წინა წელთან შედარებით, მოთხოვნა 80%-ით არის გაზრდილი, - ამის შესახებ Business Insider Georgia-სთან გურმე • Gourmet-ის წარმომადგენელმა რუსა მუზაშვილმა განაცხადა. მისი თქმით, ქეითერინგის კუთხით წლის განმავლობაში ყველაზე აქტიური პერიოდებია აპრილი, სექტემბერი, ოქტომბერი და დეკემბერი.

„გურმე“ ქეითერინგის სერვისებს თბილისთან ერთად სხვა ქალაქებშიც აწვდის.

„თბილისის მახლობლად გვაქვს მომსახურება, თუმცა ასევე ვაკეთებთ დიდ ივენთებს ქუთაისში, მარნეულში და სხვაგანაც. ჩვენი შეკვეთების 70% კორპორატიულია, ხოლო 30% - ინდივიდუალური,“ - აცხადებს რუსა მუზაშვილი.

„გურმე“, რომლის პორტფელიც ქეითერინგთან ერთად 9 კაფესაც და თბილისში დიდ საწარმოს მოიცავს, კვებით მომსახურებას ერთ-ერთ ყველაზე მნიშვნელოვან ნაწილად მიიჩნევს. ის გეგმავს კომპანიების კვებითი მომსახურების სერვისის გააქტიურებაზე.

„გურმე“ აქტიურად ანახლებს მენიუსაც, და ამ პროცესში მომხმარებლების უკუკავშირი დიდ როლს თამაშობს.

„ყველა კომპონენტს ვითვალისწინებთ. ჩვენთვის ძალიან მნიშვნელოვანია, რომ მომხმარებელი იყოს კმაყოფილი, ამიტომ ყოველთვის ვთავაზობთ სიახლეებს,“ - ამბობს რუსა მუზაშვილი.

მენიუში გათვალისწინებულია ვეგანური და დიეტური მიმართულებებიც. „გურმეს“ ასევე გააჩნია გრძელვადიანი კორპორატიული შეთავაზებები კომპანიებისთვის.

„დღეს „გურმე“ საქართველოში ერთადერთი მცირე კომპანიაა კვების მიმართულებით, რომელმაც აუდიტის შედეგად ISO 22000:2018 საერთაშორისო სერტიფიკატი აიღო. სერტიფიკატის გაცემამდე, პოლონურმა აუდიტორულმა კომპანიამ Grand Cert რამდენიმე თვის განმავლობაში ატარებდა შემოწმებას. სერტიფიკატის მიღებამდე კომპანიაში შემოწმდა ყველა დეტალი - შენობა-ნაგებობა, დანადგარები, ტექნოლოგიური პროცესები და ა.შ.

„გურმეს“ გუნდმა გაითვალისწინა ყველა ის პირობა, რომელსაც ISO-ს სერტიფიკატის მქონე კომპანია უნდა აკმაყოფილებდეს. სპეციალურად შეირჩა პროდუქციის ყველა მომწოდებელი, კონტროლდებოდა პროდუქტების ხარისხი და შესაბამისი სერტიფიკატები.

ISO 22000:2018 კონკრეტულად კვების-სამრეწველო მიმართულებას ეხება. აღნიშნული სერტიფიკატი მომხმარებლისთვის გარანტიაა, რომ კომპანიაში წარმოებული პროდუქცია და მომსახურება არის მაღალი ხარისხის და ჯანმრთელობისთვის უსაფრთხო.

ასევე გვყავს ხარისხის მართვის მენეჯერი, რომელიც ხშირად ატარებს ლაბორატორიულ კვლევებს,“ - აცხადებენ კომპანიაში.

დღეისათვის „გურმე“ 295 ადამიანს ასაქმებს.

„გურმე - სივრცე გემრიელი“ უკვე 13 წელია ბაზარზეა. დაარსების დღიდან დღემდე, კომპანიის კონცეფცია უცვლელია - უმაღლესი ხარისხის ნედლეული, გემრიელი პროდუქტი და მისაღები ფასი. პროდუქცია მზადდება მხოლოდ მაღალი ხარისხის ინგრედიენტებით, რაც შესაბამისი დოკუმენტაციითაც დასტურდება. „გურმეს“ გუნდი დაკომპლექტებულია პროფესიონალებისგან, რომლებიც თითქმის ყოველწლიურად გადიან ტრენინგებს ევროპიდან მოწვეულ სპეციალისტებთან,“ - აცხადებს რუსა მუზაშვილი.

აღსანიშნავია, რომ წლების განმავლობაში „გურმე“ ჩამოყალიბდა როგორც საკმაოდ სტაბილური და სანდო პარტნიორი. ქეითერინგის კომპანიებს შორის ის ყოველთვის ლიდერებს შორის ფიგურირებს. კომპანიამ იმდენად მაღალი ნდობა მოიპოვა, რომ მისი ფრანჩაიზით დაინტერესებაც გამოჩნდა.

„ფრანჩაიზის მიმართულებით გვქონდა ბევრი შემოთავაზება, როგორც ამერიკიდან, ასევე იტალიიდან და ინგლისიდან, მაგრამ ამ ეტაპზე მათ არ განვიხილავთ,“ - ამბობს რუსა მუზაშვილი.