT Association of Georgia-ის წევრებისა და პარტნიორების რაოდენობა, რომლებსაც ქვეყნის ეკონომიკის განვითარებაში მნიშვნელოვანი წვლილი შეაქვს.
ICT Association of Georgia-ს წევრი კომპანიაა ასევე EPAM Georgia.
„EPAM არის გლობალური კომპანია, რომელიც Fortune 500-ის კომპანიებისთვის ციფრული ტრანსფორმაციის სერვისებს უზრუნველყოფს. საქართველოში ჩვენ გვაქვს ერთ-ერთი უმსხვილესი დელივერი ცენტრი, არა მხოლოდ ქვეყნის, არამედ მთელი რეგიონის მასშტაბით. ჩვენ ICT ასოციაციის წევრები მისი დაარსების პირველივე დღიდან ვართ. ყველაფერი დაიწყო კონკრეტული პრობლემით, რომელიც სხვადასხვა კომპანიას აწუხებდა.
ჩვენ გავერთიანდით ამ საკითხის გარშემო და შევეცადეთ მისი ერთობლივად გადაწყვეტას. სწორედ ამ პროცესში დავინახეთ, რომ კოლექტიურ პრობლემებს საუკეთესო გადაწყვეტა კოლექტიურ სივრცეში აქვს, რის შედეგადაც შევიკრიბეთ ICT ასოციაციაში.
დღეს ასოციაციას უკვე მეტი წევრი ჰყავს და არაერთი გამოწვევა წარმატებით არის გადალახული. მჯერა, რომ მომავალშიც ამ ინდუსტრიას ICT ასოციაცია და კიდევ უფრო მეტი გაერთიანებული წევრი სჭირდება, რომლებიც საერთო პრობლემების გარშემო ერთიანდებიან.
ერთი სიტყვით რომ დავახასიათო ICT ასოციაცია, ეს არის პლატფორმა, სადაც ინდუსტრიის სხვადასხვა კომპანიები ერთიანდებიან კონკრეტული გამოწვევებისა და პრობლემების გარშემო, რათა საზოგადოების ინტერესებიდან გამომდინარე, ერთობლივად იპოვონ საუკეთესო და კრეატიული გადაწყვეტილებები.
ჩემთვის და ჩემი გუნდისთვის მთავარი მისიაა საქართველოს გლობალურ ტექნოლოგიურ რუკაზე დაფიქსირება. მიუხედავად იმისა, რომ ბოლო რამდენიმე წლის განმავლობაში IT ინდუსტრიამ მნიშვნელოვანი ზრდა განიცადა და პრაქტიკულად რამდენჯერმე გაიზარდა, გვჯერა, რომ მისი სრული პოტენციალი ჯერ კიდევ არ არის სრულად ათვისებული.
სწორედ ამიტომ, IT კომპანიების გაერთიანება ასოციაციის ფარგლებში გვაძლევს გაცილებით მეტ შესაძლებლობას, უფრო სწრაფად და ეფექტურად წავიწიოთ წინ. ინოვაცია მარტო არ იქმნება“, - აცხადებს EPAM Georgia-ს გენერალური დირექტორი გივი სართანია.
