ICTA-ს წევრი კომპანია EPAM Georgia | ინოვაცია მარტო არ იქმნება - მას ქმნიან კომპანიები, ლიდერები და ადამიანები, რომლებიც წინსვლას ერთად ირჩევენ
ICT Association of Georgia არის არასამეწარმეო (არაკომერციული) იურიდიული პირი, რომელიც აერთიანებს საქართველოში მოქმედ წამყვან ინფორმაციულ და საკომუნიკაციო ტექნოლოგიების (ICT) კომპანიებს. მისი მთავარი მიზანი ქვეყანაში ძლიერი, კონკურენტუნარიანი და ინოვაციური ციფრული ეკოსისტემის ჩამოყალიბებაა.
ქვეყანაში IT სექტორის განვითარებასთან ერთად იზრდება ICT Association of Georgia-ის წევრებისა და პარტნიორების რაოდენობა, რომლებსაც ქვეყნის ეკონომიკის განვითარებაში მნიშვნელოვანი წვლილი შეაქვს.
ICT Association of Georgia-ს წევრი კომპანიაა ასევე EPAM Georgia.
„EPAM არის გლობალური კომპანია, რომელიც Fortune 500-ის კომპანიებისთვის ციფრული ტრანსფორმაციის სერვისებს უზრუნველყოფს. საქართველოში ჩვენ გვაქვს ერთ-ერთი უმსხვილესი დელივერი ცენტრი, არა მხოლოდ ქვეყნის, არამედ მთელი რეგიონის მასშტაბით. ჩვენ ICT ასოციაციის წევრები მისი დაარსების პირველივე დღიდან ვართ. ყველაფერი დაიწყო კონკრეტული პრობლემით, რომელიც სხვადასხვა კომპანიას აწუხებდა.
ჩვენ გავერთიანდით ამ საკითხის გარშემო და შევეცადეთ მისი ერთობლივად გადაწყვეტას. სწორედ ამ პროცესში დავინახეთ, რომ კოლექტიურ პრობლემებს საუკეთესო გადაწყვეტა კოლექტიურ სივრცეში აქვს, რის შედეგადაც შევიკრიბეთ ICT ასოციაციაში.
დღეს ასოციაციას უკვე მეტი წევრი ჰყავს და არაერთი გამოწვევა წარმატებით არის გადალახული. მჯერა, რომ მომავალშიც ამ ინდუსტრიას ICT ასოციაცია და კიდევ უფრო მეტი გაერთიანებული წევრი სჭირდება, რომლებიც საერთო პრობლემების გარშემო ერთიანდებიან.
ერთი სიტყვით რომ დავახასიათო ICT ასოციაცია, ეს არის პლატფორმა, სადაც ინდუსტრიის სხვადასხვა კომპანიები ერთიანდებიან კონკრეტული გამოწვევებისა და პრობლემების გარშემო, რათა საზოგადოების ინტერესებიდან გამომდინარე, ერთობლივად იპოვონ საუკეთესო და კრეატიული გადაწყვეტილებები.
ჩემთვის და ჩემი გუნდისთვის მთავარი მისიაა საქართველოს გლობალურ ტექნოლოგიურ რუკაზე დაფიქსირება. მიუხედავად იმისა, რომ ბოლო რამდენიმე წლის განმავლობაში IT ინდუსტრიამ მნიშვნელოვანი ზრდა განიცადა და პრაქტიკულად რამდენჯერმე გაიზარდა, გვჯერა, რომ მისი სრული პოტენციალი ჯერ კიდევ არ არის სრულად ათვისებული.
სწორედ ამიტომ, IT კომპანიების გაერთიანება ასოციაციის ფარგლებში გვაძლევს გაცილებით მეტ შესაძლებლობას, უფრო სწრაფად და ეფექტურად წავიწიოთ წინ. ინოვაცია მარტო არ იქმნება“, - აცხადებს EPAM Georgia-ს გენერალური დირექტორი გივი სართანია.
დღის ტოპ 10 სიახლე
სხვა სიახლეები
„ამბასადორი აილენდ ბათუმი” ინოვაციურ პროექტს და საქართველოს განსაკუთრებულ საინვესტიციო პოტენციალს MIPIM 2026-ზე, უძრავი ქონების გლობალურ ფესტივალზე წარადგენს
06.03.2026.20:51
9-დან 13 მარტის ჩათვლით, კანში, „ფესტივალების სასახლეში,“უძრავი ქონების გლობალურ ფესტივალზე, „ამბასადორი აილენდ ბათუმის” გუნდი ისტორიული მნიშვნელობის პროექტს წარადგენს, რომელიც ორი ხელოვნური ნახევარკუნძულისა და ერთი ხელოვნური კუნძულის ზღვაში ფორმირებას ისახავს მიზნად.
„ამბასადორი აილენდ ბათუმის” პროექტი მდგრადი განვითარებისა და ჭკვიანი ქალაქის პრინციპების სრული დაცვით ვითარდება და რეგიონის ურბანული განვითარების ახლებური სტანდარტების დადგენას მოემსახურება. აღსანიშნავია, რომ ამ ეტაპზე, პროექტის ფარგლებში მიწის სამუშაოების 50%-ზე მეტი უკვე შესრულებულია და საპროექტო არეალის 84 ჰა ტერიტორიიდან, 48 ჰა უკვე ფორმირებულია ზღვაში.
„ჩვენ ღრმად გვწამს, რომ „ამბასადორი აილენდ ბათუმის” პროექტს მნიშვნელოვანი ზეგავლენის მოხდენა შეუძლია, ბათუმისთვის ახლებური მომავლის ფორმირებისა და საერთაშორისო ასპარეზზე ჩვენი რეგიონის ცნობადობის გაზრდის პროცესში. აღნიშნულ გამოფენაში მონაწილეობა, ჩვენი ფართომასშტაბიანი საინფორმაციო კამპანიის გაგრძელებაა, რომლის ფარგლებშიც საერთაშორისო აუდიტორიას ვაცნობთ ჩვენი პროექტისა და ზოგადად ქვეყნის, გამორჩეულ საინვესტიციო შესაძლებლობებს“ - აღნიშნა „ამბასადორი აილენდ ბათუმის გენერალურმა დირექტორმა, გოჩა კამკიამ.
საფესტივალო პერიოდში, კომპანიის წარმომადგენლები სხვადასხვა ბიზნეს პროგრამაში მიიღებენ მონაწილეობას და სპეციალურად მოწყობილ მულტიფუნქციურ სტენდთან, კუნძულზე საინვესტიციო შესაძლებლობებთან დაკავშირებით ამომწურავ ინფორმაციას მიაწვდიან დაინტერესებულ პირებს.
ფესტივალის ფარგლებში, გაიმართება კუნძულის პრეზენტაცია, სადაც პარტნიორებს, დაინტერესებულ ინვესტორებსა და სფეროს ექსპერტებს, კუნძულზე არსებულ შესაძლებლობებთან დაკავშირებით, მათთვის საინტერესო შეკითხვებზე, პასუხების მიღების შესაძლებლობა ექნებათ.
კუნძულის პროექტს „ამბასადორი ჯგუფი“ სხვადასხვა საერთაშორისო კომპანიასთან თანამშრომლობით ახორციელებს, როგორებიცაა: ბრიტანული კომპანია Arup, რომელიც მსოფლიო მასშტაბით არაერთი ქალაქის გეგმარებაშია ჩართული, არქიტექტურული და საინჟინრო კომპანია Yüksel Proje და პრესტიჟული ამერიკული არქიტექტურული კომპანია SHoP Architects.
როგორ ჩამოყალიბდა „გურამიშვილის მარანი“ მეღვინეობის, გასტრონომიისა და სტუმარ-მასპინძლობის ერთ-ერთ გამორჩეულ სივრცედ
06.03.2026.14:00
GITA-მ ახალგაზრდობის სააგენტოსთან სახელმწიფო სერვისების შესახებ ახალგაზრდების ცნობიერების ამაღლებაზე თანამშრომლობის მემორანდუმი გააფორმა
06.03.2026.13:05
