ICTA-ს წევრი კომპანია EPAM Georgia | ინოვაცია მარტო არ იქმნება - მას ქმნიან კომპანიები, ლიდერები და ადამიანები, რომლებიც წინსვლას ერთად ირჩევენ
ICT Association of Georgia არის არასამეწარმეო (არაკომერციული) იურიდიული პირი, რომელიც აერთიანებს საქართველოში მოქმედ წამყვან ინფორმაციულ და საკომუნიკაციო ტექნოლოგიების (ICT) კომპანიებს. მისი მთავარი მიზანი ქვეყანაში ძლიერი, კონკურენტუნარიანი და ინოვაციური ციფრული ეკოსისტემის ჩამოყალიბებაა.
ქვეყანაში IT სექტორის განვითარებასთან ერთად იზრდება ICT Association of Georgia-ის წევრებისა და პარტნიორების რაოდენობა, რომლებსაც ქვეყნის ეკონომიკის განვითარებაში მნიშვნელოვანი წვლილი შეაქვს.
ICT Association of Georgia-ს წევრი კომპანიაა ასევე EPAM Georgia.
„EPAM არის გლობალური კომპანია, რომელიც Fortune 500-ის კომპანიებისთვის ციფრული ტრანსფორმაციის სერვისებს უზრუნველყოფს. საქართველოში ჩვენ გვაქვს ერთ-ერთი უმსხვილესი დელივერი ცენტრი, არა მხოლოდ ქვეყნის, არამედ მთელი რეგიონის მასშტაბით. ჩვენ ICT ასოციაციის წევრები მისი დაარსების პირველივე დღიდან ვართ. ყველაფერი დაიწყო კონკრეტული პრობლემით, რომელიც სხვადასხვა კომპანიას აწუხებდა.
ჩვენ გავერთიანდით ამ საკითხის გარშემო და შევეცადეთ მისი ერთობლივად გადაწყვეტას. სწორედ ამ პროცესში დავინახეთ, რომ კოლექტიურ პრობლემებს საუკეთესო გადაწყვეტა კოლექტიურ სივრცეში აქვს, რის შედეგადაც შევიკრიბეთ ICT ასოციაციაში.
დღეს ასოციაციას უკვე მეტი წევრი ჰყავს და არაერთი გამოწვევა წარმატებით არის გადალახული. მჯერა, რომ მომავალშიც ამ ინდუსტრიას ICT ასოციაცია და კიდევ უფრო მეტი გაერთიანებული წევრი სჭირდება, რომლებიც საერთო პრობლემების გარშემო ერთიანდებიან.
ერთი სიტყვით რომ დავახასიათო ICT ასოციაცია, ეს არის პლატფორმა, სადაც ინდუსტრიის სხვადასხვა კომპანიები ერთიანდებიან კონკრეტული გამოწვევებისა და პრობლემების გარშემო, რათა საზოგადოების ინტერესებიდან გამომდინარე, ერთობლივად იპოვონ საუკეთესო და კრეატიული გადაწყვეტილებები.
ჩემთვის და ჩემი გუნდისთვის მთავარი მისიაა საქართველოს გლობალურ ტექნოლოგიურ რუკაზე დაფიქსირება. მიუხედავად იმისა, რომ ბოლო რამდენიმე წლის განმავლობაში IT ინდუსტრიამ მნიშვნელოვანი ზრდა განიცადა და პრაქტიკულად რამდენჯერმე გაიზარდა, გვჯერა, რომ მისი სრული პოტენციალი ჯერ კიდევ არ არის სრულად ათვისებული.
სწორედ ამიტომ, IT კომპანიების გაერთიანება ასოციაციის ფარგლებში გვაძლევს გაცილებით მეტ შესაძლებლობას, უფრო სწრაფად და ეფექტურად წავიწიოთ წინ. ინოვაცია მარტო არ იქმნება“, - აცხადებს EPAM Georgia-ს გენერალური დირექტორი გივი სართანია.
დღის ტოპ 10 სიახლე
MAIZEN მომხმარებელს სააღდგომო კოლექციას სთავაზობს, სადაც გემო და ხელოვნება ერთ ისტორიად ერთიანდება
სხვა სიახლეები
Lion Finance Group-ის შვილობილი Ameriabank სომხეთის საუკეთესო ბანკად დასახელდა
27.03.2026.21:16
Global Finance-ის მიხედვით, წლევანდელი გამარჯვებულები არიან ის ბანკები, რომლებმაც რთულ საბაზრო პირობებში ყურადღებით უპასუხეს მომხმარებელთა საჭიროებებს, მიაღწიეს ძლიერ შედეგებს და ამავე დროს შექმნეს საფუძველი მომავალი წარმატებისთვის. ჟურნალი ხაზს უსვამს, რომ გამარჯვებულმა ორგანიზაციებმა ეფექტიანად მართეს აქტივები და ვალდებულებები ტარიფებთან და გლობალურ ვაჭრობასთან დაკავშირებული მუდმივი გაურკვევლობის ფონზე.
აღსანიშნავია, რომ Ameriabank-მა, როგორც Lion Finance Group-ის ნაწილი, უკვე ოფიციალურად შეუერთდა FTSE 100 ინდექსს, მსოფლიოს ერთ-ერთი წამყვანი ბირჟის London Stock Exchange-ის ფარგლებში, 2026 წლის 20 მარტს ბაზრის დახურვის შემდეგ. ცვლილება ძალაში შევიდა 2026 წლის 23 მარტს.
